Суван-оол Оюн Лоозаң оглу

Суван-оол Оюн Лоозаң оглу
Суван-оол Оюн Лоозаң оглу
	тыв. Суван-оол Оюн Лоозаң оглу
	; Суван-оол Оюннуң чуруу
Төрүттүнгенде ады	Оюн Лоозаң оглу Суван-оол
Төрүттүнген ай-хүнү	1915
Төрүттүнген чери	Ээрбек, Таңды, Урянхай край
Мөчээн ай-хүнү	2 февраль 1944
Мөчээн чери	Ровно, Украин ССР

Суван-оол Оюн Лоозаң оглу (төрүттүнгенде ады — Оюн Лоозаң оглу Суван-оол, орус. Суван-оол Оюн Лоозан оглу, 1915 чыл — 1944 чылдың февральдың 2) — Ада-чурттуң Улуг дайынының киржикчизи, тыва эки турачы эскадроннуң танкыга удур боолаар взводунуң гвардейжи анаа дайынчызы. Ровно дээш тулчуушкунга чок болган^[2].

Допчу намдары

Суван-оол Оюн Лоозаң оглу 1915 чылда Ээрбек сумузунга төрүттүнген.

Дайын мурнунда Шагаан-Арыгның эмнелгезинге улуг бухгалтерлеп ажылдап турган^[3].

Ада-чурттуң Улуг дайынынга киржилгези

Тыва Арат Революстуг Намның Төп комитединиң секретариадының 1943 чылдың август 25-тен шиитпири-биле 2-ги тыва эки турачы отрядтың танкыга удур боолаар взводунуң анаа дайынчызы кылдыр томуйлаткан.

Тыва Арат Республикадан тыва эки турачылар отряды Барыын фронтунуң 6-гы аъттыг корпузунуң Морозов аттыг 8-ки гвардейжи аъттыг Ровно дивизиязының 31-ги гвардейжи аъттыг полкунуң составынче 4-кү эскадрон кылдыр кирген. Ооң составында 1000 километр орук чок черге 45 хонук дургузунда агаар-бойдус талазы-биле кончуг берге байдалдарда чоруп келген. Марш үезинде тывалар кижи-даа, аът-даа талазы-биле чидириг чок турган. Тыва чылгычылар походка шыдамык чоруун көргүскеннер.

1944 чылдың январьның 29-та 4-кү эскадроннуң тыва аъттыг шериглери Украин ССР-ниң Ровно облазының Деражно суур дээш тулчуушкуннарга баштай киришкен болгаш халдаашкынга төлептиг үлегер-чижекти көргүскен.

Суван-оол Оюн танкыга удур боолаар взводтуң командылакчызы Бичен-оол Сарыгларның взводунуң гвардейжи анаа дайынчызы турган.

1944 чылдың февраль 2-де Ровно хоорайны хостаар тулчуушкунга маадырлыы-биле тынын салган^[4].

Литература

• Сундуй М. Б. Эки турачы аъттыг эскадрон. Кызыл: Тываның ном үндурер чери, 1989.
• СУВАН-ООЛ Оюн Лоозан оглу / Урянхайско-тувинская энциклопедия. II том (Л-Я). Под общей ред. Шойгу С.К., отв. ред. Бичелдей К.А. Кызыл: "Мир тувинцев", 2021. С. 364.

Демдеглелдер

Шөлүлгелер

• Постановление Правительства Республики Тыва О списках участников Великой Отечественной войны 1941—1945 годов, призванных из Тувинской Народной Республики
• Сундуй М. Б. Добровольный кавалерийский эскадрон

[1] Фотонегатив. Оюн Суван-оол Лозанович (1914-1943 гг.), фронтовик погиб на фронте

[2] Бессмертный полк: Оюн Суван-Оол Лозанович - гвардии рядовой / кавалерист

[3] Рубрика «Кем были тувинские добровольцы до призыва в Красную Армию», часть V

[4] Информация о Суван-Ооле Ойюне из поимённого списка захоронений

[1]

[2]

[3]

[4]