От-оол Ооржак Доржу оглу

Рувики деп сайттан
От-оол Ооржак Доржу оглу
тыв. От-оол Ооржак Доржу оглу
От-оол Ооржак Доржу оглу.jpg
Төрүттүнгенде ады Ооржак Доржу оглу От-оол
Төрүттүнген ай-хүнү 14 август 1918(1918-08-14)
Төрүттүнген чери Саглы-Бажы, Саглы, Өвүр, Урянхай край[1]
Мөчээн ай-хүнү 1975(1975)
Мөчээн чери Бурен-Бай-Хаак, Каа-Хем кожуун, Тыва АССР

От-оол Ооржак Доржу оглу (төрүттүнгенде ады — Ооржак Доржу оглу От-оол, орус. От-оол Ооржак Доржуевич, 1918 чылдың августуң 14 — 1975 чыл) — Ада-чурттуң Улуг дайынының киржикчизи, гвардейжи сержант, тыва эки турачы эскадроннуң танкыга удур боолаар взводунуң салбыр командылакчызы, ТАР-ның «Дайынчы шылгарал дээш» деп медалының эдилекчизи (1944).

Допчу намдары

От-оол Ооржак Доржу оглу 1918 чылдың августуң 14-те Саглы сумузунуң Саглы-Бажы деп черге төрүттүнген[2].

Час-Адыр алдын артелинге ажылдап чораан[3].

1941 чылда Тыва Араттың Революстуг Шериинге шериг албаны эрттирип турган. Танкистер курстарын дооскан, Т-26 деп танкыны, бронетранспортёрну шиңгээдип алган. Ооң соонда биче командылакчылар школазын дооскан. Салбыр командылакчызы турган. Артиллерист, пулемлётчик мергежилин дооскан.

Ада-чурттуң Улуг дайынынга киржилгези

Тыва Арат Революстуг Намның Төп комитединиң секретариадының 1943 чылдың август 25-тен шиитпири-биле 2-ги тыва эки турачы отрядтың 5-ки взводунуң анаа дайынчызы кылдыр томуйлаткан.

Тыва Арат Республикадан тыва эки турачылар отряды Барыын фронтунуң 6-гы аъттыг корпузунуң Морозов аттыг 8-ки гвардейжи аъттыг Ровно дивизиязының 31-ги гвардейжи аъттыг полкунуң составынче 4-кү эскадрон кылдыр кирген. Ооң составында 1000 километр орук чок черге 45 хонук дургузунда агаар-бойдус талазы-биле кончуг берге байдалдарда чоруп келген. Марш үезинде тывалар кижи-даа, аът-даа талазы-биле чидириг чок турган. Тыва чылгычылар походка шыдамык чоруун көргүскеннер.

1944 чылдың январьның 29-та 4-кү эскадроннуң тыва аъттыг шериглери Украин ССР-ниң Ровно облазының Деражно суур дээш тулчуушкуннарга баштай киришкен болгаш халдаашкынга төлептиг үлегер-чижекти көргүскен.

От-оол Ооржак танкы удур боолаар взводтуң командылакчызы Бичен-оол Сарыгларның танкыга удур боолаар взводунуң 2-ги салбырының командылакчызы турган[4].

1944 чылдың февральдың 2-де Украинаның Ровно облазының Похорельце суур дээш тулчуушкун үезинде балыглангаш, дайын шөлүн кагбаан, ону чүгле суурну эжелеп алганда шериг эмнелгезинче аппарган.

Дайын соонда

Дайын соонда шагдаа черинге, типографияга столярлап, чума аарыынга удур экспедицияга ажылдап турган.

1948-1949 чылдарда Мөңгүн-Тайга кожуунга, Каа-Хемниң «Бурен» совхозка кадарчылап ажылдап чораан.

1975 чылда Каа-Хем кожууннуң Бурен-Бай-Хаак суурунга чок болган.

Сактыышкын

Шаңнал-макталдары


• ТАР-ның «Дайынчы шылгарал дээш» деп медалы (1944).

Литература


• Сундуй М. Б. Эки турачы аъттыг эскадрон. Кызыл: Тываның ном үндүрер чери, 1989.
• ОТ-ООЛ Ооржак Доржуевич / Урянхайско-тувинская энциклопедия. II том (Л-Я). Под общей ред. Шойгу С. К., отв. ред. Бичелдей К. А. Кызыл: «Мир тувинцев», 2021. С. 185—186.

Демдеглелдер

  1. ↑ Бессмертный полк:От-оол Ооржак Доржу оглу
  2. ↑ Ооржак От-Оол Доржуевич
  3. ↑ Рубрика «Кем были тувинские добровольцы до призыва в Красную Армию», часть IV
  4. ↑ «Мой дядя – доброволец Великой Отечественной Войны». Ветеран Росгвардии Тувы рассказал о своем славном предке

Шөлүлгелер


• Постановление Правительства Республики Тыва О списках участников Великой Отечественной войны 1941—1945 годов, призванных из Тувинской Народной Республики
• Сундуй М. Б. Добровольный кавалерийский эскадрон

Дөзү – «https://tyv.ruwiki.ru/w/index.php?title=От-оол_Ооржак_Доржу_оглу&oldid=327989»