Имажап Оюн Дончут оглу

Имажап Оюн Дончут оглу
Имажап Оюн Дончут оглу
	тыв. Имажап Оюн Дончут оглу
Төрүттүнгенде ады	Оюн Дончут оглу Имажап
Төрүттүнген ай-хүнү	1915
Төрүттүнген чери	Межегей, Таңды, Урянхай край
Мөчээн ай-хүнү	8 февраль 1944
Мөчээн чери	Дубно, Ровно облазы, Украин ССР
Чурту
Ажыл-херээ	шеригжи кижи

Имажап Оюн Дончут оглу (төрүттүнгенде ады — Оюн Дончут оглу Имажап, орус. Имажап Оюн Дончут оглу, 1915 чылдың май — 1944 чылдың февральдың 8) — Ада-чурттуң Улуг дайынының киржикчизи, тыва эки турачы эскадроннуңтанкыга удур боолаар взводунуң гвардейжи анаа дайынчызы/

Допчу намдары

Имажап Оюн Дончут оглу 1915 чылдың майда Урянхай крайның Таңдының Межегей сумузунга төрүттүнген.

1935–1937 чылдарда Тыва Араттың Революстуг Шериинге шериг албанын эрттирип турган.

Дайын мурнунда Бай-Хаакка идик кылыр артельге ажылдап чораан

Ада-чурттуң Улуг дайынынга киржилгези

Тыва Арат Революстуг Намның Төп комитединиң секретариадының 1943 чылдың август 25-тен шиитпири-биле 2-ги тыва эки турачы отрядтың танкыга удур боолаар взводунуң анаа дайынчызы кылдыр томуйлаткан.

Тыва Арат Республикадан тыва эки турачылар отряды Барыын фронтунуң 6-гы аъттыг корпузунуң Морозов аттыг 8-ки гвардейжи аъттыг Ровно дивизиязының 31-ги гвардейжи аъттыг полкунуң составынче 4-кү эскадрон кылдыр кирген. Ооң составында 1000 километр орук чок черге 45 хонук дургузунда агаар-бойдус талазы-биле кончуг берге байдалдарда чоруп келген. Марш үезинде тывалар кижи-даа, аът-даа талазы-биле чидириг чок турган. Тыва чылгычылар походка шыдамык чоруун көргүскеннер.

1944 чылдың январьның 29-та 4-кү эскадроннуң тыва аъттыг шериглери Украин ССР-ниң Ровно облазының Деражно суур дээш тулчуушкуннарга баштай киришкен болгаш халдаашкынга төлептиг үлегер-чижекти көргүскен.

Имажап Оюн танкыга удур боолаар взводтуң командылакчызы Бичен-оол Сарыгларның взводунуң гвардейжи анаа дайынчызы турган.

Ровно болгаш Дубно хоорайларны хостаарынга эрес-дидим киришкен. Дубно хоорай дээш тулчуушкун үезинде 1944 чылдың февральдың 8-те маадырлыы-биле өлген. Сурмичи суур чананда орнукшуттунган.

Литература

• Сундуй М. Б. Эки турачы аъттыг эскадрон. Кызыл: Тываның ном үндурер чери, 1989.
• Книга Памяти. Республика Тыва. [cост. Н. М. Моллеров]. Кызыл, 1995.
• ИМАЖАП Оюн Дончут оглу / Урянхайско-тувинская энциклопедия. I том (А-К). Под общей ред. Шойгу С.К., отв. ред. Бичелдей К.А. Кызыл: "Мир тувинцев", 2021. С. 383.

Демдеглелдер

Шөлүлгелер

• Постановление Правительства Республики Тыва О списках участников Великой Отечественной войны 1941—1945 годов, призванных из Тувинской Народной Республики
• Сундуй М. Б. Добровольный кавалерийский эскадрон