Дакпажык Кол Бекей оглу
| Дакпажык Кол Бекей оглу | |
|---|---|
| тыв. Дакпажык Кол Бекей оглу | |
| Төрүттүнгенде ады | Кол Бекей оглу Дакпажык |
| Төрүттүнген ай-хүнү | 1919 |
| Төрүттүнген чери | Хамсара, Тожу, Урянхай край |
| Мөчээн ай-хүнү | 1987 |
| Мөчээн чери | Ак-Довурак, Тыва АССР |
Дакпажык Кол Бекей оглу (төрүттүнгенде ады — Кол Бекей оглу Дакпажык, орус. Дакпажык Кол Бекейевич, 1919 чыл — 1987 чыл) — Ада-чурттуң Улуг дайынының киржикчизи, тыва эки турачы эскадроннуң 4-кү взводунуң гвардейжи анаа дайынчызы, ТАР-ның «Дайынчы шылгарал дээш» деп медалының (1944) эдилекчизи.
Допчу намдары
Дакпажык Кол Бекей оглу 1919 чылда Урянхай крайның Тожунуң Хамсарага төрүттүнген.
1935 чылда Кызылдың каттышкан школазын дооскан.
Дайынче чоруурунуң мурнунда Улуг-Хем кожууннуң харылзаа конторазынга ажылдап турган.
Ада-чурттуң улуг дайынынга киржилгези
Тыва Арат Революстуг Намның Төп комитединиң секретариадының 1943 чылдың август 25-тен шиитпири-биле 2-ги тыва эки турачы отрядтың 3-кү взводунуң анаа дайынчызы кылдыр томуйлаткан.
Тыва Арат Республикадан тыва эки турачылар отряды Барыын фронтунуң 6-гы аъттыг корпузунуң Морозов аттыг 8-ки гвардейжи аъттыг Ровно дивизиязының 31-ги гвардейжи аъттыг полкунуң составынче 4-кү эскадрон кылдыр кирген. Ооң составында 1000 километр орук чок черге 45 хонук дургузунда агаар-бойдус талазы-биле кончуг берге байдалдарда чоруп келген. Марш үезинде тывалар кижи-даа, аът-даа талазы-биле чидириг чок турган. Тыва чылгычылар походка шыдамык чоруун көргүскеннер.
1944 чылдың январьның 29-та 4-кү эскадроннуң тыва аъттыг шериглери Украин ССР-ниң Ровно облазының Деражно суур дээш тулчуушкуннарга баштай киришкен болгаш халдаашкынга төлептиг үлегер-чижекти көргүскен.
Моңгуш Доржунуң взводунуң гвардейжи анаа дайынчызы турган. Украин ССР-ниң Ровно облазының Ровно, Дубно хоорайларын, Сурмичи суурну хостаарынга эрес-дидим киришкен. Дубно дээш тулчуушкунга аар балыгланган.
Дайын соонда
Дайын соонда Кызыл хоорайның харылзаа салбырының эргелекчизи кылдыр ажылдап турган. Ооң соонда Тожунуң аңчыыр ажыл-агыйынга ажылдаан.
1967-1979 чылдарда «Туваасбест» комбинадының даг-болбаазырадыг фабриказынга ажылдаан.
1987 чылда Ак-Довурак хоорайга чок болган.
Сактыышкын
Шаңнал-макталдары
• ТАР-ның «Дайынчы шылгарал дээш» деп медалы (1944).
Литература
• Сундуй М. Б. Эки турачы аъттыг эскадрон. Кызыл: Тываның ном үндүрер чери, 1989.
• Пивоваров В. Добровольцы. Кызыл, 1990.
• ДАКПАЖЫК Кол Бекейевич / Урянхайско-тувинская энциклопедия. I том (А-К). Под общей ред. Шойгу С.К., отв. ред. Бичелдей К.А. Кызыл: "Мир тувинцев", 2021. С. 276.
Демдеглелдер
Шөлүлгелер
• Постановление Правительства Республики Тыва О списках участников Великой Отечественной войны 1941—1945 годов, призванных из Тувинской Народной Республики
• Сундуй М. Б. Добровольный кавалерийский эскадрон
• Мы поним! Мы гордимся!