Күжүгет Шолбан Артёмович
| Шолбан Артёмович Кужугет | |
|---|---|
 | |
|
| |
| с 2025 чылдың май 21 | |
| Ооң мурнунда | Дина Оюн |
|
|
|
| Төрүттүнген хүнү |
1987 февральдың 20 (39 лет) |
| Намы | Чаңгыс демниг Россия |
| Эртеми | |
Шолбан Артёмович Кужугет (1987 чылдың февральдың 20) — Россияның эмчизи болгаш күрүне ажылдакчызы, Тыва Республиканың күрүне эрге-чагыргазының хоойлужудулга органының Россия Федерациязында Федерация Чөвүлелинде төлээзи (2025 чылдың май 21-ден).
Тыва Республиканың № 2 Республика эмнелгезиниң кол эмчизи (2021—2023), албан медицина камгаладылгазының девискээр фондузунуң директору (2023—2025), Тыва Республиканың Дээди Хуралының (парламентизиниң) депутады (2024—2025).
Биография
1987 чылдың февраль 20-де Тыва АССР-ниң Чөөн-Хемчик районнуң Чадаана хоорайга төрүттүнген[1].
Эрте чашкы үезин Бажың-Алаак суурга эрттирген[2].
Сөөлүнде ооң өг-бүлези Кызылга көжүп келгенде, Кызылдың № 15 лицейинге өөренген[3], учился в Кызылском лицее № 15[4].
2011 чылда Кемеровонуң күрүнениң медицина академиязын дооскаш, «Ниити хирургия» угланыышкынныг ординатурага өөредилгезин уламчылаан[2].
2013 чылда Тывага чанып келген[2].
Эмчи карьеразы
2013—2015 чылдарда — Тыва Республиканың 1 дугаар эмнелгезиниң хирург эмчизи[3].
2015—2019 чылдарда — Республиканың 1 дугаар эмнелгезиниң хүлээп алыышкын салбырының эргелекчизи[5].
2019 чылдан 2021 чылдың сентябрьга чедир — Республиканың 1 дугаар эмнелгезиниң кол эмчизиниң организас-методиктиг ажыл талазы-биле оралакчызы[3].
2021 чылдың сентябрьдан 2023 чылдың январьга чедир — Тыва Республиканың 2 дугаар эмнелгезиниң кол эмчизи[5].
COVID-19 пандемиязының үезинде эмнелге албан черлериниң халдавыр нептеретпес талазы-биле ажылын организаастаарынга киришкен[4].
2023 чылдың январьдан эгелеп, Албан медицина камгалалының девискээр фондузунуң директору[3].
Политиктиг карьеразы
2021 чылдан эгелеп, «Чаңгыс демниг Россия» партиязыныӊ кежигүнү[4].
2022 чылда Кызылдың төлээлекчилер хуралының «Чаңгыс демниг Россияның» даңзызы-биле депутады болган, 2024 чылдың сентябрь 17-де бүрүн эргелерин дүжүрген.[6][7].
2024 чылдың сентябрьда Тыва Республиканың Дээди Хуралының депутадынга «Чаңгыс демниг Россиядан» соңгуттуруп, партияның фракциязын удуртуп эгелээн[3][8][9].
2025 чылдың май 21-де Дээди Хуралдың депутаттарының улуг хөй кезии-биле Шолбан Кужугетти республиканың хоойлужудулга эрге-чагыргазындан сенатор кылдыр соңгаан[10]. Соңгулдаларның түңнелдерин чарлаан соонда ол мынча дээн[11]:
Ындыг улуг ужур-уткалыг миссияны коллегаларым меңээ бүзүреп турарынга аажок өөрүп тур мен. Федерация Чөвүлелинге бистиң республикавысты төлептии-биле бараалгадып Тываның эрге-ажыктарын камгалаар дээш бүгү күжүмнү, эртем-билиимни, арга-дуржулгамны ажыглаар мен
2025 чылдың июнь 4-те Федерация Чөвүлелиниң 591-ги хуралынга Тыва Республиканың хоойлужудулга эрге-чагыргазындан чаа төлээзи — сенатор Шолбан Күжүгетке Федерация чөвүлелиниң кежигүнүнүң шынзылгазы-биле бүрүн эргелерин тывыскан[12]Шолбан Кужугет сенаторнуң билдириишкининиң аайы-биле ону ФЧ-ниң Социал политика талазы-биле комитединиң составынче киирген[13].
Хууда чуртталгазы
Өглүг, ийи кыстыг[2].
Шүлүк бижиир[2].
Шаңналдары
- 2020 — Тыва Республиканың кадык камгалал яамызының хүндүлел бижии[4].
Демдеглелдер
- ↑ Сведения о проводящихся выборах и референдумах. Выборы депутатов Верховного Хурала (парламента) Республики Тыва четвертого созыва. old.izbirkom.ru. Хынаан ай-хүнү: 21 майның 2025.
- ↑ 1 2 3 4 5 Шолбан Кужугет: Для стихосложения нужна сильная эмоция. minzdravtuva.ru (26 февральдың 2019). Хынаан ай-хүнү: 21 майның 2025.
- ↑ 1 2 3 4 5 Кужугет Шолбан Артемович. Верховный Хурал (парламент) Республики Тыва. Хынаан ай-хүнү: 21 майның 2025.
- ↑ 1 2 3 4 Сенатор Совфеда от Верховного хурала Тувы Шолбан Кужугет. Досье (2025-05-21). Хынаан 21 майның 2025.
- ↑ 1 2 Сенатором от Тувы назначен Шолбан Кужугет (2025-05-21). Хынаан 21 майның 2025.
- ↑ Елена Аникина. Парламент Тувы наконец определил сенатора (2025-05-21). Хынаан 21 майның 2025.
- ↑ Решение Хурала представителей города Кызыла от 20 сентября 2024 года № 143 «О досрочном прекращении полномочий депутата Хурала представителей города Кызыла шестого созыва Кужугета Шолбана Артемовича» (неопр.). Хурал представителей города Кызыла. Хынаан ай-хүнү: 21 майның 2025.
- ↑ Кужугет Шолбан Артемович. Хынаан 21 майның 2025.
- ↑ Кужугет Шолбан Артемович (рус.). Избиратель - Депутат. Хынаан ай-хүнү: 21 майның 2025.
- ↑ Сенатором от парламента Тувы назначили Шолбана Кужугета (2025-05-21). Хынаан 21 майның 2025.
- ↑ Сенатором от Тувы в Совете Федерации назначен Шолбан Кужугет (рус.). Тува Медиа Групп — Новости Тувы (21 майның 2025). Хынаан ай-хүнү: 21 майның 2025.
- ↑ Новый сенатор от Тувы выбрал комитет в Совете федерации
- ↑ Ш. Кужугет включен в состав Комитета СФ по социальной политике