Таспың-оол Оюн Түмбү оглу
| Таспың-оол Оюн Түмбү оглу | |
|---|---|
| тыв. Таспың-оол Оюн Түмбү оглу | |
| Төрүттүнгенде ады | Оюн Түмбү оглу Таспың-оол |
| Төрүттүнген ай-хүнү | 1919 |
| Төрүттүнген чери | Межегей, Таңды |
| Мөчээн ай-хүнү | 2 февраль 1944 |
| Мөчээн чери | Ровно, Украин ССР |
Таспың-оол Оюн Түмбү оглу (төрүттүнгенде ады — Оюн Түмбү оглу Таспың-оол, орус. Таспын-оол Оюн Түмбү оглу, 1919 чыл — 1944 чыл) — Ада-чурттуң Улуг дайынының киржикчизи, тыва эки турачы эскадроннуң 4-кү взводунуң гвардейжи анаа дайынчызы.
Допчу намдары
Таспың-оол Оюн Думбуу оглу 1919 чылда Тңдының Межегейге төрүттүнген[1].
1936 чылда Тыва Араттың Революстуг Шериинге шериг албанын эрттирип турган.
Ада-чурттуң улуг дайынынга киржилгези
Тыва Арат Революстуг Намның Төп комитединиң секретариадының 1943 чылдың август 25-тен шиитпири-биле 2-ги тыва эки турачы отрядтың 3-кү взводунуң анаа дайынчызы кылдыр томуйлаткан.
Тыва Арат Республикадан тыва эки турачылар отряды Барыын фронтунуң 6-гы аъттыг корпузунуң Морозов аттыг 8-ки гвардейжи аъттыг Ровно дивизиязының 31-ги гвардейжи аъттыг полкунуң составынче 4-кү эскадрон кылдыр кирген. Ооң составында 1000 километр орук чок черге 45 хонук дургузунда агаар-бойдус талазы-биле кончуг берге байдалдарда чоруп келген. Марш үезинде тывалар кижи-даа, аът-даа талазы-биле чидириг чок турган. Тыва чылгычылар походка шыдамык чоруун көргүскеннер.
1944 чылдың январьның 29-та 4-кү эскадроннуң тыва аъттыг шериглери Украин ССР-ниң Ровно облазының Деражно суур дээш тулчуушкуннарга баштай киришкен болгаш халдаашкынга төлептиг үлегер-чижекти көргүскен.
Моңгуш Доржунуң взводунуң гвардейжи анаа дайынчызы турган. Украин ССР-ниң Ровно облазының Ровно хоорайы дээш тулчуушкунга маадырлыы-биле өлген.
Литература
• Сундуй М. Б. Эки турачы аъттыг эскадрон. Кызыл: Тываның ном үндүрер чери, 1989.
• Книга Памяти. Республика Тыва. Кызыл, 1995.
• ТАСПЫН-ООЛ Оюн Думбуу оглу / Урянхайско-тувинская энциклопедия. II том (Л-Я). Под общей ред. Шойгу С.К., отв. ред. Бичелдей К.А. Кызыл: "Мир тувинцев", 2021. С. 390.
Демдеглелдер
Шөлүлгелер
• Постановление Правительства Республики Тыва О списках участников Великой Отечественной войны 1941—1945 годов, призванных из Тувинской Народной Республики
• Сундуй М. Б. Добровольный кавалерийский эскадрон