Маадыр-оол Иргит Кодур-оол оглу
| Маадыр-оол Иргит Кодур-оол оглу | |
|---|---|
| тыв. Маадыр-оол Иргит Кодур-оол оглу | |
| Төрүттүнген ай-хүнү | 1924 |
| Төрүттүнген чери | Каргы, Мөңгүн-Тайга кожуун, ТАР |
| Мөчээн ай-хүнү | 2 февраль 1944 |
| Мөчээн чери | Ровно, Украин ССР |
Маадыр-оол Иргит Кодур-оол оглу (төрүттүнгенде ады — Иргит Кодур-оол оглу Маадыр-оол, орус. , 1924 чылдың август — 1944 чылды февральды 2) — Ада-чурттуң Улуг дайынының киржикчизи, тыва эки турачы эскадроннуң 2-ги взводунуң гвардейжи анаа дайынчызы, ТАР-ның ордениниң эдилекчизи.
Допчу намдары
Маадыр-оол Иргит 1924 чылды августа Мөңгүн-Тайганың Каргы деп черге Иргит Кодур-оол биле Хорулдуң өг-бүлезинге төрүттүнген. Кускуннуг-Арыгга Чайлаг школазынга 4 класс дооскан. Школа соонда вожатыйлап ажылдап турган.
1942 чылдан Тыва Арат Революстуг Шеригге шериг албанын эрттирип турган.
Ада-чурттуң улуг дайынынга киржилдези
Тыва Арат Революстуг Намның Төп комитединиң секретариадының 1943 чылдың август 25-тен шиитпири-биле 2-ги тыва эки турачы отрядтың 2-ги взводунуң 1-ги салбырының анаа дайынчызы кылдыр томуйлаткан.
Тыва Арат Республикадан тыва эки турачылар отряды Барыын фронтунуң 6-гы аъттыг корпузунуң Морозов аттыг 8-ки гвардейжи аъттыг Ровно дивизиязының 31-ги гвардейжи аъттыг полкунуң составынче 4-кү эскадрон кылдыр кирген. Ооң составында 1000 километр орук чок черге 45 хонук дургузунда агаар-бойдус талазы-биле кончуг берге байдалдарда чоруп келген. Марш үезинде тывалар кижи-даа, аът-даа талазы-биле чидириг чок турган. Тыва чылгычылар походка шыдамык чоруун көргүскеннер.
1944 чылдың январьның 29-та 4-кү эскадроннуң тыва аъттыг шериглери Украин ССР-ниң Ровно облазының Деражно суур дээш тулчуушкуннарга баштай киришкен болгаш халдаашкынга төлептиг үлегер-чижеки көргүскен.
Чимит-Дамбаа Хертек 1944 чылдың февральдың 2-де Ровно хоорайның чигир заводу дээш кадыг-дошкун тулчуушкунга чок болган[1].
Сактыышкын
Иргит Маадыр-оолдуң ады-биле 1990 чылда Тиилелгениң 45 чыл оюнга уткуштур Мугур-Аксы суурда кудумчу адын адаан. а 2020 чылдың ноябрь 4-те ооң чырык адынга тураскаалды ол-ла кудумчунуң бажында тургускан[2]. Установили в конце улицы Маадыр-оол с. Мугур-Аксы. Эта улица названа в честь Иргит М.К. в 1990 году к празднованию 45-летнего дня Победы в ВОВ.
Литература
• Сундуй М. Б. Эки турачы аъттыг эскадрон. Кызыл: Тываның ном үндурер чери, 1989.
• Книга Памяти. Республика Тыва. Сост. Н.М. Моллеров. Кызыл, 1995.
• МААДЫР-ООЛ Иргит Кодур-оол оглу / Урянхайско-тувинская энциклопедия. II том (Л-Я). Под общей ред. Шойгу С.К., отв. ред. Бичелдей К.А. Кызыл: "Мир тувинцев", 2021. С. 24.
Демдеглелдер
Шөлүлгелер
• Постановление Правительства Республики Тыва О списках участников Великой Отечественной войны 1941—1945 годов, призванных из Тувинской Народной Республики
• Сундуй М. Б. Добровольный кавалерийский эскадрон
• В Монгун-Тайге увековечили память тувинского добровольца Маадыр-оола Иргита