Данзырын, Аяс Владимир оглу
| Аяс Владимир оглу Данзырын | |
|---|---|
| Төрүттүнген ай-хүнү | 31 январь 1976 |
| Төрүттүнген чери | |
| Мөчээн ай-хүнү | 2005 |
| Ажыл-херээ | ыраажы, хөгжүмчү |
| Шаңналдары база премиялары | |
Аяс Владимир оглу Данзырын (1976 январьның 31, Самагалдай, Тыва Автономнуг Совет Социалистиг Республика — 2005 октябрьның 22) — тыва чоннуң XX—XXI чүс чылдың аразында ынак ыраажызы. Ооң күүселдезинде чаңгыс эвес ырылар бар, ол ырының сөзүн, аялгазын боду чогааткаш, ооң кырындан боду күүседип ырлап чораан.
Салым-чаяанныг ыраажывыс ам бо хүннерде аравыста чок-даа болза, ооң күүселдезинде чараш ырыларны чон ам-даа дыңнап чоруур. Чуртап эрткен узун эвес чурталгазынын иштинде, оон кылып чораан ажыл-ижиниң түңнелиндери ам-даа балалып чиде бербээни,өөрүнчүг. Чоннуң сагыш-сеткилинге, оон өткүт үнү база аян ырылары ам-даа хөй-хөй чылдар иштинде чаңгыланып чоруур боорунга идегеп артар-дыр бис. «Эки кылган ажыл, элеп читпес алдар» деп үлегер сөс бо чүүлдүң бадыткалы деп саназа чүүлдүг боор.
Төрүттүнген чери
Данзырын Аяс Владимирович январь 31-ниң 1976 чылда Тес-Хем кожууннуң Самагалдай суурунга чаятынып бодараан. Ооң салым-хуузу ынчалдыр-ла эгелээн. Чашкы үелери болгаш школачы чылдары Кызыл-Чыраа сумузунуң Ак-Эрик деп суурга эрткен. Бирги класстан эгелеп Кызыл-Чыраа (Ак-Эрик) ортумак школазынга өөренип эгелээн. Үшкү класска өөренип тургаш-ла класстың болгаш школаның бот тывынгыр уран-чүүл көргүзүглеринге идекпейлиг киржип эгелээн. Ол хөй кезээнде тыва улустуң ырыларын ырлап турган «Теве-Хая», «Самагалтай», «Хандагайты», «Алды баштыг Кара-Дагны». Эге класты дооскаш, «Сыгырга» хоор бөлгүмүнүң кежигүнү апарган. 1988 чылда «Хөгжүмчү» аттыг фольклорлуг ансамбль школазы шилээш киирип алган, ол үеде алдыгы класстың өөреникчизи турган.
2005 чылда орук озал-ондаанга таварышкаш, хөй эштери-биле, өөнүң ишти-биле чырык өртемчейден чарлып чоруткан.
Сактыышкын
2025 чылдан эгелеп, Тыва Республикада Аяс Данзырынның чырык адынга тураскааткан «Алдын согун» деп эстрада ырларының мөөрейи эртип турар[1], 2025 чылда мөөрей делегей чергелиг эрге-байдалды чедип алгаш, Кызылга август 9 биле 10 хүннеринде болуп эрткен[2].
Шаңналдары
- 1988 чыл — Тес-Хем кожууннуң школачыларының аразынга «Хөөмей, сыгыт, каргыраа — исскуство наших предков» деп сыгыт-хөөмей күүседикчилериниң мөөрейиниң киржикчизи.
- 1992 чыл — 1 дугаар бүгү делегей чергелиг « Хөөмей — культурный феномен народов Центральной Азии» деп ыры-хөгжүм сипозиумунуң киржикчизи
- 1993 чыл — Кызыл-Чыраа ортумак школазын дооскан.
- 1994 — 2000 чч — Амы-хууда ажылдарын кылып, чогаадылга ажылын чордуп турган. «Тыва», «Эртинелиг Тыва» оон-даа өске бөлүктерниң кежигүнү турган.
- 2002 чыл — Кызылдың уран-чүүл училищезиниң «Национал оркестр» салбырын (заочно) өөренип дооскан.
- 2002 чыл — Тываның Күрүне Университединиң «Тыва дыл болгаш литература» салбырынче (заочно) өөренип кирип алган.
- 2004 чыл — «Тыва Республиканың алдарлыг ыраажызы» деп атты тывыскан.
Дөзү
- /Медээлелдиң дөзү/
- ↑ Памяти Аяса Данзырына посвящен конкурс на его родине в селе Ак-Эрик (рус.) (1 октябрьның 2015). Хынаан ай-хүнү: 16 октябрьның 2025.
- ↑ 9 и 10 августа в столице республики отгремел Международный конкурс исполнителей эстрадной песни «Алдын Согун» (рус.). infotuva.ru (11 августуң 2025). Хынаан ай-хүнү: 16 октябрьның 2025.