Шулуун-оол Монгуш Допуй-оол оглу
| Шулуун-оол Монгуш Допуй-оол оглу | |
|---|---|
| тыв. Шулуун-оол Монгуш Допуй-оол оглу | |
| Төрүттүнген ай-хүнү | 1914 |
| Төрүттүнген чери | Аяңгаты, Даа кожуун, Урянхай край |
| Мөчээн ай-хүнү | 1944 |
| Мөчээн чери | Ровно, Украин ССР |
Шулуун-оол Монгуш Допуй-оол оглу (төрүттүнгенде ады — Монгуш Допуй-оол оглу Шулуун-оол, 1914 чыл — 1944 чылдың февральдың 2) — Ада-чурттуң Улуг дайынының киржикчизи, тыва эки турачы эскадроннуң 2-ги взводунуң гвардейжи анаа дайынчызы.
Допчу намдары
Шулуун-оол Монгуш Допуй-оол оглу 1914 чылда Урянхай крайның Даа кожуунунуң Аяңгатыга төрүттүнген.
1934–1936 чылдарда Тыва Араттың Революстуг шериинге шериг албанын эрттирип турган.
«Элегест» күрүне ажыл-агый черинге бригадирлеп ажылдап турган.
Ада-чурттуң улуг дайынынга киржилгези
Тыва Арат Революстуг Намның Төп комитединиң секретариадының 1943 чылдың август 25-тен шиитпири-биле 2-ги тыва эки турачы отрядтың 2-ги взводунуң 1-ги салбырының анаа дайынчызы кылдыр томуйлаткан.
Тыва Арат Республикадан тыва эки турачылар отряды Барыын фронтунуң 6-гы аъттыг корпузунуң Морозов аттыг 8-ки гвардейжи аъттыг Ровно дивизиязының 31-ги гвардейжи аъттыг полкунуң составынче 4-кү эскадрон кылдыр кирген. Ооң составында 1000 километр орук чок черге 45 хонук дургузунда агаар-бойдус талазы-биле кончуг берге байдалдарда чоруп келген. Марш үезинде тывалар кижи-даа, аът-даа талазы-биле чидириг чок турган. Тыва чылгычылар походка шыдамык чоруун көргүскеннер.
1944 чылдың январьның 29-та 4-кү эскадроннуң тыва аъттыг шериглери Украин ССР-ниң Ровно облазының Деражно суур дээш тулчуушкуннарга баштай киришкен болгаш халдаашкынга төлептиг үлегер-чижекни көргүскен.
Шулуун-оол Монгуш улуг лейтенант Дончут Кууларның 2-ги взводунуң гвардейжи анаа дайынчызы турган.
Ровно хоорай дээш тулчуушкуннарның бирээзинге маадырлыы-биле өлген.
Литература
• Сундуй М. Б. Эки турачы аъттыг эскадрон. Кызыл: Тываның ном үндурер чери, 1989.
• ШУЛУУН-ООЛ Монгуш Допуй-оол оглу / Урянхайско-тувинская энциклопедия. II том (Л-Я). Под общей ред. Шойгу С.К., отв. ред. Бичелдей К.А. Кызыл: "Мир тувинцев", 2021. С. 596.
Демдеглелдер
Шөлүлгелер
• Постановление Правительства Республики Тыва О списках участников Великой Отечественной войны 1941—1945 годов, призванных из Тувинской Народной Республики
• Сундуй М. Б. Добровольный кавалерийский эскадрон