Мендуме Михаил Клаевич

Рувики деп сайттан
Михаил Клаевич Мендуме
Мендуме Михаил Клаевич.jpg
Флаг
Тыва АССР-ниң Дээди Чөвүлелиниң Президиум Даргазы
1977 чылдың июньнуң 22 — 1984 чылдың декабрь
Ооң мурнунда Бай-Кара Шолулбаевна Долчаңмаа
Ооң соонда Чимит-Доржу Байырович Ондар
Тыва АССР-ниң Сайыттар Чөвүлелиниң Даргазы
1962 чылдың январьның 10 — 1977 чылдың июньнуң 22
Ооң мурнунда Чаа албан-дужаал
Ооң соонда Чимит-Доржу Байырович Ондар
Флаг
Тыва облкүүскомнуң Даргазы
1961 чылдың февраль — 1962 чылдың январьның 10
Ооң мурнунда Александр Мангеевич Чимба
Ооң соонда Албан-дужаалды ап каапкан
Төрүттүнген хүнү 1922 марттың 15(1922-03-15)
Мөчээн хүнү 2001 декабрьның 7(2001-12-07) (79 лет)
Намы СЭКП
Эртеми СЭКП ТК-ның чанында партияның дээди школазы
Мергежили күрүне ажылдакчызы
Шаңналдары
Орден Октябрьской Революции Ажылчы Кызыл Туктуң ордени Орден Дружбы народов Орден «Знак Почёта»

Михаил Клаевич Мендуме (1922 марттың 15, Тожу кожуун — 2001 декабрьның 7, Кызыл) — совет партия болгаш күрүне ажылдакчызы. Тыва АССР-ниң Сайыттар Чөвүлелиниң (1962—1977) болгаш Дээди Чөвүлелиниң Президиумунуң (1977—1984) даргазы[1].

Допчу-намдары

Аңчы өг-бүлеге төрүттүнген. Тываның ССРЭ-ниң составынга киреринге чедир ол беш чыл дургузунда ревсомолдуң эге звеноларынга ажылдаан. Тыва ССРЭ-ниң составынче кирген соонда ону ВЛКСМ-ниң Тожу, Каа-Хем болгаш Кызыл райкомнарының бирги секретарынга, оон ВЛКСМ-ниң область комитединиң килдис эргелекчизинге томуйладып чораан[1].

1944 чылда ВКП(б) ТК-ның чанында партияның дээди школазын  (орус) (тыв. дооскан[1].

  • 1944—1950 чч. — ВКП(б)-ниң Тыва область комитединиң информация секторунуң эргелекчизи,
  • 1950—1953 чч. — ВЛКСМ-ниң область комитединиң секретары,
  • 1953—1954 чч — СЭКП-тиң Тыва область комитединиң пропаганда болгаш агитация килдизиниң эргелекчизи,
  • 1954—1960 чч. — СЭКП-тиң Тожу район комитединиң секретары, бирги секретары,
  • 1961—1962 чч. — Тыва АО-нуң область совединиң күүсекчи комитединиң даргазы,
  • 1962—1977 чч. — Тыва АССР-ниң Сайыттар Чөвүлелиниң даргазы,
  • 1977—1984 чч. — Тыва АССР-ниң Дээди Чөвүлелиниң Президиумунуң даргазы[1].

1984 чылдан тура хүндүлүг дыштанылгада[1].

СЭКП-ниң XXII, XXIII, XXIV, XXVI съездилериниң делегадынга, РСФСР-ниң  (орус) (тыв. Дээди Чөвүлелиниң 6-10 чыыштарының депутадынга, {{РСФСР-ниң Дээди Чөвүлелиниң Президиумунуң даргазының оралакчызынга (1977—1984), Тыва АССР-ниң Дээди Чөвүлелиниң депутадынга, СЭКП-тиң Тыва обкомунуң бюрозунуң кежигүнүнге соңгуттуруп чораан[1].

Чогаал ажылын кылып чораан. Ол «Тайга ээзи» биле «Орус шөл» деп ийи тоожуну, Тываның кижилериниң дугайында кезек очерктерни үндүрген[1].

Михаил Клаевич Мендуме 2001 чылдың декабрь 7-де чырык өртемчейден чарлып чоруткан[2].

Шаңналдары болгаш хүндүлүг аттары


• Октябрь Хувискаалының ордени,
• Күш-ажылдың Кызыл Тук ордени,
• Улустарның Найыралы орден,
• Орден «Хүндүткелдиң демдээ»,
• «1941—1945 чч. Ада-чурттуң Улуг дайынынга шылгараңгай күш-ажылы дээш» медаль,
• «Кур черлерни шиӊгээдиишкини дээш» медаль,
• «Владимир Ильич Ленинниң төрүттүнгенинден бээр 100 чыл ою» медаль,
• Тыва АССР-ниң Дээди Чөвүлелиниң Президиумунуң хүндүлел бижии[1].

Демдеглелдер

  1. ↑ 1 2 3 4 5 6 7 8 Оюн Д. Он служил народу (рус.). tuvapravda.ru. Тувинская правда (30 марттың 2017). Хынаан ай-хүнү: 3 сентябрьның 2025.
  2. ↑ Скончался Михаил Клаевич Мендуме (рус.). www.tuvaonline.ru. Пресс-служба Правительства РТ (10 декабрьның 2001). Хынаан ай-хүнү: 3 сентябрьның 2025.

Шөлүлгелер


• Он служил народу
• Он жил и работал ради людей

Дөзү – «https://tyv.ruwiki.ru/w/index.php?title=Мендуме_Михаил_Клаевич&oldid=330959»