Тыва Республиканың Улустуң хөөмейжизи

Тыва аас чогаалдың бир онза хевири болза хөөмей болуп турар. Ооң онза болгаш тускайлаң кылдыр, сайзырап, нептереп келгени тыва чоннуң улусчу-профессионал ыраажыларның болгаш хөгжүмчүлерниң ачызында. Тываны хөөмей чурту дижир, ук уран-чүүлдүң күүседикчи-мергеннери-биле Тыва чурту элбек. Тываны бүгү делегейде хөөмейниң эдилекчилери болгаш ооң күүседикчилери деп билип, сонуургап чоруур дээр болза, чазыг болбас. Кижи төрелгеттениң бүгү делегей чергелиг уран чүүлүнүң тускай хевири кылдыр хөөмейни демдеглеп турар. Тыва уран чүүлдерниң хевирлери шупту хөөмей-биле холбашкан: танцы-самда, хөгжүм-шииде, көргүзүглерде, тыва чоннуң хүн-бүрүде чуртталгазында. Тывада хөөмейжилер шаг-шаандан тура ниитилелге хүнүткелдиг, чон аразынга чоргаар кижилер бооп келген, а оларның чыл-чылдары-биле тургустунуп келген чаңчылчаан репертуары — тыва хөгжүм өнчүзүнүң ёзулуг эртинези болуп чоруур..

Тыва Республиканың Улустуң хөөмейжилери

• Максим Чаламович Дакпай (1921—1999)
• Маржымал Очурович Ондар (1928—1996)
• Федор Менгертиевич Тау (1929—2006)
• Сундукай Шээлеевич Моңгуш (1928—1996)
• Хунаштаар-оол Сүрүң-оолович Ооржак (1932—1993)
• Кара-оол Хууракпанович Тумат (1935—2002)
• Николай Кечилович Моңгуш (1932—2014)
• Валерий Кечилович Монгуш, 1953
• Евгений Дыртык-оолович Оюн, 1958
• Борис Чолдак-Хунаевич Моңгуш, 1959
• Геннадий Түлүшович Чаш (1960—1998)
• Кайгал-оол Ким-оолович Ховалыг, 1960
• Алдын-оол Такашович Севек (1962—2011)
• Коңгар-оол Борисович Ондар (1962—2013)
• Геннадий Хайдыпович Тумат (1964-1996)
• Герман Белекович Куулар, 1962
• Сенди-Сүрүң Санчыевич Моңгуш, 1928
• Мөңгүн-оол Дүктеңмеевич Ондар, 1975
• Андрей Алдын-оолович Моңгуш, 1976
• Игорь Михайлович Көшкендей, 1978
• Евгений Викторович Сарыглар, 1980
• Бады-Доржу Владимирович Ондар, 1984
• Аян-оол Сергеевич Сам, 1983
• Чодураа Семис-оол уруу Тумат, 1974
• Достай, Откун Монгушевич, 1970

Демдеглелдер