Шойдакпан Салчак Балчыр оглу
| Шойдакпан Салчак Балчыр оглу | |
|---|---|
| тыв. Шойдакпан Салчак Балчыр оглу | |
 | |
| Төрүттүнгенде ады | Салчак Балчыр оглу Шойдакпан |
| Төрүттүнген ай-хүнү | 1916 |
| Төрүттүнген чери | Көк-Тей, Салчак кожуун, Урянхай край |
| Мөчээн ай-хүнү | 9 февраль 1944 |
| Мөчээн чери | Похорельце, Ровно облазы, Украин ССР |
| Чурту |
.svg){kind=small} |
Шойдакпан Салчак Балчыр оглу (төрүттүнгенде ады — Салчак Балчыр оглу Шойдакпан, орус. Шойдакпан Салчак Балчыр оглу, 1916 чыл — 1944 чылдың февральдың 9) — Ада-чурттуң Улуг дайынының киржикчизи, тыва эки турачы эскадроннуң танкыга удур боолаар взводунуң гвардейжи анаа дайынчызы[1].
Допчу намдары
Шойдакпан Салчак Балчыр оглу 1916 чылда Салчак кожууннуң Көк-Тей сумузунга төрүттүнген.
Ада-чурттуң Улуг дайынынга киржилгези
Тыва Арат Революстуг Намның Төп комитединиң секретариадының 1943 чылдың август 25-тен шиитпири-биле 2-ги тыва эки турачы отрядтың танкыга удур боолаар взводунуң анаа дайынчызы кылдыр томуйлаткан.
Тыва Арат Республикадан тыва эки турачылар отряды Барыын фронтунуң 6-гы аъттыг корпузунуң Морозов аттыг 8-ки гвардейжи аъттыг Ровно дивизиязының 31-ги гвардейжи аъттыг полкунуң составынче 4-кү эскадрон кылдыр кирген. Ооң составында 1000 километр орук чок черге 45 хонук дургузунда агаар-бойдус талазы-биле кончуг берге байдалдарда чоруп келген. Марш үезинде тывалар кижи-даа, аът-даа талазы-биле чидириг чок турган. Тыва чылгычылар походка шыдамык чоруун көргүскеннер.
1944 чылдың январьның 29-та 4-кү эскадроннуң тыва аъттыг шериглери Украин ССР-ниң Ровно облазының Деражно суур дээш тулчуушкуннарга баштай киришкен болгаш халдаашкынга төлептиг үлегер-чижекти көргүскен.
Шойдакпан Салчак танкы удур боолаар взводтуң командылакчызы Бичен-оол Сарыгларның взводунуң 2-ги салбырының гвардейжи анаа дайынчызы турган[2].
Ровно болгаш Дубно хоорайларны болгаш Украин ССР-ниң өске-даа чурттакчылыг черлерин хостаарынга эрес-дидим киришкен.
Сурмичи суурну хостап тура Сат Бүрзеккейниң взводунуң дайынчылары-биле кады маадырлыы-биле 1944 чылдың февральдың 9-та тынын салган.
Литература
• Сундуй М. Б. Эки турачы аъттыг эскадрон. Кызыл: Тываның ном үндурер чери, 1989.
• ШОЙДАКПАН Салчак Балчыр оглу / Урянхайско-тувинская энциклопедия. II том (Л-Я). Под общей ред. Шойгу С. К., отв. ред. Бичелдей К. А. Кызыл: «Мир тувинцев», 2021. С. 592.
Демдеглелдер
- ↑ [https://old.kntuva.ru/2021/11/23/доброволец-ровесник-тнр-шойдакпан-са/ САЛЧАК ШОЙДАКПАН БАЛЧЫР ОГЛУ (1921—1944 гг.)
- ↑ Вековая иСТОрия: ровесники ТНР
Шөлүлгелер
• Постановление Правительства Республики Тыва О списках участников Великой Отечественной войны 1941—1945 годов, призванных из Тувинской Народной Республики
• Сундуй М. Б. Добровольный кавалерийский эскадрон