Тока Владимир Салчакович
| Тока Владимир Салчакович | |
|---|---|
 | |
| Кол медээлер | |
| Долу ады | Тока Владимир Салчакович |
| Төрүттүнген хүнү | 1942 июньнуң 16 |
| Төрүттүнген чери | Кызыл, Тыва Арат Республика |
| Мөчээн хүнү | 2008 май (65 лет) |
| Мөчээн чери | |
| Чурту | ССРЭ |
| Мергежилдери | композитор, джазмен, артист |
| Жанрлары | симфониялар, симфониктиг шүлүглелдер, оюн-өргүзүглер, ырылар |
| Шаңналдары |
Тыва АССР-ниң алдарлыг артизи (1984); |
Тока Владимир Салчакович (1942 июньнуң 16, Кызыл — 2008 май, Кызыл[1]) — композитор, Тываның баштайгы джазмени, Тыва АССР-ниң алдарлыг артизи, Тыва Республиканың улустуң артизи.
Допчу намдары
1942 чылдың июнь 16-да көскү ажылдакчылар — Салчак Калбак-Хорекович Тока (Тыва обкомунуң бирги секретары, Тываның баштайгы чогаалчыларының болгаш драматургтарының бирээзи) база Хертек Амырбитовна Анчимаа-Токаның (Тыва Арат Республиканың Биче Хуралының даргазы) өг-бүлезинге төрүттүнген.[2]
Хөгжүм кичээлдери 1950 чылда Кызылдың уругларның хөгжүм школазынга эгелээн (Е. Р. Близнюк фортепиано клазы). 1960 чылда консерваторияның белеткел салбырынга өөренип турган, 1962 чылдан тура Тока Новосибирскиниң М. И. Глинки аттыг консерваториязының фортепиано факультединиң студентизи апарган. Владимир Тока профессор М. С. Лебензоннуң удуртулгазы-биле фортепиано күүселдезиниң тергиин школазын алган, ол аңаа С. В. Рахманиновтуң музыказынга ынакшылын дамчыткан.[3].
Владимир Тока бир дугаар чогаалы — «Улан цэцэг» (Кызыл чечек) деп фортепианолуг концерти, «Тыва чурумалдар» деп симфониктиг шүлүглели Москвага тыва хөгжүмнүң бир концертинге чаңгыланган. Ленинградтың А. Н. Римский-Корсаков аттыг күрүне консерваториязынга А. Д. Мнацаканянның композиция клазынга стажировкалаан[2]
1984 чылда композиторга Тыва АССР-ниң алдарлыг артизи атты тывыскан, ССРЭ-ниң композиторлар эвилелинге ону хүлээп алган.
1992 чылда «Тайга симфониязын» тургусканы дээш (2 дугаар симфониязы) Тыва Республиканың күрүне шаңналынга төлептиг болган.
1997 чылдан 1998 чылга чедир Тываның композиторлар эвилелиниң баштаар чериниң даргазы турган.
Стилиниң аайы-биле ону тыва Рахманинов азы Чайковский деп адаар. Ол Тываның бирги джазмени. Назынының төнчүзүнге чедир Тываның күрүне филармониязының симфониктиг оркестринге пианист болуп ажылдап чораан.
Шаңналдары
- Тыва АССР-ниң алдарлыг артизи (1984 чыл)
- Тыва республиканың күрүне шаңналының лауреады (1994 чыл)
- Тыва Республиканың улустуң артизи (2003 чыл).
Ажылдары
- симфониктиг шүлүглел «Ай-кыс»
- симфониктиг шүлүглел «Сактыышкыннар»
- оркестр-биле гобойга «Ноктюрн»
- шиилерге аялга («Маугли», «730 дней и ночей», «Звёздные мастера», «Маленькие трагедии», «Кровавая свадьба»),
- «Саяннар» ансамблиниң хореографтыг шиилеринге аялгалар («Памятник», «Танец шамана», «Тувинский танец», «Танец с пиалами» и др.)
- балет «Кодур-оол биле Биче-кыс», рок-опера «Её должность — жена лесника»
- фортепианолуг дуэт «Енисейская акварель»
- гобой биле фортемианога «Пастушок»
- романстар болгаш ырылар «Дуруяа», «Эреспей», «Оглум чазы»
- «Ынакшылдың күжү» база «Рождение героя» шиилерниң балет партитуралары
- «Саян-Таңды кыстары», «Салымымны чүрээм согуу хемчээп каар» дээш о.ө.
Демдеглелдер
- ↑ Тока Владимир. Тува прощается с композитором. Сетевое информационное агентство «Тува-онлайн» (14 майның 2008). Хынаан ай-хүнү: 1 декабрьның 2017. Архивтээн 1 декабрьның 2017 года.
- ↑ 1 2 Казанцева, З.К. Разговор с другом : [ К 60-летию со дня рождения композитора Вл. С.Тока] / З.К. Казанцева // Тув. правда. - 2002. - 15 июня. - C. 39
- ↑ Тока Владимир Салчакович — Краткие биографии. Хынаан ай-хүнү: 1 декабрьның 2017. Архивтээн 1 декабрьның 2017 года.