Ондар Мөңгүн-оол Дүктеңмеевич

Мөңгүн-оол Ондар
Мөңгүн-оол Ондар
Төрүттүнген ай-хүнү	1975 июльдуң 23 (51 год)
Төрүттүнген чери	Бажын-Алаак, Чөөн-Хемчик кожуун, Тыва Автономнуг Совет Социалистиг Республика, РСФСР[d], ССРЭ;
	Тыва Республиканың улустуң хөөмейжизи (2003)

Мөңгүн-оол Дүктеңмеевич Ондар (төр. 1975 июльдуң 23, Бажын-Алаак, Тыва Автономнуг Совет Социалистиг Республика) — хөөмейжи, Тыва Республиканың улустуң хөөмейжизи (2003), Россия Федерациязының алдарлыг артизи (2011)^[1].

Допчу намдары

1975 чылдың июль 23-те Тыва АССР-ниң Чөөн-Хемчик районунуң Бажың-Алаак суурга төрүттүнген^[2]. Мөңгүн-оол школачы чылдарындан-на көрүлделерге болгаш мөөрейлерге идепкейлиг киржип, «Салгал» ансамблиниң киржикчизи чораан.

Россияның күрүнениң уруглар библиотеказынга «Чиргилчин» коллективиниң оюн-көргүзүү, 2018 чыл.

1991 чылда республика чергелиг «Хөөмейжи» мөөрейге I чергениң лауреады болган, а 1992 чылдың чайынында «Хөөмей — Төп Азия чоннарының культурлуг феномени» деп делегей чергелиг симпозиумга эрткен мөөрейге Гран-при шаңналының эдилекчизи болган. 1992 чылдың күзүнүнде Кызылдың уран чүүл училищезинче өөренип киргеш, ол үеде хөөмей клазының башкызы Хунаштаар-оол Ооржак турган. Мөңгүн-оол Ондар шериг албан-хүлээлгезин эрттирген соонда, 1993 чылда «Саяннар» ансамблиниң составынга ажылдаан. 1995 чылда ону «Шу-де» ансамблиниң составынче чалаан. 1996 чылда А. Бап-тың сүмези-биле «Чиргилчин» ансамбли тургустунган, ынаар Мөңгүн-оол Ондар, Алдар Тамдын, Игорь болгаш Айдысмаа Кошкендейлер киргеннер^[2]. Амгы үеде Мөңгүн-оол Ондар Россия Федерациязының алдарлыг артизи, «Саяннар» аттыг ыры болгаш самның тыва национал ансамблинде ажылдап чоруур.

Чогаадыкчы ажыл-чорудулгазы

Хөөмейлеп, хомуска ойнаарын 7 харлыындан-на ачазындан өөренип алган. Игилге ооң даайы, билдингир хөөмейжи Олег Куулар ойнап өөреткен. 14-15 харлыында хөгжүм херекселдери кылырынга бодунуң күжүн шенеп эгелээн. Чоорту игил, бызаанчы, чадаган, лимби деп хөй херекселдерге ойнап өөренип алган. 1993 чылдың чайынында «Саяннар» ансамблиниң артистери-биле кады ийи неделяның улусчу чогаадылга фестивалынга киржири-биле Грецияже ооң бир дугаар даштыкы аян-чоруу болган. Ол-ла чылдың күзүнүнде Америкага «Саяннар» деп концерт турунга киришкен «Шу-дэ» ансамблиниң составынга Италияга, Австралияга, Чаа Зеландияга чораан.

Шаңналдары болгаш хүндүлүг аттары

Республика чергелиг «Хөөмейжи» мөөрейниң I чергениң лауреады (1991).
Делегей чергелиг этномузыкологтуг «Хөөмей — Төп Азия чоннарының культуразының феномени» симпозиумнуң Гран-При эдилекчизи (1992).
Россия Федерациязының алдарлыг артизи (2011).
Тыва Республиканың улустуң хөөмейжизи (2003)
Делегей чергелиг этномузыкологтуг «Хөөмей — Төп Азия чоннарының культуразының феномени» симпозиумнуң Гран-При эдилекчизи^[3] (2013).

Демдеглелдер

↑ Указ Президента Российской Федерации от 20 июля 2011 года № 972 «О награждении государственными наградами Российской Федерации» (рус.). Хынаан ай-хүнү: 25 ноябрьның 2025.
↑ ¹ ² Сузукей В. Ю., Ч. С. Тумат Геннадий Хайдыпович Тумат (орус) // Хоомейжи Республики Тыва. — Кызыл, 2015. — С. 47.
↑ Легендарному хоомейжи Кайгал-оолу Ховалыгу на юбилей коллеги подарили автомашину с номером «Ховалыг-17» (неопр.) (20 августуң 2015). Хынаан ай-хүнү: 25 ноябрьның 2025.

[1] Указ Президента Российской Федерации от 20 июля 2011 года № 972 «О награждении государственными наградами Российской Федерации» (рус.). Хынаан ай-хүнү: 25 ноябрьның 2025.

[:0-2] ¹ ² Сузукей В. Ю., Ч. С. Тумат Геннадий Хайдыпович Тумат (орус) // Хоомейжи Республики Тыва. — Кызыл, 2015. — С. 47.

[3] Легендарному хоомейжи Кайгал-оолу Ховалыгу на юбилей коллеги подарили автомашину с номером «Ховалыг-17» (неопр.) (20 августуң 2015). Хынаан ай-хүнү: 25 ноябрьның 2025.

[1]

[2]

[3]