Канчыыр-оол Сарыглар Буянды оглу
| Канчыыр-оол Сарыглар Буянды оглу | |
|---|---|
| тыв. Канчыыр-оол Сарыглар Буянды оглу | |
 | |
| Төрүттүнгенде ады | Сарыглар Буянды оглу Канчыыр-оол |
| Төрүттүнген ай-хүнү | 1922 |
| Төрүттүнген чери | Хөндергей, Хемчик кожуун, ТАР |
| Мөчээн ай-хүнү | 9 февраль 1944 |
| Мөчээн чери | Похорельце, Ровно, Украин ССР |
Канчыыр-оол Сарыглар Буянды оглу (төрүттүнгенде ады — Сарыглар Буянды оглу Канчыыр-оол, 1922 чыл — 1944 чылдың февральдың 9) — Ада-чурттуң Улуг дайынының киржикчизи, тыва эки турачы эскадроннуң 6-гы взводунуң гвардейжи ефрейтору.
Допчу намдары
Канчыыр-оол Сарыглар Буянды оглу 1922 чылда Тыва Арат Республиканың Хемчик кожуунунуң Хөндергей сумузунга төрүттүнген[1].
1941 чылдан тура Тыва Араттың Революстуг Шериинде: такист, Т-26 танкының механик-чолаачызы.
Ада-чурттуң Улуг дайынынга киржилгези
Тыва Арат Революстуг Намның Төп комитединиң секретариадының 1943 чылдың август 25-тен шиитпири-биле 2-ги тыва эки турачы отрядтың 5-ки взводунуң анаа дайынчызы кылдыр томуйлаткан.
Тыва Арат Республикадан тыва эки турачылар отряды Барыын фронтунуң 6-гы аъттыг корпузунуң Морозов аттыг 8-ки гвардейжи аъттыг Ровно дивизиязының 31-ги гвардейжи аъттыг полкунуң составынче 4-кү эскадрон кылдыр кирген. Ооң составында 1000 километр орук чок черге 45 хонук дургузунда агаар-бойдус талазы-биле кончуг берге байдалдарда чоруп келген. Марш үезинде тывалар кижи-даа, аът-даа талазы-биле чидириг чок турган. Тыва чылгычылар походка шыдамык чоруун көргүскеннер.
1944 чылдың январьның 29-та 4-кү эскадроннуң тыва аъттыг шериглери Украин ССР-ниң Ровно облазының Деражно суур дээш тулчуушкуннарга баштай киришкен болгаш халдаашкынга төлептиг үлегер-чижекти көргүскен.
Танкы удур боолаар взводтуң гвардейжи старшина Бичен-оол Сарыгларның взводунга ефрейтор эргелиг турган. Украин ССР-ниң Ровно хоорайы болгаш өске-даа чурттакчылыг черлерин хостаарынга эрес-дидим киржип турган. Дубно хоорай чоокшулап тургаш, Сурмичи суур чанынга тулчуушкунга 1944 чылдың февральдың 9-та чок болган. Ровно облазының Похорельце суурнуң чанында хөй дайынчылар орнукшуткан хөөрде ажааттынган[2].
Литература
• Сундуй М. Б. Эки турачы аъттыг эскадрон. Кызыл: Тываның ном үндүрер чери, 1989.
• КАНЧЫЫР-ООЛ Сарыглар Буянды оглу / Урянхайско-тувинская энциклопедия. I том (А-К). Под общей ред. Шойгу С.К., отв. ред. Бичелдей К.А. Кызыл: "Мир тувинцев", 2021. С. 145.
Демдеглелдер
Шөлүлгелер
• Постановление Правительства Республики Тыва О списках участников Великой Отечественной войны 1941—1945 годов, призванных из Тувинской Народной Республики
• Сундуй М. Б. Добровольный кавалерийский эскадрон