Сундуй-оол Салчак Бады оглу
| Сундуй-оол Салчак Бады оглу | |
|---|---|
| тыв. Сундуй-оол Салчак Бады оглу | |
 Ада-чурттуң улуг дайынының киржикчизи , тыва эки турачы Балган-оола Салчака Оттук оглунуң портреди | |
| Төрүттүнгенде ады | Салчак Бады оглу Сундуй-оол |
| Төрүттүнген ай-хүнү | 1919 |
| Төрүттүнген чери | Сой, Салчак кожууну, Урянхай край |
| Мөчээн ай-хүнү | 7 февраль 1944 |
| Мөчээн чери | Сурмичи, Ровно облазы, Украин ССР |
Сундуй-оол Салчак Бады оглу (төрүттүнгенде ады — Салчак Бады оглу Сундуй-оол, орус. Сундуй-оол Салчак Бады оглу, 1919 чыл — 1944 чылдың февральдың 7) — Ада-чурттуң Улуг дайынының киржикчизи, тыва эки турачы эскадроннуң 5-ки пулемлетчу взводунуң гвардейжи анаа дайынчызы.
Допчу намдары
Сундуй-оол Салчак Бады оглу 1919 чылда Урянхай крайның Салчак кожуунунуң Сой деп черге төрүттүнген.
1941 чылдан тура Тыва Араттың Революстуг Шериинге шериг албанын эрттирип турган.
Ада-чурттуң улуг дайынынга киржилгези
Тыва Арат Революстуг Намның Төп комитединиң секретариадының 1943 чылдың август 25-тен шиитпири-биле 2-ги тыва эки турачы отрядтың 5-ки пулемлетчу взводунуң анаа дайынчызы кылдыр томуйлаткан.
Тыва Арат Республикадан тыва эки турачылар отряды Барыын фронтунуң 6-гы аъттыг корпузунуң Морозов аттыг 8-ки гвардейжи аъттыг Ровно дивизиязының 31-ги гвардейжи аъттыг полкунуң составынче 4-кү эскадрон кылдыр кирген. Ооң составында 1000 километр орук чок черге 45 хонук дургузунда агаар-бойдус талазы-биле кончуг берге байдалдарда чоруп келген. Марш үезинде тывалар кижи-даа, аът-даа талазы-биле чидириг чок турган. Тыва чылгычылар походка шыдамык чоруун көргүскеннер.
1944 чылдың январьның 29-та 4-кү эскадроннуң тыва аъттыг шериглери Украин ССР-ниң Ровно облазының Деражно суур дээш тулчуушкуннарга баштай киришкен болгаш халдаашкынга төлептиг үлегер-чижекти көргүскен.
Сундуй-оол Салчак улуг лейтенант Сат Бүрзекейниң 5-ки пулемлетчу взводунуң гвардейжи анаа дайынчызы.
Украин ССР-ниң Ровно, Сурмичи база Дубно дээн ышкаш чурттакчылыг черлерин эжелекчилерден хостаарынга эрес-дидим киришкен. 1944 чылдың февраль 7-де Украин ССР-ниң Ровно облазының Сурмичи сууру дээш тулчуушкунга маадырлыы-биле өлген.
Литература
• Сундуй М. Б. Эки турачы аъттыг эскадрон. Кызыл: Тываның ном үндүрер чери, 1989.
• СУНДУЙ-ООЛ Салчак Бады оглу / Урянхайско-тувинская энциклопедия. II том (Л-Я). Под общей ред. Шойгу С.К., отв. ред. Бичелдей К.А. Кызыл: "Мир тувинцев", 2021. С. 368.
Демдеглелдер
Шөлүлгелер
• Постановление Правительства Республики Тыва О списках участников Великой Отечественной войны 1941—1945 годов, призванных из Тувинской Народной Республики
• Сундуй М. Б. Добровольный кавалерийский эскадрон