Куулар Эрес-оол Чамыянович

Эрес-оол Куулар
Эрес-оол Куулар
Кол медээлер
Долу ады
Төрүттүнген хүнү	1945 июльдуң 8 (81 год)
Мергежилдери	хөөмейжи, инструментальщик
Жанрлары	тыва чоннуң ырылары
Коллективтери	"Сыгырга"
	Тыва Республиканың улустуң хөөмейжизи (2015)
	Тыва АССР-ниң культуразының алдарлыг ажылдакчызы (1984)

Куулар Эрес-оол Чамыянович (төр. 1945 июльдуң 8) — хөгжүмчү, Тываның улустуң хөөмейжизи, культураның хоочуну, Тыва Республиканың улустуң хөөмейжизи (2015), Тыва АССР-ниң культуразының алдарлыг ажылдакчызы (1984).

Допчу намдары

Куулар Эрес-оол Чамыянович 1945 чылдың июль 8-те Тыва автономнуг областың Чөөн-Хемчик районунуң Чыргакы сумузунга төрүттүнген^[1]. Ортумак школаны дооскаш, Кызылдың профтехучилищезинче өөренип киргеш, 1965 чылда тракторист-машинист мергежилди тыпсып дооскан. 1966—1969 чылдарда Чыраа-Бажы суурнуң «Улуг-Хову» бригадазының тракторизи чораан. 1969—1971 чылда Совет Армияның одуруунга шериг албанын эрттирген. 1971 чылдан Чыраа-Бажы совхозка баштай электрик-монтер, ооң соонда чолаачылап ажылдап чораан. 1975 болгаш 1979 чылдарда Чыраа-Бажы суурнуң көдээ совединиң депутадынга соңгуттуруп турган^[1]. Школачы чылдарындан-на бот-тывынгыр уран чүүлдүң идепкейлиг киржикчизи чораан. Ол-хөгжүм херекселдеринге ойнаар кижи: игил, бызаанчы, чадаган, баян, гармошка, гитара, мандолина^[2]; хөөмейниң тергиин күүседикчизи. Билдингир «Сыгырга» ансамблиниң составынга турган. 1979 чылда, ансамбль тургузуунга ол Останкинога телефестивальга, Олимпиада-1980-ниң культурлуг хемчеглеринге идепкейлиг киржип турган. 1982 чылда Москвага ВДНХ-га, 1985 чылда — Якутияга база Россиядан дашкаар — Италияга, Швейцарияга, Францияга гастрольдап чораан. Делегей чергелиг Азия чоннарының хөгжүм уран чүүлүнүң фестивалынга Париж, Женева, Флоренцияга киржип, тыва хөөмей-сыгыдын бараалгаткан. Ол кожуун болгаш республика чергелиг фестивальдар болгаш мөөрейлерге база идепкейлиг киржирин уламчылап турар.

Шаңналдары болгаш хүндүлүг аттары

«Улусчу чогаадылганың идепкейжизи» хөрек демдээ (1982).
ССРЭ-ниң культура яамызының «Бот-тывынгыр чогаадылгада чедиишкиннери дээш» деп демдээ (1982).
Тыва АССР-ниң культуразының алдарлыг ажылдакчызы (1984)
«Хомус» деп хөрек демдээ (1985)
"Хомус" симпозиумунуң дипломантызы (Якутия, 1985)
Тыва Республиканың улустуң хөөмейжизи (2015)^[2]

Демдеглелдер

↑ ¹ ² Сузукей В. Ю., Ч. С. Тумат Эрес-оол Чамыянович Куулар (орус) // Хоомейжи Республики Тыва. — Кызыл, 2015. — С. 54.
↑ ¹ ² Глава Тувы вручил государственные награды в честь Дня Республики! (неопр.) (15 августуң 2015). Хынаан ай-хүнү: 26 ноябрьның 2025.

[:0-1] ¹ ² Сузукей В. Ю., Ч. С. Тумат Эрес-оол Чамыянович Куулар (орус) // Хоомейжи Республики Тыва. — Кызыл, 2015. — С. 54.

[:1-2] ¹ ² Глава Тувы вручил государственные награды в честь Дня Республики! (неопр.) (15 августуң 2015). Хынаан ай-хүнү: 26 ноябрьның 2025.

[1]

[2]