Лут Оксана Николаевна

Рувики деп сайттан
РУВИКИ-де ындыг фамилиялыг өске улус дугайында чүүлдер бар Лут.
Оксана Николаевна Лут
Оксана Лут.jpg
Флаг
Россия Федерациязының көдээ ажыл-агый сайыды
Флаг
с 2024 чылдың май 14
Глава правительства Михаил Мишустин
Президент Владимир Путин
Предшественник Дмитрий Патрушев
Флаг
Россия Федерациязының көдээ ажыл-агый сайыдының 1-ги оралакчызы
Флаг
с 2021 чылдың декабрь 30
Глава правительства Михаил Мишустин
Президент Владимир Путин
Төрүттүнген хүнү 25 февраль 1979(1979-02-25) (46 хар)
Москва, ССРЭ
Эртеми Россия Федерациязының Чазааның чанында саң-хөө академиязы
Шаңналдары

Оксана Николаевна Лут (1979 чылдың февральдың 25) — российжи политик. 2024 чылдың май 14-тен тура Россия Федерациязының көдээ ажыл-агый сайыды[1].

2018 чылдың июльдан 2021 чылдың декабрьга чедир Россия Федерациязының көдээ ажыл-агый сайыдының оралакчызы, 2021 чылдың декабрьның 30-ден тура Россия Федерациязының көдээ ажыл-агый сайыдының 1-ги оралакчызы[2].

Допчу намдары

[эдер | вики-сөзүглелди эдер]

Оксана Лут 1979 чылдың февраль 25-те Москвага төрүттүнген[2].

Оксана Лут 2001 чылда Россия Федерациязының Чазааның чанында саң-хөө академиязының саң-хөө болгаш кредит талазы-биле мергежилдиг дооскан[3].

1999 чылдың апрельден 2000 чылдың августка чедир банкы организацияларынга янзы-бүрү албан-дужаалдарынга ажылдап чораан[2].

2000 чылдың сентябрьдан 2003 чылдың апрельге чедир — Банкының ажылчын органнарының күүсекчи секретариадының кредит болгаш келир үениң продукция килдизиниң экономизи, «Альфа-Банк» ААО-нуң Регионалдыг бизнес-чээли департаментизиниң салбыр банкыларының чээли бизнести хөгжүдер килдизиниң улуг экономизи.

2003 чылдың апрельден 2010 чылдың январьга чедир Лут кол экономист болгаш ажыл-агыйлар аразының корпоративтиг бизнести хөгжүдер департаментизиниң менеджери турган; Корпоративтиг блоктуң улуг клиентилери-биле ажылдаар ийиги департаментиниң удуртукчу директору; Инвестиция блогунуң Инвестиция ажыл-чорудулгазы болгаш ачы-дуза албан чериниң удуртукчу директору; Ийиги корпоративтиг блоктуң улуг клиентилери-биле ажылдаар үшкү департаментиниң удуртукчу директору; «ВТБ Банк» ААО-нуң Тудуг төлевилелдериниң акшаландырыышкынын организастаар департаментиниң удуртукчу директору[4].

2010 чылдың январьдан октябрьга чедир — Инвестиция программаларының департаментизиниң эргелекчизи; «Ростех» күрүне корпорациязының Инвестиция төлевилелдериниң эргелелиниң кол эвес активтер албанының начальниги.

2010 чылдың октябрьдан 2018 чылдың июльга чедир — клиентилер-биле харылзаа департаментизиниң директору; Корпоративтиг бизнести хөгжүдер департаментиниң директору; Улуг бизнес департаментизиниң директору; «Россельхозбанк» ААН-ның удуртукчулар чөвүлелиниң оралакчызы.

2018 чылдың июль 13-тен 2021 чылдың декабрьга чедир — РФ-тиң көдээ ажыл-агый сайыдының оралакчызы[3].

Лут 2021 чылдың декабрь 30-ден эгелеп Россия Федерациязының көдээ ажыл-агый сайыдының бирги оралакчызы[2]. Ол бо албан-дужаалга Джамбулат Хатуовту солаан[5].

2024 чылдың май 11-де Россияның Чазааның Даргазы Михаил Мишустин Россия Федерациязының Көдээ ажыл-агый сайыдының албан-дужаалынга Луттуң кандидатуразын саналдаан[6]. Май 14-те Күрүне Думазы ооң кандидатуразын бадылаан[7], ол-ла хүн Россияның Президентизи томуйлаарының дугайында айтыышкынга атты салган[8].

Хууда чуртталгазы

[эдер | вики-сөзүглелди эдер]

Оксана Лут өг-бүлелиг. Өөнүң ээзи: Андрей Лебедев, юрист. Өг-бүледе үш ажы-төл бар[9].

Бодалдар

[эдер | вики-сөзүглелди эдер]

РФ-тиң Чазааның Даргазы пресс-секретары Борис Беляковтуң чугаалааны-биле алырга, Лут «яамының удуртукчузунуң харыысалгалыг албан-дужаалынга ажылдаарынга херек билиглерлиг болгаш арга-дуржулгалыг»[6].

Күрүне Думазының даргазы Вячеслав Володин Оксана Луттуң көдээ ажыл-агый сайыдының бирги оралакчызы кылдыр чедиишкиннерин демдеглеп, ооң сайыт албан-дужаалынга кииргени логиктиг базым деп саналын илереткен[10].

Шаңнал-макталдары

[эдер | вики-сөзүглелди эдер]
  • II-ги чаданың «Ада-чурт мурнуга ачы-хавыяазы дээш» орденниң медалы (25.10.2021) — чедиишкинниг күш-ажыл чедиишкиннери болгаш хөй чылдарда шынчы ажылы дээш[11]
  • Россия Федерациязының Президентизиниң хүндүлүг бижии (26.10.2015) — Россия Федерациязының саң-хөө болгаш банк ажыл-чорудулгазының хөгжүлдезинге ачы-дузазы дээш[2]

Демдеглелдер

[эдер | вики-сөзүглелди эдер]
  1. ↑ Постановление Государственной Думы Федерального Собрания Российской Федерации от 14.05.2024 № 6077-8 ГД "Об утверждении Лут Оксаны Николаевны Министром сельского хозяйства Российской Федерации". Официальное опубликование правовых актов (2024-05-14).
  2. ↑ 1 2 3 4 5 Лут Оксана Николаевна (RU). Министерство сельского хозяйства Российской Федерации (2017-01-20).
  3. ↑ 1 2 Оксана Лут: биография (ru). Росконгресс.
  4. ↑ Что известно об Оксане Лут. ТАСС (2024-05-14).
  5. ↑ Оксану Лут назначили первым замминистра сельского хозяйства (ru). РИА Новости (2021-12-24-).
  6. ↑ 1 2 Мишустин предложил замглавы Минсельхоза Оксану Лут на пост руководителя ведомства (ru). TACC (2024-05-11).
  7. ↑ Госдума утвердила Оксану Лут на должность главы Минсельхоза. РИА Новости (2024-05-14).
  8. ↑ Президент подписал указы о назначении членов Правительства Российской Федерации и директоров служб. kremlin.ru (2024-05-14).
  9. ↑ Оксана Лут. 24СМИ.
  10. ↑ Володин назвал логичным предложение Лут на должность главы Минсельхоза. РИА Новости (2024-05-12).
  11. ↑ Указ Президента Российской Федерации от 25.10.2021 г. № 596 О награждении государственными наградами Российской Федерации. kremlin.ru (2021-10-25).

Шөлүлгелер

[эдер | вики-сөзүглелди эдер]
Дөзү – «https://tyv.ruwiki.ru/w/index.php?title=Лут_Оксана_Николаевна&oldid=177010»