| Геннадий Чаш |
|---|
| тыв. Чаш Геннадий Түлүшович |
 |
| Долу ады |
|
| Төрүттүнген хүнү |
1960 февральдың 23(1960-02-23) |
| Мөчээн хүнү |
1998 |
| Мергежилдери |
хөгжүмчү |
| Херекселдери |
хомус |
| Жанрлары |
хөөмей |
| Коллективтери |
«Сыгырга» |
| Шаңналдары |
|
Геннадий Тюлюшович Чаш (1960 февральдың 23 — 1998) — тыва хөөмейжи, Тыва Республиканың улустуң хөөмейжизи (1995).
Допчу намдары
Чаш Геннадий Тюлюшович 1960 чылдың февраль 23-те Өвүр кожууннуң Дус-Даг суурга төрүттүнген. 1980 чылда Иркутскунуң өлүк-алгы техникумунуң студентизи тургаш, Бүгү-Эвилелдиң «Студент шак» фестивалынга киришкеш, ооң лауреады болган — баштай Иркутскиге, ооң соонда Новосибирскиге[1]. Бир дугаар лауреат атты ол Кызыл Туктуг Ыраккы Чөөн чүктүң шериг округунуң 60 чылынга тураскааткан фестивальга шериг албанын эрттирип тургаш чаалап алган. 1984 чылда ону «Сыгырга» ансамблиниң составынче киирген[2]. Улуг-Хем комсомол райкомунуң ийиги секретары тургаш, 1985 чылда Геннадий Чаш Кара-оол Тумат (район болгаш республика көрүлделериниң лауреады), Евгений Оюн («Саян» ансамблиниң артизи чораан), Мерген Монгуш («Хөөмей» ийиги республика фестивалының лауреады) дээн ышкаш салым-чаяанныг күүседикчилерлиг «Амырак» аас чогаал ансамблин тургускан, ол чаңгыс эвес удаа республика чергелиг хөөмей көрүлделериниң лауреады болган, Иркутскиниң кинохрониказының документалдыг киноларынга ийи удаа тырттырып турган. 1988 чылда Геннадий Чаш АКШ-тың 22-ги фестиваль-аас чогаал байырлалынче чалаттырган. Узбекистан, Азербайджан, Грузия, Эстония, Литва, Украина, Якутиядан совет күүседикчилерниң 38 төлээлериниң санында Геннадий тыва чоннуң уран чүүлүн американнарның мурнунга бараалгаткан. 1992 чылда хомустуң (варганның) «төрээн чурту» деп санаттынар Якутияга «тергиин виртуоз-хомусчу» деп атты тывыскан[1].
Шаңналдары болгаш хүндүлүг аттары
- Тергиин виртуоз-хомусчу (1992).
- Тыва Республиканың улустуң хөөмейжизи (1995).
Демдеглелдер
- ↑ 1 2 Сундуй Д.М. Легендарные ветераны-исполнители хоомея и их успехи (орус) // Итоги социологического исследования о развитии горлового пения хоомей Республики Тыва в 1992-2013 гг.. — Кызыл, 2013. — С. 42—50.
- ↑ Сузукей В. Ю., Ч. С. Тумат Геннадий Тюлюшович Чаш (орус) // Хоомейжи Республики Тыва. — Кызыл, 2015. — С. 38.
