Курбатская, Светлана Сүрүң кызы
| Светлана Сүрүң кызы Курбатская | |
|---|---|
 | |
| Төрүттүнген хүнү | 1937 январьның 1 (88 лет) |
| Төрүттүнген чери |
|
| Ажылдап турар чери | |
| Дооскан чери | МКУ |
| Эртем чадазы | доктор географических наук[d] |
 Светлана Сүрүң кызы Курбатская | |
Курбатская Светлана Сүрүңовна (1937 чылдың январьның 1) — география эртемнериниң доктору, профессор, Тыва Республиканың эртеминиң алдарлыг ажылдакчызы, Россия Федерациязының дээди профессионал өөредилгезиниң хүндүлүг ажылдакчызы 2018 чылга чедир Тыва Республиканың болгаш Россияның эртемнер академиязының Сибирьде салбырының Биосфера шинчилээр Убсу-Нурнуң делегей чергелиг төвүнүң директору чораан.
Допчу намдары
Светлана Сүрүңовна Тыва Арат Республиканың Эрзин суурга төрүттүнген. Кызылдың №2 ортумак школазын мөңгүн медальдыг дооскан. Москваның күрүне университединиң биология-хөрзүн факультедин "Агрохимия" эртемниг дооскаш, Тываның чер аайлаар экспедициязынче хөрзүн инженер-шинчилекчизи кылдыр чоргусттунган.
1963—1967 чылдарда — Кызылда күрүнениң педагогика институдунуң чаа тургустунган биология-химия факультединиң деканы.
Академик Г.В. Добровольскийниң эртем удуртулгазы-биле МКУ-нуң "Хөрзүн географиязы" кафедразының аспирантуразын дооскаш, "Тываның даглар аразында оргулааштарының хөрзүннүг шывыы болгаш биогеохимиязы" деп темага кандидат эртем чадазын камгалап алган.
1972—1980 чылдарда — Кызылда күрүнениң педагогика институдунуң эге өөредилге факультединиң деканы.
1980 чылдан Кызылда күрүнениң педагогика институдунга "География" деп специальность ажыттынган соонда География кафедразынга ажылдай берген. Россияның географтыг ниитилелиниң Тыва Республикада салбырының удуртукчузу (2001—2013).
География эртемнериниң доктору (2003), профессор (2010), Тыва Республиканың болгаш Россияның эртемнер академиязының Сибирьде салбырының Биосфера шинчилээр Убсу-Нурнуң делегей чергелиг төвүнүң директору (1991-2018).
Курбатская С. С. 130 ажыг ланшафт болгаш экосистеманың чидиг айтырыгларынга хамаарышкан эртем ажылдарының автору.
Өг-бүлези
Өөнүң ээзи - Курбатский Георгий Николаевич[1] (1936 чылда төрүттүнген) — төөгүчү эртемден, аас чогаал шинчилекчизи, профессор, Тыва Республиканың өөредилгезиниң алдарлыг ажылдакчызы.
Шаңнал-макталдары
- Тыва Республиканың алдарлыг ажылдакчызы (2003),
- Тыва Республиканың эртем талазы-биле алдарлыг ажылдакчызы (2005),
- Тываның күрүне университединиң хүндүлүг профессору (2006),
- Хунань экономиктиг география институдунуң хүндүлүг профессору (2000),
- "Музей ажыл херээнге тускай бердинген ажылы дээш" деп хүндүлүг демдек-биле шаңнаткан.