Шойгу Сергей Күжүгет оглу

Шойгу Сергей Күжүгет оглу
Сергей Күжүгет оглу Шойгу
Төрүттүнген ай-хүнү	1955 майның 21(1955-05-21) (70 лет)
Төрүттүнген чери	Чадаана, Тыва автономнуг область[d], РСФСР[d], ССРЭ
Чурту	ССРЭ  Россия
Ажыл-херээ	шеригжи кижи, экономист, гражданский инженер, политик
Адазы	Күжүгет Серээ оглу Шойгу[d]
Иези	Шойгу, Александра Яковлевна
Супруг(а)	Ирина Александровна Шойгу[d]
Ажы-төлү	Юлия Сергеевна Шойгу[d] биле Шойгу Ксения Сергеевна[d]
Шаңналдары база премиялары	почётный гражданин Кемеровской области[d] орден «За заслуги перед Хакасией»[d] заслуженный спасатель Российской Федерации[d] (2000) орден «За заслуги перед Алтайским краем» I степени[d] почётный гражданин Республики Саха[d] орден «За заслуги перед Отечеством» I степени с мечами[d] (2020)
Хол үжүү
Шойгу Сергей Күжүгет оглу

С. К. Шойгу

Сергей Күжүгет оглу Шойгу (орус. Серге́й Кужуге́тович Шойгу́, англ. Sergey Shojgu; 1955 чылдың май 21; Тыва АО, Чадаана) — совет болгаш российжи күрүне ажылдакчызы, российжи шериг баштыңы. Шериг генералы (2003). Россия Федерациязының маадыры (1999). 1994—2012 чылдарда Россия Федерациязының онза байдалдар сайыды, 2012 чылда Москва облазының губернатору кылдыр ажылдаан. 2012 чылдың ноябрь 6-да Россия Федерациязының камгалал сайыды. 2024 чылдың май 12-ден Россия Федерациязының Айыыл чок чорук Чөвүлелиниң Секретары.

Допчу намдары

Сергей Шойгу 1955 чылдың май 21-де Тыва Автономнуг Областың Чадаана хоорайга интернационалчы өг-бүлезинге төрүттүнген. Ачазы Күжүгет Серээевич ТАР үезинде-ле нам болгаш күүседикчи органнарга бедик албан-дужаалдарга ажылдап чораан. Тыва АССР-ниң Министрлер Чөвүлелиниң Даргазының оралакчызынга чедир депшээн.

Сергей Шойгу 1972 чылда Кызылдың 1 дугаар ортумак школазын, 1977 чылда Красноярскиниң политехниктиг институдун дооскан. «Инженер-тудугжу» эртемниг. Эртем доктору аттыг, өг-бүлелиг, 2 улуг кыстарның адазы. Селеме-хылыш чыырынга, гитаралап ырлаарынга ынак.

Аныяк специалист күш-ажылчы намдарын Красноярскиниң «Үлептир химзаводу» эргелелге эгелээн. «Тыватудуг» треске улуг мастерлеп, ооң соонда «Ачинск алюминий-тудуг», «Саян аар-тудуг» болгаш «Абакан вагон-тудуг» трестеринге эргелекчилеп турган.

Абакан хоорайга чурттап, ажылдап тургаш, партия организациязынче шилчип ажылдаар сүме алган. Ооң түңнелинде, 1988 чылда СЭКП Абакан хоорай комитединиң ийиги секретары апарган. Бир чыл болгаш СЭКП Красноярск край комитединиң инструктору болу берген.

1990 чылда РФ-тиң Архитектура болгаш тудуг талазы-биле күрүне комитединиң даргазының оралакчызынга томуйлаткан. Ол үеде чурттуң Чазааның баштыңы Иван Силаев турган.

1991 чылдан эгелээш эң-не буянныг ажыл — чурттуң камгалакчылар корпузун удуртуп эгелээн. Ол бо чоок үеге чедир РФ-тиң Хамааты камгалал, онза берге байдалдар болгаш ооң уржуктарын узуткаар яамының удуртукчузу чораан. Чаңгыс албан-дужаал эдилээриниң талазы-биле рекордчу сайыт.

Чадаананың кожуун эмнелгезинге көжүп чоруур герман госпитальды, республикага вертолеттарны, Камбы-ламаның резиденция бажыңын тударынга чүгле баштайгы дуза кылдыр 15 муң долларны берген. Үстүү-Хүрээ тудуун 2010 чылда Пор-Бажың фондузунуң акшазы-биле туттурган.

Шойгу — Россияның Географтыг ниитилелиниң президентизи.

1992 чылдың

Шаңналдары болгаш аттары

Шериг аттары

• Шериг лейтенантызы (1977)
• Генерал-майор (апрель 26, 1993)
• Генерал-лейтенант (май 5, 1995)
• Генерал-полковник (декабрь 8, 1998)
• Армия генералы (май 7, 2003)

Россияның күрүне шаңналдары

• Россия Федерациязының маадыры (сентябрь 20, 1999)
• «Россия Федерациязының алдарлыг камгалакчызы» хүндүлүг ат (май 18, 2000)
• III-кү чергениң «Ада-чурттуң мурнунга алдар-хавыяазы дээш» ордени (май 21, 2005)
• Хүндүлелдиң ордени (2009 чыл)
• II-ги чергениң «Ада-чурттуң мурнунга алдар-хавыяазы дээш» ордени (декабрь 28, 2010)

Шөлүглер

• Шойгу, Сергей Күжүгетович «Чурттуң маадырлары» деп сайтта
• Шойгу, Сергей «Лентапедияда» бижээн чүүл
• ИТАР-ТАСС-тың албан сайтызында намдары
• Россияның Чазааның албан сайтызында намдары

Дөзү

1. Дарбаа Ю. К. «Тыва дугайында 99 айтырыгга харыылар»