Куулар Сарыг-оол Тамба-Сүрүңович

Рувики деп сайттан
РУВИКИ-де ындыг фамилиялыг өске улус дугайында чүүлдер бар Куулар.
Куулар Сарыг-оол Тамба-Сүрүңович
Куулар Сарыг-оол.jpg
Долу ады 1937 марттың 18(1937-03-18)
Мөчээн хүнү 1997 январьның 22(1997-01-22) (59 лет)
Хамаатызы Совет Социалистиг Республикалар Эвилели→Россия
Ажыл-херээ эртемден

Сарыг-оол Тамба-Сүрүңович Куулар (1937 марттың 18 — 1997 январьның 22) — тыва чогаалчы[1], шүлүкчү[2], журналист[3], Тыва Республиканың чогаалчылар эвилелиниң кежигүну[4], ССРЭ-ниң журналистер эвилелиниң кежигүнү[5]

Допчу намдары

Куулар Сарыг-оол Тамба-Сүрүңович Тыва Арат Республиканың Чөөн-Хемчик кожуунунуң Шеми сумузунуң Борбак-Арыг деп черге 1938 чылдың март 18-те төрүттүнген[6]. 1997 чылдың январь 22-де Кызылга чок болган. Тыва шүлүкчү Александр Тамба-Сүрүңнүң оглу. Кызылдың күрүнениң педагогика институдунуң филология факультедин дооскан. Чөөн-Хемчик кожууннуң Чадаана, Шеми, Өвүр кожууннуң Хандагайты суурларның школаларынга башкылап, «Тываның аңыяктары» солуннуң корреспондентизи  (орус) (тыв. кылдыр, Тыва АССР-ниң радиодамчыдылга болгаш телевидение комитединиң редактору кылдыр, республиканың ниитилел-политиктиг «Шын» солун редакциязының культура өөредилге болгаш литература килдизиниң эргелекчизи кылдыр ажылдап чораан.

Уран чүүлү

Чогаал ажылын 1966 чылдан эгелээн. Ооң шүлүктери, очерктери  (орус) (тыв., чечен чугаалары республика солуннарынга Улуг-Хем чечен чогаал альманагынга парлаттынып турган. «Идегел» (1975), «Бодалдарым боодалдары» ( 1992) деп шүлүктер чыындыларын үндүрген[7]. Шүлүкчүнүң чурумалдары сеткил-сагыш хайныышкынныг болгаш илерээшкинниг долган болур. Ооң шүлүктерин улусчу патриотчу чогаадылганың хей-аъды долган. Шүлүктеринге эвээш эвес ырлар бижиттинген. Ооң чогаалдары орус дылче очулдуртунган.

ССРЭ-ниң журналистер эвилелиниң  (орус) (тыв. кежигүнү. Тыва Республиканың чогаалчылар эвилелиниң кежигүнү.

Кол парлап үндүрген чүүлдери

  • Идегел: шүлүктер. — Кызыл: ТывНҮЧ, 1975. — 56 ар.
  • Бодалдарым боодалдары: шүлүктер. — Кызыл: ТывНҮЧ, 1992. — 96 ар.

Шөлүлгелер

  1. Натпий-оол К. Чечен сөстүг Шеми оглу: чогаалчы С. Кууларнын дугайында (тыва дылда) // Тываның аныяктары : солун. — 1992. — 20 октябрь.
  2. Куулар Сарыг-оол Тамба-Сюрюнович (тыва дылда) // Тываның чогаалчылары. Писатели Тувы : чыынды. — 2001. — Октябрь. — С. 41.
  3. Тамба-Сюрюн Р. Амыдыралдын боодалдары: чогаалчы С. Кууларын дугайында (тыва дылда) // Улуг-Хем : сеткүүл. — 2007. — № 1-2.
  4. Комбу С. С. Куулар Сарыг-оол Тамба-Сюрюнович (тыва дылда) // Тувинская литература : словарь. — 2012. — № 1-2.

Демдеглелдер

  1. ↑ Чөөн-Хемчик кожууннуӊ чогаалчылары. | Образовательная социальная сеть. nsportal.ru. Хынаан ай-хүнү: 28 августуң 2025. Архивтээн 3 декабрьның 2021 года.
  2. ↑ Александр Куулар: «Музыка давно во мне живет и от нее уже не спрятаться». kizil.bezformata.com. Хынаан ай-хүнү: 28 августуң 2025. Архивтээн 5 декабрьның 2021 года.
  3. ↑ ЦА №4 (2012) Капитан смеха. www.centerasia.ru. Хынаан ай-хүнү: 28 августуң 2025. Архивтээн 5 декабрьның 2021 года.
  4. ↑ Словник урянхайско-тувинской энциклопедии / Сергей Кужугетович Шойгу, Каадыр-оол Алексеевич Бичелдей, Фонд президентских грантов (Москва). — Кызыл: ТРОО "Мир тувинцев, 2019. — ISBN 978-5-904780-95-1.
  5. ↑ Комбу С. С. Тувинская литература: словарь / под ред.: Д. А. Монгуша, М. Л. Трифоновой. — Новосибирск, 2012.
  6. ↑ Чөөн-Хемчик кожууннуӊ чогаалчылары... | Администрация Дзун-Хемчикского кожууна РТ | ВКонтакте (рус.). vk.com. Хынаан ай-хүнү: 28 августуң 2025.
  7. ↑ Сарыг-оол Куулар. Венок раздумий: Стихи. — Кызыл: Тувин. кн. изд-во, 1992. — ISBN 978-5-7655-0275-4.
Дөзү – «https://tyv.ruwiki.ru/w/index.php?title=Куулар_Сарыг-оол_Тамба-Сүрүңович&oldid=334179»