Таңды кожууну

Таңды кожууннуң тугу

Таңды кожуун

Таңды кожуунда уткуп турар бижик

Кожуун төвү Бай-Хаак сумунуң адрези

Таңды кожууну — Россия Федерациязында Тыва Республикада кожуун.

Кожууннуң административтиг төвү — Бай-Хаак сумузу. Чурттакчы чонунуң саны — 14 129 кижи (2017). Таңды кожуун республиканың төп кезээнде тургустунган. Девискээриниң шөлү — 5,1 муң км². Национал тургузуу — тывалар, орустар. Шажынчы тургузуу — буддистер, православ шажын. Автомобильдин кодунуң дугаары — 17. Куржаг шагы — MSK+4 (UTC+7).

Таңды кожуун 1944 чылдың октябрь 13-те тургустунган. Таңды кожуунну XII векте Оюннар кожууну деп адап турган.

Кожууннуң иштинде Чагытай, Дус-Хөл, Хадың хөлдери чалгып чыдар.

Арбан-суму чизези.

1. Бай-Хаак сумузу, төп сууру Бай-Хаак;
2. Арыг-Бажы сумузу, төп сууру Владимировка;
3. Балгазын сумузу, төп сууру Балгазын;
4. Дүрген сумузу, төп сууру Дүрген;
5. Кочетово сумузу, төп сууру Кочетово;
6. Кызыл-Арыг сумузу, төп сууру Кызыл-Арыг;
7. Межегей сумузу, төп сууру Межегей;
8. Успенка сумузу, төп сууру Успенка.

• Сой, Краснояровка, Марачевка арбаннары Балгазын сумузунга хамааржыр;
• Сосновка сууру, оон ыңай Хадың-Аксы деп арбан Дүрген сумузунга хамааржыр.

Солун барымдаалар

Кожууннуң девискээринден Чиңге деп бүдүн делегейде билдингир метеориттиң кезектери тывылган.

Тайылбыр кезек

Үндезини

1. Таңды кожууну Тыва Республика чазааның сайтызында.
2. Тыва чуртунда хоорай болгаш сумулар чизези.