Ондар, Чылгычы Чимит-Доржу оглу

Чылгычы Чимит-Доржу оглу Ондар (төр. 1955) — Россия Федерациязының Күрүне думазының үшкү база дөрткү чыыжының депутады, драматург, прозачы, артист.

Намдары

1955 чылдыӊ ноябрь 16-да Чѳѳн-Хемчик кожууннуӊ Бажыӊ-Алаак сумузунда Бѳзур-Даг деп черге хѳй ажы-тѳлдуг малчын араттын ѳг-бүлезинге тѳрүттүнген. 1973 чылда Бажын-Алаактыӊ ортумак школазын дооскаш, Москва хоорайда Б.В. Шукин аттыг дээди театр училищезинге ѳѳренип кирген. Ол ѳѳредилге черин 1978 чылда «тергиин эки» демдектиг доозуп, «Шии болгаш кино артизи» деп тускай эртемни чедип алган. Ооӊ артист болур талантызыныӊ эгези кажан ол студент турган чылдарында-ла кѳступ эгелээн: Георгий Данелияныӊ «Мимино», Александр Гордоннуӊ «Хавак кырынга месилдежиишкин» деп киноларынга рольдарны ойнап, кинога тырттырарынга чедиишкинниг киришкен.Студент чылдарыныӊ чайгы дыштанылгазыныӊ үезинде Чылгычы эш-ѳѳрлери-биле кады 1975 чылда «КамАЗ» деп кедергей улуг автомашиналар заводунуӊ тудуунга онза күжениишкинниг ажылдаан. Ынчангаш ону "Бүгү-эвилелдиӊ студентилериниӊ тудугжу отрядыныӊ шалыпчызы» деп хѳрек демдээ-биле шаӊнаан. Москвага ѳѳредилгезин дооскан сѳѳлүнде оон күш-ажылчы намдары республиканыӊ Виктор Кѳк-оол аттыг хѳгжум-шии театрынга эгелээн. Ниитизи-биле шии артизи болуп, театрныӊ специализинге ажылдавышаан, чугула хѳй рольдарны шыдаар шаа-биле чедиишкинниг ойнаан. Чижээ, Э. Лабиштиӊ «Терезин шляпа» деп шиизинде Тардивонуӊ, М. Каримниӊ «Ай туттурган дүнеде" деп шиизинде Дервиштиӊ рольдарын, В. Серен-оолдуӊ «Сѳѳскеннер чечектелип турда» деп шиизинде рольду онза солун күүсеткен.

Ооң демир-үжүк бажынга дараазында аар-берге чогаалдар хамааржыыр:

• драма «730 дней и ночей» (1980 ч.)
• драма «Возрождение» (1985 ч.)
• трагедия «Кровавые следы» (1989 ч.)
• водевиль «Комбикорм, шляпа и любовь» (1989 ч.)
• сатириктиг комедия «Несостоявшаяся хан (кровяная колбаса)» (1990 ч.)
• тоожу «Последняя пристань» (1994 ч.)
• шиилер чыындыз «Чалым-Хая» (1988 ч., 1994 ч.)
• шиилер чыындызы «Незаконченная война» (1996 ч.).
• Тоожу «Мусульманский батальон» (2015 ч.)
• Каттырынчыг чечен чугаалар «Медведь с галстуком»(1987 ч.)
• Шии «Шурави» (2017 ч.)
• Шии «Верный друг»(2017 ч.)

Россия Федерацияның культуразының алдарлыг ажылдакчызы, Тыва Республиканың алдарлыг ажылдакчызы база Тыва Республиканың Күрүне шаңналының эдилекчизи. Тываның Чогаалчылар Эвилелиниң Даргазы, Россияның журналистер база чогаалчылар Эвилелиниң кежигүнү.

Шөлүглер

• Профайл на сайте Государственной думы (чедимчок шөлүг)
• Официальный сайт Национального театра Республики Тыва им. В. Ш. Кок-оола

Майык:Нет иллюстраций Майык:Представители Республики Тыва в Федеральном Собрании