Тоютчук Салчак Чолдак-оол оглу
| Тоютчук Салчак Чолдак-оол оглу | |
|---|---|
| тыв. Тоютчук Салчак Чолдак-оол оглу | |
| Төрүттүнгенде ады | Салчак Чолдак-оол оглу Тоютчук |
| Төрүттүнген ай-хүнү | 1924 |
| Төрүттүнген чери | Бурен-Хем, Каа-Хем кожуун, ТАР |
| Мөчээн ай-хүнү | 8 февраль 1944 |
| Мөчээн чери | Панталия, Ровно облазы, Украин ССР |
Тоютчук Салчак Чолдак-оол оглу (төрүттүнгенде ады — Салчак Чолдак-оол оглу Тоютчук, орус. Тоютчук Салчак Чолдак-оол оглу, 1924 чыл — 1944 чылдың февральдың 8) — Ада-чурттуң Улуг дайынының киржикчизи, тыва эки турачы эскадроннуң танкы удур боолаар взводунуң гвардейжи анаа дайынчызы[1].
Допчу намдары
Тоютчук Салчак Чолдак-оол оглу 1924 чылда Каа-Хем кожууннуң Бурен-Хем сумузунга төрүттүнген.
Ада-чурттуң Улуг дайынынга киржилгези
Тыва Арат Революстуг Намның Төп комитединиң секретариадының 1943 чылдың август 25-тен шиитпири-биле 2-ги тыва эки турачы отрядтың 5-ки взводунуң анаа дайынчызы кылдыр томуйлаткан.
Тыва Арат Республикадан тыва эки турачылар отряды Барыын фронтунуң 6-гы аъттыг корпузунуң Морозов аттыг 8-ки гвардейжи аъттыг Ровно дивизиязының 31-ги гвардейжи аъттыг полкунуң составынче 4-кү эскадрон кылдыр кирген. Ооң составында 1000 километр орук чок черге 45 хонук дургузунда агаар-бойдус талазы-биле кончуг берге байдалдарда чоруп келген. Марш үезинде тывалар кижи-даа, аът-даа талазы-биле чидириг чок турган. Тыва чылгычылар походка шыдамык чоруун көргүскеннер.
1944 чылдың январьның 29-та 4-кү эскадроннуң тыва аъттыг шериглери Украин ССР-ниң Ровно облазының Деражно суур дээш тулчуушкуннарга баштай киришкен болгаш халдаашкынга төлептиг үлегер-чижекти көргүскен.
Тоютчук Салчак Бурзекей Саттың пулемлёттуг взводунуң гвардейжи анаа дайынчызы чораан. Ровно облазының Панталия суурнуң чанынга немецтерге туттургаш, байысаалга үезинде шериг чажыдын чугаалавааны дээш, эттеп-эттеп, 1944 чылдың февральдың 8-те адып өлүрткен.
Сактыышкын
Тоютчук Салчактың ады-биле Кызыл хоорайда кудумчу ады адаан[2].
Литература
• Сундуй М. Б. Эки турачы аъттыг эскадрон. Кызыл: Тываның ном үндүрер чери, 1989.
• Книга Памяти. Республика Тыва. Сост. Н.М. Моллеров. Кызыл, 1995.
• ТОЮТЧУК Салчак Чолдак-оол оглу/ Урянхайско-тувинская энциклопедия. II том (Л-Я). Под общей ред. Шойгу С.К., отв. ред. Бичелдей К.А. Кызыл: "Мир тувинцев", 2021. С. 411.
Демдеглелдер
Шөлүлгелер
• Постановление Правительства Республики Тыва О списках участников Великой Отечественной войны 1941—1945 годов, призванных из Тувинской Народной Республики
• Сундуй М. Б. Добровольный кавалерийский эскадрон