Этанол

Этилдиг спирттиң структурлуг формулазы

Этилдиг спирттиң молекулазының 3 хемчээлдиг модели

Этанол (этаноол, этилдиг спирт, спирт) — спирттер клазынга хамааржыр бүдүмел. Формулазы C₂H₅OH. Өң чок, тускай чыттыг болгаш ажыг амданныг суук чүүл. Хайныышкынының температуразы 78,4 °C, сырыйы (20 °C) 789,3 кг/м³. Суг, спирттер, эфирлер болгаш хлороформ-биле холужары эки.

Спирттиг суксуннарның кол бүдүмели. Кижиниң централдыг нервилиг системазынче салдар чедирер психоактивтиг бүдүмел (депрессант) болуп турар.

Үндүрери

Этилдиг спиртти 2 кол арга-биле үндүрер: микробиологтуг (чижээ, этиленни гидратациялаары) арга.

Спирттиг ажыышкын

дрожжи азы бактериялар дузазы-биле ажыдарының шаандан тура ажыглаттынып келген аргазы. кат-чимис, аъш-чем, рис, кукуруза ажыглаттынар. Реакцияның бөдүүнчүттүнген схемазы:

${\ce {C6H12O6 -> 2 C2H5OH + 2 CO2}}$.

Этиленниң гидратациязы

Үлетпүрде ажыглаттынып турар арга. Гидратация — бүдүмелди суг-биле каттыштырар реакция. Бо аргада этиленни ийи схема-биле гидратациялап болур:

• 300 °C температурага биле 7 МПа базыышкынга дорт гидратация, катализатор кылдыр ортофосфорлуг кислота ажыглаттынып турар:

${\ce {CH2=CH2 + H2O -> C2H5OH}}$;

• Күгүрлүг кислота эфири таварыштыр арга, эфирни улаштыр 80—90 °C-ка гидратациялаары:

${\ce {CH2=CH2 + H2SO4 -> CH3CH2OSO2OH}}$,

${\ce {CH3CH2OSO2OH + H2O -> CH3CH2OH + H2SO4}}$.

Үнүп келген продукт спирт биле янзы-бүрү бүдүмелдерниң холуксаазы болуп турар. Спиртти улаштыр үлетпүрге азы фармацевтикага ажыглаарда ону арыглаары чугула. Дистилляция дузазы-биле (аңгы температураларга хайныр суук бүдүмелдерни бусталдырып аңгылап тургаш) 95,6 % арыг этанол үндүрүп болур.

Физиктиг шынарлар

Нормалыг байдалдарга (20 °C, 101325 Па (бир атмосфера)) — өң чок, бусталыычал, шимченгир, онза чыттыг болгаш ажыг амданныг суук чүүл. Сугдан чиик (сырыйы 789,3 кг/м³). Эриир (доңар) температуразы −114,15 °C, хайныр температуразы 78,39 °C. Молекулярлыг массазы 46,069 а. е.м (Суг, глицерин, диэтилдиг эфир, метанол, уксустуг кислота, хлороформ-биле холужуп болур.

Химиктиг шынарлар

Этанолдуң молекулазының 3 хемчээлдиг моделиниң анимациязы

Этанолдуң кывары болгаш ооң одунуң спектири

Кывар. Кислород чедерде углекислоталыг хей биле суг үндүрүп, чырык көк от-биле кывар:

${\ce {C2H5OH + 3 O2 -> 2 CO2 + 3 H2O}}$.

Тускай байдалдарга оксидацияны долу эвес кылдыр чорудуп, уксустуг кислота азы ацетальдегидче шилчидип болур:

${\ce {3 C2H5OH + K2Cr2O7 + 4 H2SO4 -> 3 CH3CHO + K2SO4 + Cr2(SO4)3 + 7 H2O}}$.

Кислоталар ролюн база ойнап болур. Натрий, калий чижектиг металдар-биле реакцияже кирип, этилаттар дээр дустар тургузар:

${\ce {2 C2H5OH + 2 K -> 2 C2H5OK + H2}}$,

${\ce {C2H5OH + NaH -> C2H5ONa + H2}}$.

Нарын эфирлер тургузуп, карбоннуг кислоталар азы чамдык кислородтуг органиктиг эвес кислоталар-биле реакциялап болур:

${\ce {C2H5OH + RCOOH -> RCOOC2H5 + H2O}}$,

${\ce {C2H5OH + HNO2 -> C2H5ONO + H2O}}$.

Ажыглаашкын

Химия үлетпүрү

• хөй санныг органиктиг бүдүмелдер (диэтилдиг эфир, хлороформ, уксустуг кислота, ацетальдегид, этилацетат, этиламин) үндүрерде ажыглаар бүдүмел;
• дозу, будук бүдүрерде ажыглаар эзилдирикчи;
• антифризтерниң компонентизи.

Эмнелге

эзилдирикчи, экстрагент болгаш антисептик кылдыр ажыглаттынып турар