Кошкар-оол Кара-Сал Кара-Лама оглу
| Кошкар-оол Кара-Сал Кара-Лама оглу | |
|---|---|
| тыв. Кошкар-оол Кара-Сал Кара-Лама оглу | |
 | |
| Төрүттүнгенде ады | Кара-Сал Кара-Лама оглу Кошкар-оол |
| Төрүттүнген ай-хүнү | 1923 чылдың март |
| Төрүттүнген чери | Теве-Хая, Хөндергей, Хемчик кожуун, ТАР |
| Мөчээн ай-хүнү | 1944 чылдың февральдың 2 |
| Мөчээн чери | Ровно, Украин ССР |
Кошкар-оол Кара-Сал Кара-Лама оглу (төрүттүнгенде ады — Кара-Сал Кара-Лама оглу Кошкар-оол, орус. Кошкар-оол Кара-Сал Кара-Лама оглу, 1923 чылдың март — 1944 чылдың февральдың 2) — Ада-чурттуң Улуг дайынының киржикчизи, тыва эки турачы эскадроннуң 5-ки взводунуң гвардейжи анаа дайынчызы, ССРЭ-ниң I-ги чаданың Ада-чурттуң Улуг дайынының ордени (1944), ТАР-ның Күш-ажыл ордениниң (1944) эдилекчизи[1].
Допчу намдары
Кошкар-оол Кара-Сал Кара-Лама оглу 1923 чылдың март айда Тыва Арат Республиканың Хемчик кожуунунуң Хөндергей сумзунуң Теве-Хаяга төрүттүнген[2].
Ада-чурттуң улуг дайынынга киржилгези
Тыва Арат Революстуг Намның Төп комитединиң секретариадының 1943 чылдың август 25-тен шиитпири-биле 2-ги тыва эки турачы отрядтың 5-ки взводунуң анаа дайынчызы кылдыр томуйлаткан. Ооң-биле кады дайынче өөнүң ишти Часкал Сарыглар база чорупкан.
Тыва Арат Республикадан тыва эки турачылар отряды Барыын фронтунуң 6-гы аъттыг корпузунуң Морозов аттыг 8-ки гвардейжи аъттыг Ровно дивизиязының 31-ги гвардейжи аъттыг полкунуң составынче 4-кү эскадрон кылдыр кирген. Ооң составында 1000 километр орук чок черге 45 хонук дургузунда агаар-бойдус талазы-биле кончуг берге байдалдарда чоруп келген. Марш үезинде тывалар кижи-даа, аът-даа талазы-биле чидириг чок турган. Тыва чылгычылар походка шыдамык чоруун көргүскеннер.
1944 чылдың январьның 29-та 4-кү эскадроннуң тыва аъттыг шериглери Украин ССР-ниң Ровно облазының Деражно суур дээш тулчуушкуннарга баштай киришкен болгаш халдаашкынга төлептиг үлегер-чижекти көргүскен.
Улуг лейтенант Сат Бүрзекейниң командылааны 5-ки пулемлеттуг взводунуң 2-ги салбырының гвардейжи анаа дайынчызы бооп турган. Украин ССР-ниң Ровно хоорайын хостаар тулчуушкунга 1944 чылдың февраль 2-де маадырлыы-биле өлген.
Шаңнал-макталдары
• ССРЭ-ниң I-ги чаданың Ада-чурттуң Улуг дайынының ордени (1944);
• ТАР-ның Күш-ажыл ордени (1944).
Литература
• Сундуй М. Б. Эки турачы аъттыг эскадрон. Кызыл: Тываның ном үндүрер чери, 1989.
• Пивоваров В. Добровольцы. Кызыл, 1990;
• Книга Памяти. Республика Тыва. Кызыл, 1995.
• КОШКАР-ООЛ Кара-Сал Кара-Лама оглу / Урянхайско-тувинская энциклопедия. I том (А-К). Под общей ред. Шойгу С.К., отв. ред. Бичелдей К.А. Кызыл: "Мир тувинцев", 2021. С. 466.
Демдеглелдер
Шөлүлгелер
• Постановление Правительства Республики Тыва О списках участников Великой Отечественной войны 1941—1945 годов, призванных из Тувинской Народной Республики
• Сундуй М. Б. Добровольный кавалерийский эскадрон