Докуу Салчак Манчын оглу
| Докуу Салчак Манчын оглу | |
|---|---|
| тыв. Докуу Салчак Манчын оглу | |
| Төрүттүнгенде ады | Салчак Манчын оглу Докуу |
| Төрүттүнген ай-хүнү | 1918 |
| Төрүттүнген чери | Чедер-Аксы, Бүрен, Салчак кожуун, Урянхай край |
| Мөчээн ай-хүнү | 2 февраль 1944 |
| Мөчээн чери | Ровно, Ровно облазы, Украин ССР |
Докуу Салчак Манчын оглу (төрүттүнгенде ады — Салчак Манчын оглу Докуу, орус. Докуу Салчак Манчын оглу, 1918 чылдың май — 1944 чылдың февральдың 2) — Ада-чурттуң Улуг дайынының киржикчизи, тыва эки турачы эскадроннуң 5-ки пулемлеттуг взводунуң гвардейжи анаа дайынчызы.
Допчу намдары
Докуу Салчак Манчын оглу 1918 чылдың майда Урянхай крайның Салчак кожуунунуң Бүрен сумузунуң Чедер-Аксы деп черге төрүттүнген[1].
1940 чылдан Тыва Араттың Революстуг Шериинге шериг албанын эрттирип турган. Биче командылакчылар школазын дооскан, сержант эргелиг салбыр башкарып турган.
Ада-чурттуң улуг дайынынга киржилгези
Тыва Арат Революстуг Намның Төп комитединиң секретариадының 1943 чылдың август 25-тен шиитпири-биле 2-ги тыва эки турачы отрядтың 3-кү взводунуң анаа дайынчызы кылдыр томуйлаткан.
Тыва Арат Республикадан тыва эки турачылар отряды Барыын фронтунуң 6-гы аъттыг корпузунуң Морозов аттыг 8-ки гвардейжи аъттыг Ровно дивизиязының 31-ги гвардейжи аъттыг полкунуң составынче 4-кү эскадрон кылдыр кирген. Ооң составында 1000 километр орук чок черге 45 хонук дургузунда агаар-бойдус талазы-биле кончуг берге байдалдарда чоруп келген. Марш үезинде тывалар кижи-даа, аът-даа талазы-биле чидириг чок турган. Тыва чылгычылар походка шыдамык чоруун көргүскеннер.
1944 чылдың январьның 29-та 4-кү эскадроннуң тыва аъттыг шериглери Украин ССР-ниң Ровно облазының Деражно суур дээш тулчуушкуннарга баштай киришкен болгаш халдаашкынга төлептиг үлегер-чижекти көргүскен.
Улуг сержант Бүрзекей Саттың башкарып турган 5-ги пулемлеттуг взводунуң гвардейжи анаа дайынчызы. Ровно хоорайның чигир заводу дээш тулчуушкунга немец шериглер-биле кадыг-дошкун тулчуушкунга маадырлыы-биле өлген. Украинаның Ровно хоорайында акы-дуңма чевээнде орнукшуттунган.
Литература
• Сундуй М. Б. Эки турачы аъттыг эскадрон. Кызыл: Тываның ном үндүрер чери, 1989.
• Книга Памяти. Республика Тыва. Кызыл, 1995.
• ДОКУУ Салчак Манчын оглу / Урянхайско-тувинская энциклопедия. II том (Л-Я). Под общей ред. Шойгу С.К., отв. ред. Бичелдей К.А. Кызыл: "Мир тувинцев", 2021. С. 304.
Демдеглелдер
Шөлүлгелер
• Постановление Правительства Республики Тыва О списках участников Великой Отечественной войны 1941—1945 годов, призванных из Тувинской Народной Республики
• Сундуй М. Б. Добровольный кавалерийский эскадрон