Докпак-оол Хомушку Санчы-Бадан оглу
| Докпак-оол Хомушку Санчы-Бадан оглу | |
|---|---|
| тыв. Докпак-оол Хомушку Санчы-Бадан оглу | |
| Төрүттүнгенде ады | Хомушку Санчы-Бадан оглу Докпак-оол |
| Төрүттүнген ай-хүнү | 1922 |
| Төрүттүнген чери | Барлык, Эрги-Барлык, Барыын-Хемчик кожуун, ТАР |
| Мөчээн ай-хүнү | 1982 |
| Мөчээн чери | Барыын-Хемчик кожуун, Тыва АССР |
Докпак-оол Хомушку Санчы-Бадан оглу (төрүттүнгенде ады — Хомушку Санчы-Бадан оглу Докпак-оол, орус. Докпак-оол Хомушку Санчы-Баданович, 1922 чылдың ноябрь — 1982 чыл) — Ада-чурттуң Улуг дайынының киржикчизи, тыва эки турачы эскадроннуң 2-ги взводунуң гвардейжи анаа дайынчызы, ТАР-ның «Дайынчы шылгарал дээш» деп медалының эдилекчизи.
Допчу намдары
Докпак-оол Хомушку Санчы-Бадан оглу 1922 чылдың ноябрьда Барыын-Хемчиктиң Эрги-Барлык сумузунуң Барлык деп черге төрүттүнген.
Ада-чурттуң улуг дайынынга киржилгези
Тыва Арат Революстуг Намның Төп комитединиң секретариадының 1943 чылдың август 25-тен шиитпири-биле 2-ги тыва эки турачы отрядтың 2-ги взводунуң 1-ги салбырының анаа дайынчызы кылдыр томуйлаткан.
Тыва Арат Республикадан тыва эки турачылар отряды Барыын фронтунуң 6-гы аъттыг корпузунуң Морозов аттыг 8-ки гвардейжи аъттыг Ровно дивизиязының 31-ги гвардейжи аъттыг полкунуң составынче 4-кү эскадрон кылдыр кирген. Ооң составында 1000 километр орук чок черге 45 хонук дургузунда агаар-бойдус талазы-биле кончуг берге байдалдарда чоруп келген. Марш үезинде тывалар кижи-даа, аът-даа талазы-биле чидириг чок турган. Тыва чылгычылар походка шыдамык чоруун көргүскеннер.
1944 чылдың январьның 29-та 4-кү эскадроннуң тыва аъттыг шериглери Украин ССР-ниң Ровно облазының Деражно суур дээш тулчуушкуннарга баштай киришкен болгаш халдаашкынга төлептиг үлегер-чижекти көргүскен.
Улуг лейтенант Куулар Дончуттуң командылааны 2-ги взводтуң гвардейжи анаа дайынчызы турган.
Ровно хоорайны хостаар тулчуушкунга аар балыгланган.
Дайын соонда
Дайын соонда Барыын-Хемчиктиң «Дөң-Терезин», «Хемчик» совхозтарынга кадарчылап ажылдап турган.
1982 чылда чок болган.
Шаңнал-макталдары
• ТАР-ның «Дайынчы шылгарал дээш» деп медалы (23.06.1944)[1].
Литература
• Сундуй М. Б. Эки турачы аъттыг эскадрон. Кызыл: Тываның ном үндурер чери, 1989.
• Пивоваров В. Добровольцы. Кызыл, 1990.
• ДОКПАК-ООЛ Хомушку Санчы-Бадан оглу / Урянхайско-тувинская энциклопедия. II том (Л-Я). Под общей ред. Шойгу С. К., отв. ред. Бичелдей К. А. Кызыл: «Мир тувинцев», 2021. С. 301.
Демдеглелдер
Шөлүлгелер
• Постановление Правительства Республики Тыва О списках участников Великой Отечественной войны 1941—1945 годов, призванных из Тувинской Народной Республики
• Сундуй М. Б. Добровольный кавалерийский эскадрон