Скрипникова Нина Васильевна
| Скрипникова Нина Васильевна | |
|---|---|
| Төрүттүнген ай-хүнү | 1919 апрельдиң 1 |
| Төрүттүнген чери | |
| Мөчээн ай-хүнү | 2002 январьның 4 (82 года) |
| Мөчээн чери | |
| Шаңналдары база премиялары |
     |
Нина Васильевна Скрипникова (1919 чылдың апрельдиң 1 — 2002 чылдың январьның 4) — совет көдээ ажыл-агый ажылдакчызы, Социалистиг Күш-ажылдың Маадыры[1].
Допчу намдары
1919 чылдың апрель 1-де Винсады (амгы Ставрополь крайда Предгорный району) суурга тараачын өг-бүлеге төрүттүнген.
1923 чылда өг-бүлези Кубаньче көже бергени-биле, Краснодар крайның Гулькевич районунуң Венцы-Заря суурга чурттай берген, аңаа школаның беш клазын дооскан турда, адазы аарый берген, ооң ужун өг-бүлезиниң улуу болгаш, школаны каггаш, авазынга өг-бүлезин азыражыр дээш ажылдап эгелээн. Нина хову ажылының бригадазынга тус черниң хаван өстүрер совхозунга ажылдап эгелээн. Комсомол үүрүже кирген. Идепкейжи болгаш, 1936 чылда комсомолдуң Ростов-на-Дону — Москва аразынга чадаг-терге чарыжынга киришкен. Чарыштан ээп чанып келгеш, комсомол организациязының секретары кылдыр соңгуттурган база шофёрлар курстарынга өөренген. Чолаачылаар херечилел алган соонда, аңаа «ГАЗ-АА» деп автомобильди быжыглаан.
Нина Скрипникова 1941 чылдан тура Ада-чурттуң Улуг дайынының киржикчизи апарган. Бодунуң дайынчы оруун Сочиниң Хостага шериг эмчи черинге санинструктор кылдыр эгелээн, сөөлзүреди шериг шофёру апарган. Автомашинага Кавказтан Чехословакияга чедир дайынны эрткен, тиилелгени база аңаа уткаан. Шеригден халашкаш, 1945 чылдың октябрьдан тура төрээн совхозу «Венцы-Заря»-га ээп келген база хову ажылының бригадазынга ажылын уламчылаан. Ооң соонда хову ажылының тараа өстүрер звенозун удурткан, 1947 чылдың ажылының түңнелдери-биле 8 гектар шөлден 30,5 центнер дүжүт тарааны алган.
ССРЭ-ниң Дээди Чөүүлелиниң Президиумунуң 1948 чылдың апрель 6-дан Чарлыы-биле бедик дүжүт алганы дээш, 1947 чылдың совхоз планын күүсеткени дээш Скрипникова Нина Васильевна Социалистиг Күш-ажылдың Маадыры деп атка төлептиг болган, аңаа Ленин орденин база «Серп биле Молот» алдын медалын тывыскан.
Хүндүлүг дыштанылгаже үнген соонда безин совхозтуң хову ажылынга Н. В. Скрипникова 1969 чылдан 1982 чылда чедир ажылдаан. Бүдүрүлгеден чергелештир, хөй-ниити ажыл-чорудулгазын база кылып турган — Суурнуң ажылчы депутаттар чөвүлелинге 1 дугаар чыыжының депутады кылдыр соңгудуп турган (1937).
Нина Васильевна 2002 чылдың январь 4-те Венцы суурга чок болган, ол-ла суурнуң хөөрүнде орнукшуттунган.
Шаңнал-макталдары
• Социалистиг Күш-ажылдың Маадыры (06.04.1948),
• Ленин ордени (06.04.1948)
• 2-ги чаданың Ада-чурттуң Улуг дайынының ордени (11.03.1985),
• «Дайынчы шылгарал дээш» деп медаль,
• «Кавказтың камгалалы дээш» деп медаль (01.05.1944),
• «Будапештини алганы дээш» деп медаль.
Библиография
• Трудовая слава Кубани. Под. ред. Н. Л. Заздравных, Краснодар, 2003.
Демдеглелдер
Шөлүглер
• Герои страны: Скрипникова Нина Васильевна
• «Моя малая Родина поселок Венцы, Гулькевичского района»