Сарыгбай Моңгуш Намдак оглу

Сарыгбай Моңгуш Намдак оглу
Сарыгбай Моңгуш Намдак оглу
	тыв. Сарыгбай Моңгуш Намдак оглу
Төрүттүнгенде ады	Моңгуш Намдак оглу Сарыгбай
Төрүттүнген ай-хүнү	1918
Төрүттүнген чери	Көдүрге, Урянхай край
Мөчээн ай-хүнү	1986
Чурту	;

Сарыгбай Моңгуш Намдак оглу (төрүттүнгенде ады — Моңгуш Намдак оглу Сарыгбай, орус. Сарыгбай Монгуш Намдак оглу, 1918 чыл — 1986 чыл) — Ада-чурттуң Улуг дайынының киржикчизи, тыва эки турачы эскадроннуң танкыга удур боолаар взводунуң гвардейжи анаа дайынчызы.

Допчу намдары

Сарыгбай Моңгуш Намдак оглу 1918 чылда Урянхай крайның Көдүрге деп черге төрүттүнген.

1939 чылдан Тыва Араттың Революстуг Шериинге шериг албанын эрттирип турган. Биче командылакчылар школазын дооскан, биче лейтенант эргелиг турган.

Шеригден халашкаш, дайын чоруурунга чедир школага ажылдап турган.

Ада-чурттуң Улуг дайынынга киржилгези

Тыва Арат Революстуг Намның Төп комитединиң секретариадының 1943 чылдың август 25-тен шиитпири-биле 2-ги тыва эки турачы отрядтың танкыга удур боолаар взводунуң анаа дайынчызы кылдыр томуйлаткан.

Тыва Арат Республикадан тыва эки турачылар отряды Барыын фронтунуң 6-гы аъттыг корпузунуң Морозов аттыг 8-ки гвардейжи аъттыг Ровно дивизиязының 31-ги гвардейжи аъттыг полкунуң составынче 4-кү эскадрон кылдыр кирген. Ооң составында 1000 километр орук чок черге 45 хонук дургузунда агаар-бойдус талазы-биле кончуг берге байдалдарда чоруп келген. Марш үезинде тывалар кижи-даа, аът-даа талазы-биле чидириг чок турган. Тыва чылгычылар походка шыдамык чоруун көргүскеннер.

1944 чылдың январьның 29-та 4-кү эскадроннуң тыва аъттыг шериглери Украин ССР-ниң Ровно облазының Деражно суур дээш тулчуушкуннарга баштай киришкен болгаш халдаашкынга төлептиг үлегер-чижекти көргүскен.

Сарыгбай Моңгуш танкы удур боолаар взводтуң командылакчызы Бичен-оол Сарыгларның взводунуң гвардейжи анаа дайынчызы турган.

Ровно болгаш Дубно хоорайларны болгаш Украин ССР-ниң өске-даа чурттакчылыг черлерин хостаарынга эрес-дидим киришкен.

Дайын соонда

Дайын соонда Улуг-Хем кожууннуң совхозунга ажылдап чораан. 1986 чылда чок болган.

Литература

• Сундуй М. Б. Эки турачы аъттыг эскадрон. Кызыл: Тываның ном үндурер чери, 1989.
• САРЫГБАЙ Монгуш Намдак оглу / Урянхайско-тувинская энциклопедия. II том (Л-Я). Под общей ред. Шойгу С. К., отв. ред. Бичелдей К. А. Кызыл: «Мир тувинцев», 2021. С. 296.

Демдеглелдер

Шөлүлгелер

• Постановление Правительства Республики Тыва О списках участников Великой Отечественной войны 1941—1945 годов, призванных из Тувинской Народной Республики
• Сундуй М. Б. Добровольный кавалерийский эскадрон