Дидиржаа Сарыглар Шокар оглу
| Дидиржаа Сарыглар Шокар оглу | |
|---|---|
| тыв. Дидиржаа Сарыглар Шокар оглу | |
 Дидиржаа Сарыглар Шокар оглунуң портреди, Автору: Радомир Балган, 2023 ч. | |
| Төрүттүнгенде ады | Сарыглар Шокар оглу Дидиржаа |
| Төрүттүнген ай-хүнү | 1923 |
| Төрүттүнген чери | Бай-Тал, Сүт-Хөл, ТАР |
| Мөчээн ай-хүнү | 9 февраль 1944 |
| Мөчээн чери | Похорельце, Ровно облазы, Украин ССР |
Дидиржаа Сарыглар Шокар оглу (төрүттүнгенде ады — Сарыглар Шокар оглу Дидиржаа, орус. Дидиржаа Сарыглар Шокар оглу, 1923 — 1944 чылдың февральдың 9) — Ада-чурттуң Улуг дайынының киржикчизи, тыва эки турачы эскадроннуң 4-кү взводунуң гвардейжи анаа дайынчызы, ТАР-ның «Дайынчы шылгарал дээш» деп медальдың (1944) эдилекчизи.
Допчу намдары
Дидиржаа Сарыглар Шокар оглу 1923 чылда Сүт-Хөлге Бай-Тал деп черге төрүттүнген.
Дайын мурнунда Кызыл хоорайның кеш заводунга ажылдап турган.
Ада-чурттуң улуг дайынынга киржилдези
Тыва Арат Революстуг Намның Төп комитединиң секретариадының 1943 чылдың август 25-тен шиитпири-биле 2-ги тыва эки турачы отрядтың 3-кү взводунуң анаа дайынчызы кылдыр томуйлаткан.
Тыва Арат Республикадан тыва эки турачылар отряды Барыын фронтунуң 6-гы аъттыг корпузунуң Морозов аттыг 8-ки гвардейжи аъттыг Ровно дивизиязының 31-ги гвардейжи аъттыг полкунуң составынче 4-кү эскадрон кылдыр кирген. Ооң составында 1000 километр орук чок черге 45 хонук дургузунда агаар-бойдус талазы-биле кончуг берге байдалдарда чоруп келген. Марш үезинде тывалар кижи-даа, аът-даа талазы-биле чидириг чок турган. Тыва чылгычылар походка шыдамык чоруун көргүскеннер.
1944 чылдың январьның 29-та 4-кү эскадроннуң тыва аъттыг шериглери Украин ССР-ниң Ровно облазының Деражно суур дээш тулчуушкуннарга баштай киришкен болгаш халдаашкынга төлептиг үлегер-чижекти көргүскен.
Моңгуш Доржунуң взводунуң гвардейжи анаа дайынчызы турган. Украин ССР-ниң Ровно облазының Ровно, Дубно хоорайларын, Сурмичи суурну хостаарынга эрес-дидим киришкен. Дубно хоорайдан ырак эвесте Похорельце деп суур чанынга тулчуушкунга дайзынның миномедундан үнген мина чаштанчызындан пулеметчик Сарыглар Дидиржаа өлген[1]. Ында орнукшуттунган.
Шаңнал-макталдары
• ТАР-ның «Дайынчы шылгарал дээш» деп медаль (1944)[2]..
Литература
• Сундуй М. Б. Эки турачы аъттыг эскадрон. Кызыл: Тываның ном үндүрер чери, 1989.
• Книга Памяти. Республика Тыва. Кызыл, 1995.
• ДИДИРЖАА Сарыглар Шокар оглу / Урянхайско-тувинская энциклопедия. I том (А-К). Под общей ред. Шойгу С. К., отв. ред. Бичелдей К. А. Кызыл: «Мир тувинцев», 2021. С. 300.
Демдеглелдер
Шөлүлгелер
• Постановление Правительства Республики Тыва О списках участников Великой Отечественной войны 1941—1945 годов, призванных из Тувинской Народной Республики
• Сундуй М. Б. Добровольный кавалерийский эскадрон