Ломбу Хертек Успуң оглу

Ломбу Хертек Успуң оглу
Ломбу Хертек Успуң оглу
	тыв. Ломбу Хертек Успуң оглу
Төрүттүнгенде ады	Хертек Успуң оглу Ломбу
Төрүттүнген ай-хүнү	1918
Төрүттүнген чери	Кызыл-Даг, Бай-Тайга кожуун, Урянхай край
Мөчээн ай-хүнү	8 февраль 1944
Мөчээн чери	Сурмичи, Ровно облазы, Украин ССР
Чурту
Ажыл-херээ	шеригжи кижи

Ломбу Хертек Успуң оглу (төрүттүнгенде ады — Хертек Успуң оглу Ломбу, орус. Ломбу Хертек Успун оглу, 1918 чыл — 1944 чылдың февральдың 8) — Ада-чурттуң Улуг дайынының киржикчизи, тыва эки турачы эскадроннуңтанкыга удур боолаар взводунуң гвардейжи анаа дайынчызы, ТАР-ның «Дайынчы шылгарал дээш» медалының эдилекчизи (1944).

Допчу намдары

Лобму Хертек Успун оглу 1918 чылда Бай-Тайга кожууннуң, Кызыл-Даг сумузунга төрүттүнген^[1].

1939–1943 чылдарда Тыва Араттың Революстуг Шериинге хөгжүмчүлеп шериг албанын эрттирген^[2].

Барыын-Хемчик кожууннуң шериг-физкультура килдизинге эргелекчилеп ажылдап турган.

Ада-чурттуң Улуг дайынынга киржилгези

Тыва Арат Революстуг Намның Төп комитединиң секретариадының 1943 чылдың август 25-тен шиитпири-биле 2-ги тыва эки турачы отрядтың танкыга удур боолаар взводунуң анаа дайынчызы кылдыр томуйлаткан.

Тыва Арат Республикадан тыва эки турачылар отряды Барыын фронтунуң 6-гы аъттыг корпузунуң Морозов аттыг 8-ки гвардейжи аъттыг Ровно дивизиязының 31-ги гвардейжи аъттыг полкунуң составынче 4-кү эскадрон кылдыр кирген. Ооң составында 1000 километр орук чок черге 45 хонук дургузунда агаар-бойдус талазы-биле кончуг берге байдалдарда чоруп келген. Марш үезинде тывалар кижи-даа, аът-даа талазы-биле чидириг чок турган. Тыва чылгычылар походка шыдамык чоруун көргүскеннер.

1944 чылдың январьның 29-та 4-кү эскадроннуң тыва аъттыг шериглери Украин ССР-ниң Ровно облазының Деражно суур дээш тулчуушкуннарга баштай киришкен болгаш халдаашкынга төлептиг үлегер-чижекти көргүскен.

Ломбу Хертек танкыга удур боолаар взводтуң командылакчызы Бичен-оол Сарыгларның взводунуң гвардейжи анаа дайынчызы турган.

Ровно хоорайны хостаар тулчуушкунга маадырлыы-биле 1944 чылдың февральдың 8-те өлген^[3].

Шаңнал-макталдары

• ТАР-ның "Дайынчы шылгарал дээш" медалы (1944)

Литература

• Сундуй М. Б. Эки турачы аъттыг эскадрон. Кызыл: Тываның ном үндурер чери, 1989.
• Книга Памяти. Республика Тыва. Сост. Н. М. Моллеров. Кызыл, 1995.
• ЛОМБУ Хертек Успун оглу / Урянхайско-тувинская энциклопедия. II том (Л-Я). Под общей ред. Шойгу С.К., отв. ред. Бичелдей К.А. Кызыл: "Мир тувинцев", 2021. С. 18.

Демдеглелдер

Шөлүлгелер

• Постановление Правительства Республики Тыва О списках участников Великой Отечественной войны 1941—1945 годов, призванных из Тувинской Народной Республики
• Сундуй М. Б. Добровольный кавалерийский эскадрон

[1] Книга Памяти: Ломбуу Хертек Успун оглу

[2] Кем были тувинские добровольцы до призыва в Красную армию, часть III

[3] Хертек Ломбу Успунович

[1]

[2]

[3]