Тыва Республиканың культура яамызы

Рувики деп сайттан
Тыва Республиканың культура яамызы
кысказы-биле — Тываның культура яамызы
  • орус. Министерство культуры Республики Тыва
New logo mincult tuva.png
Ниити медээлер
Чурт  Россия
Юрисдикциязы Россия
Үндезилеттинген ай-хүнү 2011 чылдың апрель 29
Ооң мурнунда турган орган Тыва Республиканың культура болгаш туризм яамызы
Удуртулгазы
Бажында Тыва Республиканың Чазаа
Кырында албан чери Тыва Республиканың Чазаа
Тыва Республиканың культура сайыды Виктор Чигжит
Тургузуу
Турар-чери Кызыл, Щетинкина-Кравченко куд., 46
Сайт culture-tyva.ru

Тыва Республиканың культура яамызы (тыв. Министерство культуры Республики Тыва) — Тыва Республиканың девискээринде культура адырынга хамаарышкан күрүне политиказын ажылдап кылыр болгаш боттандырар, эрге-хоойлу таарыштырар, культура болгаш архив херээниң адырында эргелеп-башкарар хүлээлгелерни боттандырып турар күүсекчи эрге-чагырга органы. Ведомство иштинде күрүнениң культура албан черлериниң ажыл-чорудулгазын дүүштүрер[1].

Төөгүзү

1921 чылда Тыва Арат Республика (ТАР) чарлаттынган, ол үеде национал бижик тургустунган болгаш культураның баштайгы албан черлери тыптып келген[1].

ТАР-ның культура яамызының дугайында демдеглелдер архив материалдарында 1923 чылдан бээр таваржып турар, ынчалза-даа ол ажыл чуруму-биле ажылдап турган. Культура яамызының дугайында албан ёзузунуң дүрүмүн 1931 чылда хүлээп алган[1].

Амгы яамының тургустунарының мурнунда культура сайзыралының төөгүзүнде өзек болуушкуннар[1]:

• 1929 чыл — бир дугаар чурт-шинчилел музейи ажыттынган.
• 1930 чыл — тыва дылда солуннар болгаш номнар парлаттынып эгелээн.
• 1931 чыл — республика библиотеказы тургустунган.
• 1936 чыл — бир дугаар национал театр студиязы үндезилеттинген (1940 чылда күрүнениң шии театры-студиязы кылдыр эде тургустунган).
• 1942 чыл — Тываның чогаалчылар эвилели тургустунган.
Культура-чырыдыышкын албан черлериниң четкизи идепкейлиг өзүп турган: 1945 чылда 69 клубтар болгаш номчулга бажыңнары турган болза, 1961 чылда оларның саны 159 чедир көвүдээн, а 1981 чылда 211 албан черлеринге четкен, ооң иштинде 103 культура бажыңнары кирип турар[1].

Тыва Арат Республиканың культура яамызының бирги бажыңы

Функции и задачи

Тыва Республиканың культура яамызынга дараазында бүрүн эргелерни тывыскан:

• Тыва республиканың девискээринге культура адырынга күрүне политиказын ажылдап кылыры болгаш боттандырарын хандырары.
• Культура болгаш архив херээниң талазы-биле эрге-хоойлу таарыштырылгазы.
• Ведомство иштинде культура албан черлерин (театрлар, музейлер, библиотекалар, культура бажыңнары дээш оон-даа өске) башкарары.
• Культура адырынга күрүне ачы-дузазын чедирери.
• Тыва чоннуң чүс-чүс чылдарда туруп келген ёзу-чаңчылдарын болгаш культурлуг өнчүзүн кадагалаары, нептередири болгаш сайзырадыры[1].

Амгы үези

Амгы үеде Тыва Республиканың культура яамызының удуртулгазы-биле республиканың шупту кожууннарында турар культура болгаш уран чүүл албан черлериниң адырларлыг четкизи ажылдап турар. Яамы национал театрларның, музейлерниң, библиотекаларның, улусчу чогаадылга төптериниң ажыл-чорудулгазын дүүштүрүп, Тываның ховар культурлуг өнчүзүн кадагалап база хөгжүдерин хандырар[1]. Культура сайыды Виктор Сергеевич Чигжит яамының 2024 чылда ажыл-чорудулгазын түңнеп тура, демдеглээн:

Тыва Арат Республиканың ССРЭ-ниң составынга эки тура-биле каттыжып киргениниң 80 чыл ою-биле эрткен чыл уттундурбас болуп арткан, ооң иштинге дыка хөй болуушкуннарны, ВДНХ-га делгелгени база эрттирген. Ада-чурттуң Улуг дайынынга тиилелгениң 80 чылынга база Россияда-даа, Тывада-даа чарлаттынган Ада-чурт камгалакчызының чылынга мурнады көөр планны бо чылын тургускан бис. 2023 чылдың динамиказындан алгаш көөрге, 2024 чылда чурттакчы чонну культура-биле хаара тудары көвүдээн.[2]

Харыылап турар албан черлери[3]

  • Тываның күрүнениң ойнаар кыстар театры[4].
  • Тываның В.М. Халилов аттыг күрүне филармониязы[5].
  • Тыва Республиканың Чазааның үрер хөгжүм оркестри[6].
  • Тываның национал хөгжүм болгаш сам театры «Саяннар»[7].
  • Республиканың улусчу чогаадылга болгаш дыштанылга төвү[8].
  • Кызылдың А. Б. Чыргал-оол аттыг уран чүүл колледжи[9].
  • Тыва Республиканың А.С Пушкин аттыг национал библиотеказы[10].
  • Тываның К. И. Чуковский аттыг уруглар библиотеказы[11].
  • Караа көрбес болгаш көөрү кошкак улуска тыва республиканың тускай ном саңы[12].
  • Тыва Республиканың национал музейи.
  • Конгар-оол Ондар аттыг тыва үндезин культура болгаш ус ажыл сайзырадыр төп[13].
  • Тыва Республиканың национал архиви[14].
  • Тыва Республиканың культуразының болгаш дыштанылгазының национал парыгы[15].
  • Тыва Республиканың культура болгаш уран чүүл ажылдакчыларының ДШИ-ни хөгжүдер болгаш билиг-мергежилин бедидер талазы-биле курлавыр методиктиг төп[16].
  • Тыва национал оркестр[17].
  • Республиканың Р. Д. Кенденбиль аттыг уран чүүл школазы[18].
  • Тываның Виктор Көк-оол аттыг национал театры[19].
  • «Хөөмей» академиязы[20].
  • Тыва Республиканың культура яамызының эт-хөреңги талазы-биле ажыл-агый эргелели[21].
  • Тыва Республиканың туризмниң информация төвү[22].

Уран чүүл эвилелдери

  • Тываның театр ажылдакчыларының эвилели[23].
  • Тыва Республиканың хөөмейжилериниң эвилели[24].
  • Россияның композиторлар эвилелиниң регионалдыг салбыры[25].
  • Тываның национал херекселдер кылыр ус-шеверлер эвилели[26].
  • Россияның чурукчулар эвилелиниң Тывада регионалдыг салбыры[27].
  • Тыва Республиканың чогаалчылар эвилели[28].
  • Тываның композиторларының уран чүүлчү эвилели[29].

Министр

  • Виктор Чигжит — Тыва Республиканың культуразының алдарлыг ажылдакчызы (2003), 2022 чылдың сентябрьдан эгелеп Тыва Республиканың культура сайыдынга томуйлаткан[30].

Демдеглелдер

  1. ↑ 1 2 3 4 5 6 7 О министерстве (рус.). Министерство культуры Республики Тыва. Хынаан ай-хүнү: 27 октябрьның 2025.
  2. ↑ Министерство культуры Тувы подвело итоги 2024 года (рус.). Ид ТываМедиаГрупп (19 февральдың 2025). Хынаан ай-хүнү: 27 октябрьның 2025.
  3. ↑ Подведомственные учреждения (рус.). Министерство культуры Республики Тыва. Хынаан ай-хүнү: 30 октябрьның 2025.
  4. ↑ Тувинский театр кукол (рус.). Хынаан ай-хүнү: 30 октябрьның 2025.
  5. ↑ Тувгосфилармония им. В.М. Халилова (рус.). Хынаан ай-хүнү: 30 октябрьның 2025.
  6. ↑ Духовой оркестр Правительства Республики Тыва (рус.). Хынаан ай-хүнү: 27 октябрьның 2025.
  7. ↑ Театр музыки и танца Саяны (рус.). Хынаан ай-хүнү: 30 октябрьның 2025.
  8. ↑ Республиканский центр народного творчества и досуга (рус.). Хынаан ай-хүнү: 27 октябрьның 2025.
  9. ↑ Кызылский колледж искусств им.А.Б Чыргал-оола (рус.). Хынаан ай-хүнү: 27 октябрьның 2025.
  10. ↑ Национальная библиотека им. А. С. Пушкина РТ (рус.). Хынаан ай-хүнү: 27 октябрьның 2025.
  11. ↑ Тувинская детская библиотека им. К. И. Чуковского (рус.). Хынаан ай-хүнү: 27 октябрьның 2025.
  12. ↑ Тувинская республиканская специальная библиотека для незрячих и слабовидящих (рус.). Хынаан ай-хүнү: 27 октябрьның 2025.
  13. ↑ Центр развития тувинской традиционной культуры и ремесел (рус.). Хынаан ай-хүнү: 27 октябрьның 2025.
  14. ↑ Национальный архив Республики Тыва (рус.). Хынаан ай-хүнү: 27 октябрьның 2025.
  15. ↑ Национальный парк культуры и отдыха Республики Тыва (рус.). Хынаан ай-хүнү: 30 октябрьның 2025.
  16. ↑ Государственное бюджетное учреждение дополнительного профессионального образования в сфере культуры и искусства «Ресурсный центр» (рус.). Хынаан ай-хүнү: 30 октябрьның 2025.
  17. ↑ Тувинский национальный оркестр (рус.). Хынаан ай-хүнү: 30 октябрьның 2025.
  18. ↑ Республиканская школа искусств им. Р. Д. Кенденбиля (рус.). Хынаан ай-хүнү: 27 октябрьның 2025.
  19. ↑ Национальный театр им. Виктора Көк-оола (рус.). Хынаан ай-хүнү: 27 октябрьның 2025.
  20. ↑ Академия «Хоомей» (рус.). Хынаан ай-хүнү: 27 октябрьның 2025.
  21. ↑ Государственное бюджетное учреждение «Хозяйственное управление по имуществу Министерства культуры Республики Тыва» (рус.). Хынаан ай-хүнү: 30 октябрьның 2025.
  22. ↑ Отдых и туризм в Туве (Visit Tuva) (рус.). Хынаан ай-хүнү: 30 октябрьның 2025.
  23. ↑ Союз театральных деятелей Тувы (рус.). Министерство культуры Республики Тыва (2 декабрьның 2021). Хынаан ай-хүнү: 27 октябрьның 2025.
  24. ↑ Союз исполнителей горлового пения хоомей Республики Тыва (рус.). Министерство культуры Республики Тыва (2 декабрьның 2021). Хынаан ай-хүнү: 27 октябрьның 2025.
  25. ↑ Региональное отделение Союза композиторов России (рус.). Министерство культуры Республики Тыва (2 декабрьның 2021). Хынаан ай-хүнү: 27 октябрьның 2025.
  26. ↑ Союз мастеров-изготовителей национальных инструментов Тувы (рус.). Министерство культуры Республики Тыва (2 декабрьның 2021). Хынаан ай-хүнү: 27 октябрьның 2025.
  27. ↑ Тувинское региональное отделение Союза художников России (рус.). Министерство культуры Республики Тыва (2 декабрьның 2021). Хынаан ай-хүнү: 27 октябрьның 2025.
  28. ↑ Союз писателей Республики Тыва (рус.). Министерство культуры Республики Тыва (2 декабрьның 2021). Хынаан ай-хүнү: 27 октябрьның 2025.
  29. ↑ Творческий союз композиторов Тувы (рус.). Министерство культуры Республики Тыва (2 декабрьның 2021). Хынаан ай-хүнү: 27 октябрьның 2025.
  30. ↑ Министр культуры Республики Тыва (рус.). culture-tyva.ru. Хынаан ай-хүнү: 27 октябрьның 2025.

Шөлүлгелер

Дөзү – «https://tyv.ruwiki.ru/w/index.php?title=Тыва_Республиканың_культура_яамызы&oldid=340324»