Куренков Александр Вячеславович

Рувики деп сайттан
РУВИКИ-де ындыг фамилиялыг өске улус дугайында чүүлдер бар Куренков.
Куренков Александр Вячеславович
Emergency Minister Alexander Kurenkov (official portrait).jpg
Флаг
Россияның МЧС сайыды
Флаг
с 2022 чылдың май 25
(и. о. 2024 чылдың май 7-13)
Чазак Баштыңы Михаил Мишустин
Президент Владимир Путин
Ооң мурнунда Евгений Зиничев
Александр Чуприян (и. о.)
Төрүттүнген хүнү 1972 июньнуң 2(1972-06-02) (54 года)
Москва облазы, РСФСР, ССРЭ
Эртеми

1. Москваның күрүнениң күш-культура академиязы (МГАФК)
2. Москваның психология болгаш социология институду (МПСУ)

3. Россия Федерациязының Чепсектиг күштериниң чиңгине штавының шериг академиязы (ВАГШ ВС РФ)
Шаңналдары
Военная служба
Ажылдаан чылдары 1999 — амгы үе
Шериг кезээ Россия Россияның ФСБ
Россия Россияның ФСО
Россия Росгвардия
Россия Россияның МЧС
Эргези Генерал-полковник
Логотип РУВИКИ.Медиа Куренков Александр Вячеславович

Александр Вячеславович Куренков (төр. 1972 июньнуң 2, Софрино[d], Москва облазы[d], Софрино суур, Москва облазы, РСФСР, ССРЭ) — Россияның күрүне ажылдакчызы. 2022 чылдың май 25-тен Хамааты камгалал, онза байдалдар болгаш бойдус халаптарының уржуктарын чайладыр херектер талазы-биле сайыт (2024 чылдың май 7-13), генерал-полковник (2025)[1]. 2022 чылдың май 30-ден Россия Федерациязының Айыыл чок чорук чөвүлелиниң кежигүнү[2].

Допчу намдары

Александр Куренков Москва облазынга Софрино суурга төрүттүнген. 1998 чылда Москваның күрүнениң күш-культура академиязын база 2004 чылда Москваның психология болгаш социололгия институдун, 2021 чылда Россия Федерациязының Чепсектиг күштериниң чиңгине штавының шериг академиязының чанында дээди курстарны дооскаш, генерал-майор деп шериг атты чедип алган[3][4].

Куренков Москваның 312 дугаар школазынга күш-культура башкылап ажылдап турган (1995—1999). 1999 чылда Күрүнениң айыыл чок чорук органнарынче ажылдап кирген. ФСБ-ге (1999—2002) болгаш Федералдыг камгалал албанынга (2002—2021; ылаңгыя премьер-министр Виктор Зубковтуң камгалалынга) ажылдап турган. Сөөлзүредир Росгвардияже шилчип келгеш, баштай дузалакчы, ооң соонда албан чериниң удуртукчузу Виктор Золотовтуң оралакчызы турган (2021—2022)[5]. Аңаа ажылдакчыларның дайынчы белеткели-биле холбашкан айтырыгларны база харыылап турган. РБК-ның медээлери-биле, ол 2015 чылдан эгелеп, Владимир Путинниң адъютантызы, сөөлзүредир — улуг адъютант албан-дужаалга ажылдап турган[6].

2022 чылдың май 23-те Россияның президентизи Куренковту Хамааты камгалал, онза байдалдар болгаш бойдус халаптарының уржуктарын чайладыр херектер талазы-биле сайыт кылдыр томуйлаарын саналдаан. Күрүне баштыңының парлалга секретары Дмитрий Песковтуң чугаазы-биле алырга, «кандидатураны шилип алырынга Путин Куренковту боду эки билири салдарлыг болган. Күрүне баштыңының бодалы-биле алырга, Куренковтуң хуу, албан, профессионал шынарлары ол хүлээлгелерни эң эки күүседир арганы бээр»[7]. Куренковтуң кандидатуразын Федерация Чөвүлели май 25-те деткээн болгаш ол-ла хүн президентиниң чарлыы-биле ону сайыт кылдыр томуйлаан[8].

2024 чылдың май 14-те Чаа чазак тургустунганы-биле Куренковту РФ-тиң МЧС баштыңы албан-дужаалче катап олурткан[9].

2022 чылдың май 30-ден Россия Федерациязының Айыыл чок чорук чөвүлелиниң кежигүнү[10].

2022 чылдың июнь 2-де Куренковка генерал-лейтенант деп шериг атты тывыскан.

2022 чылдың октябрь 21-ден Куренков — Россия Федерациязының чазаанда Чепсектиг күштерниң, өске-даа шериглерниң, шериг кезектериниң болгаш органнарның хереглелдерин хандырар талазы-биле дүүштүрүлге чөвүлелиниң кежигүнү[11].

АКШ, Евроэвилел, Великобритания, Швейцария, Австралия болгаш Чаа Зеландияныӊ санкцияларының адаанда турар.

2025 чылдың июнь 4-те Владимир Путин Онза байдалдар яамызының баштыңы Александр Куренковка генерал-полковник шагдаа эргени тывыскан[1].

Өг-бүлези

Александр Куренков 2019 чылда өгленген. Өөнүң ишти Елена Игоревна Мильская (1980 чылда төр.) — «Читкен болгаш когараан уругларга дуза көргүзер национал төптүң» харагалзал чөвүлелиниң даргазы, «Ыдыктыг Василий» Фондунуң вице-президентизи (чиңгине директору).

Шаңналдары


• II чергелиг «Ада-чурт мурнунга ачы-хавыяазы дээш» орденниң медалы (2015).
• Суворовтуң медалы.
• «Тускай даалгалар күүседиринге шылгарал дээш» медаль (ФСО).
• «Дайынчы шылгарал дээш» медаль (ФСО).
• I, II болгаш III чергениң «Шериг албанынга шылгарал дээш» медальдары (ФСО).
• «Күрүнениң айыыл чок чорук органнарынга 100 чыл» медаль (ФСО).
• «Россияның күрүне камгалалының органнарынга 125 чылы» медаль (ФСО).
• «Россияның ФСО-га лбан-хүлээлгези дээш» хөрек демдээ.
• «Крымның эглип келгени дээш» медаль.
• «Данк» орден (2023, Кыргызстан)[12].
• «Астрахань облазының мурнунга ачы-хавыяазы дээш» орденниң медалы (2024 декабрь 12) — Астрахань облазының девискээринге хамааты камгалалының, чурттакчы чонну болгаш девискээрлерни бойдус болгаш техногенниг байдалдыг онза байдалдардан камгалаарының, өртке удур айыыл чок чорукту болгаш суг объектилеринге кижилерниң айыыл чок чоруун хандырарының талазы-биле күрүне политиказын боттандырарынга дээштиг дузалашканы дээш.

Демдеглелдер

  1. ↑ 1 2 Путин присвоил главе МЧС Куренкову звание генерал-полковника (2025-06-04). Хынаан 4 июньнуң 2025.
  2. ↑ Энциклопедия ТАСС, 2024. Куренков Александр Вячеславович
  3. ↑ Путин предложил на пост главы МЧС экс-сотрудника ФСО. Хынаан ай-хүнү: 23 майның 2022. Архивтээн 23 майның 2022 года.
  4. ↑ Появились подробности о возможном кандидате на пост главы МЧС России. Хынаан ай-хүнү: 23 майның 2022. Архивтээн 23 майның 2022 года.
  5. ↑ В Госдуме уточнили биографию кандидата на пост главы МЧС Куренкова. Хынаан ай-хүнү: 23 майның 2022. Архивтээн 23 майның 2022 года.
  6. ↑ РБК, 23 мая 2022. Путин предложил на пост главы МЧС экс-сотрудника ФСО
  7. ↑ Песков: Путин хорошо знает предложенного на пост главы МЧС Александра Куренкова. Хынаан ай-хүнү: 24 майның 2022. Архивтээн 24 майның 2022 года.
  8. ↑ Александр Куренков назначен главой МЧС. Хынаан ай-хүнү: 25 майның 2022. Архивтээн 25 майның 2022 года.
  9. ↑ Президент подписал указы о назначении членов Правительства Российской Федерации и директоров служб. kremlin.ru (14 майның 2024). Хынаан ай-хүнү: 14 майның 2024.
  10. ↑ Указ Президента Российской Федерации от 30.05.2022 № 327 «О внесении изменения в состав Совета Безопасности Российской Федерации, утверждённый Указом Президента Российской Федерации от 25 мая 2012 г. № 715». Хынаан ай-хүнү: 8 июньнуң 2022. Архивтээн 4 июньнуң 2022 года.
  11. ↑ Указ Президента Российской Федерации от 21.10.2022 № 763 «О Координационном совете при Правительстве Российской Федерации по обеспечению потребностей Вооруженных Сил Российской Федерации, других войск, воинских формирований и органов»
  12. ↑ Садыр Жапаров наградил главу МЧС России орденом "Данк" — фото. Хынаан ай-хүнү: 17 октябрьның 2023. Архивтээн 17 октябрьның 2023 года.

Шөлүлгелер

Дөзү – «https://tyv.ruwiki.ru/w/index.php?title=Куренков_Александр_Вячеславович&oldid=339685»