Майын-Тараа Иргит Сайын-Херел оглу
| Майын-Тараа Иргит Сайын-Херел оглу | |
|---|---|
| тыв. Майын-Тараа Иргит Сайын-Херел оглу | |
 | |
| Төрүттүнгенде ады | Иргит Сайын-Херел оглу Майын-Тараа |
| Төрүттүнген ай-хүнү | 1922 |
| Төрүттүнген чери | Кара-Хөл, Бай-Тайга, ТАР |
| Мөчээн ай-хүнү | 8 февраль 1944 |
| Мөчээн чери | Сурмичи, Ровно облазы, Украин ССР |
Майын-Тараа Иргит Сайын-Херел оглу (төрүттүнгенде ады — Иргит Сайын-Херел оглу Майын-Тараа, чылдың январь — 1944 чылдың февральдың 8) — Ада-чурттуң Улуг дайынының киржикчизи, тыва эки турачы эскадроннуң 2-ги взводунуң гвардейжи анаа дайынчызы.
Допчу намдары
Майын-Тараа Иргит Сайын-Херел оглу 1922 чылдың январьда Бай-Тайганың Кара-Хөл сумузунга төрүттүнген.
Биче командылакчылар школазын дооскан. 1941 чылдан тура Тыва Араттың Революстуг Шериинге шериг албан эрттирип турган.
Ада-чурттуң улуг дайынынга киржилдези
Тыва Арат Революстуг Намның Төп комитединиң секретариадының 1943 чылдың август 25-тен шиитпири-биле 2-ги тыва эки турачы отрядтың 2-ги взводунуң 1-ги салбырының анаа дайынчызы кылдыр томуйлаткан.
Тыва Арат Республикадан тыва эки турачылар отряды Барыын фронтунуң 6-гы аъттыг корпузунуң Морозов аттыг 8-ки гвардейжи аъттыг Ровно дивизиязының 31-ги гвардейжи аъттыг полкунуң составынче 4-кү эскадрон кылдыр кирген. Ооң составында 1000 километр орук чок черге 45 хонук дургузунда агаар-бойдус талазы-биле кончуг берге байдалдарда чоруп келген. Марш үезинде тывалар кижи-даа, аът-даа талазы-биле чидириг чок турган. Тыва чылгычылар походка шыдамык чоруун көргүскеннер.
1944 чылдың январьның 29-та 4-кү эскадроннуң тыва аъттыг шериглери Украин ССР-ниң Ровно облазының Деражно суур дээш тулчуушкуннарга баштай киришкен болгаш халдаашкынга төлептиг үлегер-чижекни көргүскен [1].
Куулар Дончуттуң командылааны 2-ги взводка дайылдажып турган. Сурмичи суур дээш кадыг-дошкун тулчуушкунга маадырлыы-биле чок болган[2]..
Сактыышкын
Майын-Тараа Иргиттиң ады-биле Кара-Хөл суурда кудумчу адын адаан[3].
Литература
• Сундуй М. Б. Эки турачы аъттыг эскадрон. Кызыл: Тываның ном үндурер чери, 1989.
• Книга Памяти. Республика Тыва. Кызыл, 1995.
• МАЙЫН-ТАРАА Иргит Сайын-Херел оглу / Урянхайско-тувинская энциклопедия. II том (Л-Я). Под общей ред. Шойгу С.К., отв. ред. Бичелдей К.А. Кызыл: "Мир тувинцев", 2021. С. 26.
Демдеглелдер
Шөлүлгелер
• Постановление Правительства Республики Тыва О списках участников Великой Отечественной войны 1941—1945 годов, призванных из Тувинской Народной Республики
• Сундуй М. Б. Добровольный кавалерийский эскадрон
• Тем, кто не увидел Победу, но знал, что она будет, посвящается.