Куулар Буян Федорович
| Буян Фёдорович Куулар | |||
|---|---|---|---|
 | |||
| Төрүттүнген ай-хүнү | 30 август 1982 (43 хар) | ||
| Төрүттүнген чери | Эрзин кожуун, Тыва Республика | ||
| Хамаатылалы |
 |
||
| Эргези | Гвардейжи биче сержант | ||
| Дужаалы | Халдап кирер бөлүктүң командылакчызы | ||
| Дайын/тулчуушкун | Украинада Тускайлаттынган шериг операциязы | ||
| Шаңнал-макталдары |
|
||
Буян Фёдорович Куулар (1982 чылдың август 30, Эрзин кожууну, Тыва) — Россия Федерациязының Чепсектиг күштериниң шеригжизи, гвардияның биче сержантызы, 55-ки гвардейжи мотоадыгжы дагжы бригаданың хайгыылчы батальонунуң халдап кирер бөлүүнүң командылакчызы[1]. Россия Федерациязының Маадыры[2].
2022 чылдың февраль 24-тен тура дайынчы бөлүү-биле Тускайлаттынган шериг операциязында киржип турар.
Маадырлыг чоруу
Украинага тускай шериг операциязының үезинде янзы-бүрү девискээрлерге даалгаларны күүседиринге эрес-дидим чоруун болгаш арга-дуржулгалыг чоруун көргүскен. Буян Кууларның удуртулгазы-биле халдап кирер бөлүк ЛНР-де болгаш ДНР-де чурттакчылыг черлерни хостаарын хандырган, дайзынның быжыглал черлерин эжелеп, оларның туружун тодарадып турганнар[3]. Украинаның Чепсектиг Күштериниң быжыглаан девискээрин халдап кирериниң даалгаларының бирээзин күүседип тургаш, Буян Куулар бодунуң командылаан улузу-биле кады дайзынны үндүр сывырып, бут кырынга туруп, ийи удур халдаашкынны чайладып, чоок тулчуушкунга киржип шыдаан. Бо таварылгада караулдуң биче сержантызы аар кемдээшкинни алган, ынчалза-даа ол хирезинде ийи дайынчы эш-өөрүнге үезинде эмчи дузазын чедирип, оларны айыыл чок черже көдүрүп алгаш, эвакуация албанынга хүлээдип берген.
Шаңнатканы
Буян Кууларны Россияның Маадырының «Алдын сылдыс»-биле шаңнаар ёзулал Россия Федерациязының Национал камгалал контроль төвүнге Тиилелге хүнүнүң бүдүүзүнде – 2024 чылдың май 3-те болуп эрткен. Гвардияның биче сержантызы Россияның камгалал сайыды Сергей Шойгунуң холундан күрүне шаңналын алган. Бир интервьюга дайынчы «Алдын сылдыс» дээрге ооң бүгү бөлүүнүң ачы-дузазы деп демдеглээн:[4].
Бо дээрге хайгыыл ротазының оолдарының болгаш «Хантера», «Заката», «Лебедя» командылакчыларның буяны-дыр. Мээң-биле кады ажылдап чоруур чаңгыс чер-чурттугларымга, эш-өөрүмге өөрүп четтирдим
Буян Куулар-биле кады ол хүн гвардейжи анаа дайынчылар Сергей Тринадцатый база подполковник Анатолий Сысоев Россияның Маадыры деп атты алганнар[5].
Шаңналдары
- «Россия Федерациязының Маадыры»и (2024) — тускай шериг операциязының даалгаларын күүседирде көргүскен эрес-дидим чорук болгаш маадырлыг чоруу дээш;
- Эрес-дидим чорук ордени — амыдыралга айыылдыг байдалдарда шериг хүлээлгезин күүседирде эрес-дидим болгаш шиитпирлиг чоруу дээш.
Немелде медээ
Буян Куулар Тыва Республиканың үндезин чурттакчыларының аразында Россия Федерациязының Маадыры деп хүндүлүг аттың дөрткү эдилекчизи болган[6].
Улай көр
Демдеглелдер
- ↑ Александр Бойко. Герой спецоперации младший сержант Куулар уничтожил врага в ближнем бою (2024-03-10). Хынаан 5 майның 2024.
- ↑ Награждение участников специальной военной операции. https://времяроссии.рф (4 майның 2024). Хынаан ай-хүнү: 5 майның 2024.
- ↑ Военнослужащему из Тувы присвоено звание Героя России. https://www.mk-tuva.ru (4 майның 2024). Хынаан ай-хүнү: 5 майның 2024.
- ↑ Звезду Героя России вручили младшему сержанту Буяну Куулару за беспримерные мужество и героизм, проявленные при исполнении воинского долга. https://tuva-news.net (5 майның 2024). Хынаан ай-хүнү: 6 майның 2024.
- ↑ Министр обороны Российской Федерации генерал армии Сергей Шойгу вручил медаль «Золотая Звезда» отличившимся в ходе специальной военной операции военнослужащим. http://redstar.ru (6 майның 2024). Хынаан ай-хүнү: 6 майның 2024.
- ↑ Присвоение звания Героя России Буяну Куулару. https://vk.com (3 майның 2024). Хынаан ай-хүнү: 6 майның 2024.