Решетников Максим Геннадьевич

Рувики деп сайттан
Максим Геннадьевич Решетников
Maxim Reshetnikov 2021-04-24.jpg
Флаг
Россия Федерациязының экономиктиг хөгжүлде сайыды
Флаг
с 2020 чылдың январь 21
(и. о. 2024 чылдың май 7-13)
Чазак Баштыңы Михаил Мишустин
Андрей Белоусов (и. о.)
Михаил Мишустин
Президент Владимир Путин
Ооң мурнунда Максим Орешкин
Флаг
Пермь крайның 3-кү губернатору
(врио 2017 чылдың февраль 6 - сентябрь 18)
Флаг
2017 чылдың сентябрь 18 — 2020 чылдың январь 21
Ооң мурнунда Виктор Басаргин
Ооң соонда Дмитрий Махонин
Төрүттүнген хүнү 1979 июльдуң 11(1979-07-11) (47 лет)
Намы Чаңгыс демниг Россия
Эртеми Пермьниң күрүне университеди
Эртем чадазы экономика эртемнериниң кандидады (2003)
Шаңналдары
Ажыл чери Россия Федерациязының экономиктиг хөгжүлде яамызы
Логотип РУВИКИ.Медиа Решетников Максим Геннадьевич

Максим Геннадьевич Решетников (төр. 1979 июльдуң 11, Пермь[d]) — Россияның күрүне ажылдакчызы. 2020 чылдың январь 21-ден Россия Федерациязының экономиктиг хөгжүлде сайыды[1].

Ооң мурнунда 2017 чылдың сентябрь 18-тен 2020 чылдың январь 21-ге чедир Пермь крайның губернатору турган. РФ-тиң күрүнениң бүрүн чөвүлекчизи III класстың (2010). «Чаңгыс демниг Россия» политиктиг партияның дээди чөвүлелиниң кежигүнү[1].

Допчу намдары

Максим Решетников 1979 чылдың июль 11-де Пермьге  (орус) (тыв. төрүттүнген.

Эртеми

Перьмниң 17-ги школа-гимназиязын дооскан. Школа соонда Пермь хоорайның күрүне университединге экономиктиг кибернетика кафедразынче өөренип кирген[2]. 2000 чылда университетти «экономист-математик», 2002 чылда «лингвист-очулдурукчу» деп мергежилдиг дооскан.

2003 чылда Л. С. Портнойнуң удуртулгазы-биле «Регион экономиказын саң-хөө агымнарынга даянып башкарары: принциптер болгаш модельдер (Пермь областың чижээнге)» деп темага экономика эртемнериниң кандидады эртем чадазын камгалап алган[3][4][5][6].

Ажыл-чорудулгазы

1998—2002 чылдарда Решетников ЗАО «Прогноз» компаниязынга кол специалист, проектилер удуртукчузу бооп ажылдап турган[7].

2000—2005 чылдарда Решетников бюджет орулгаларын болгаш чарыгдалдарын планнаар килдистиң начальнигинге, регионалдыг саң-хөө болгаш инвестиция килдизиниң начальнигинге, Пермь облазының администрациязының экономиканың кол эргелелиниң начальнигиниң оралакчызынга ажылдаан[8].

2005—2007 чылдарда Решетников Пермь областың планнаашкын департаментизиниң даргазының бирги оралакчызы, Пермь крайның губернаторунуң администрациязының удуртукчузунуң бирги оралакчызы[7][8].

2007—2009 чылдарда бюджеттер аразында хамаарылгалар департаментизиниң директорунуң оралакчызы, Россияның регионалдыг хөгжүлде яамызының РФ-тиң субъектилериниң күрүне эрге-чагырга органнарының ажыл-чорудулгазының дээштиинге мониторинг болгаш үнелел департаментизиниң директору[7][8].

2009 чылдың апрель 14-тен октябрь 12-ге чедир — Пермь крайның губернаторунуң администрациязының удуртукчузу[7][8]. Ол үеде Россияның президентизи Дмитрий Медведевтиң  (орус) (тыв. кадр курлавырының бирги чүс одуруунче ол-ла чылын кирген[7][9].

2009—2010 чылдарда Решетников — РФ-тиң xазааның аппарадының күрүне эргелеп-башкарылгазының, регион сайзыралының болгаш тус чер бот-башкарылгазының департаментизиниң директору[7], ону ынчан Сергей Собянин  (орус) (тыв. удуртуп турган.

2010 чылда, Собянинни Москваның мэринге томуйлаан соонда, Решетников найысылал чазаанче ажылдай берген. Москваның мэриниң болгаш чазааның аппарадының удуртукчузунуң бирги оралакчызы[8].

2012—2017 чылдарда Решетников — Москваныӊ чазааныӊ сайыды, Москва хоорайныӊ экономиктиг политика болгаш сайзырал департаментизиниӊ удуртукчузу[8].

Пермь крайның губернатору

Евгений Куйвашев болгаш Максим Решетников Демир-орукчулар съездизинде, 2017 чылдың ноябрь 29

2017 чылдың февраль 6-да Россияның президентизи Владимир Путинниң чарлыы-биле Решетников Пермь крайның губернаторунуң хүлээлгезин түр када (соңгулдаларга чедир) күүседир кылдыр томуйлаткан[10].

2017 чылдың июнь 14-те Решетников «Чаңгыс демниг Россия» партиядан губернатор соңгулдаларынга албан-ёзузунуң кандидады апарган. Сентябрь 10-да 82,06 % соңгукчуларның үнүн алгаш, соңгулдага тиилээн[11]. 2017 чылдың сентябрь 18-те Пермь крайның губернатору албан-дужаалче кирген[12].

2017 чылдың декабрьда Решетников «Чаңгыс демниг Россия» партиязынче кирген[13]. 2018 чылдың декабрь 8-те «Чаңгыс демниг Россия» партияның XVIII съездизиниң делегаттарының хүлээп алган шиитпиринге үндезилээш, Решетников Партияның дээди совединиң составынче кирген[14].

2018 чылдың июль 18-тен 2019 чылдың январь 28-ке чедир Решетников — РФ-тиң күрүне чөвүлелиниң президиумунуң кежигүнү[15][16].

Россияның чазаанга

Владимир Путин-биле ужуражылга үезинде, 2021 чылдың февраль 4

2020 чылдың январь 21-де Россияның Президентизиниң чарлыы-биле РФ-тиң экономиктиг хөгжүлде сайыдының албан-дужаалынга томуйлаткан, ол-ла чарлык-биле Пермь крайның губернатору албан-дужаалдан бодунуң күзели-биле халашкан[17].

Решетников «Российская венчурная компания» акционерлиг ниитилелдиң директорлар чөвүлелиниң (2020 чылдың марттан), «Биче болгаш ортумак сайгарлыкчы чорукту сайзырадыр талазы-биле федералдыг корпорация» акционерлиг ниитилелдиң директорлар чөвүлелиниң (МСП Корпорациязы, 2020 чылдың апрельден эгелеп) даргазы. «Россияның демир-оруктары» ажык акционерлиг ниитилелдиң директорлар чөвүлелиниң (2020 чылдан), Россияның Почтазының (2020 чылдың декабрьдан) кежигүнү, Россияның дорт инвестиция фондузунуң башкарыкчы компаниязының (2020 чылдың апрельден), ВТБ (2020 чылдың сентябрь-ден)хайгааракчы чөвүлелдериниң кежигүнү[18].

2020 чылдың май 12-ден Россияның президентизиниң Япония-биле садыг-экономиктиг кады ажылдажылга айтырыгларының талазы-биле тускай төлээзи[19][1].

2021 чылдың март 29-тан эгелеп, президентиниң чарлыы-биле Европейжи чаартылга болгаш хөгжүлде банкызының (ЕБРР) Россиядан башкарыкчызы кылдыр томуйлаткан[1].

2024 чылдың май 14-те чаа чазакты тургузарда Решетниковту Россия Федерациязының экономиктиг хөгжүлде сайыды албан-дужаалче Күрүне Думазы эде бадылаан[20][21][1].

Шаңналдары

  • «Ада-чурт мурнунга ачы-хавыяазы» ордениниң II чергезиниң медалы (2016)[22];
  • Найырал ордени[1];
  • Россия Федерациязының чазааның хүндүлел бижии[8];
  • Россия Федерациязының Президентизиниң өөрүп четтириишкини[1].

Өг-бүлези

Максим Решетников өг-бүлелиг. Өөнүң ишти — Анна Пермьниң күрүне университединиң доозукчузу. Өг-бүле үш ажы-төлдүг: ийи кыстыг, бир оолдуг[23].

Сонуургалдары

Социал четкилерге хандыкшылды ажылчын ажыл-чорудулга-биле каттыштырар. Пермь крайның чурттакчы чонундан кээп турар айтырыгларга соцчеткилерде харыы берген дорт эфирлерни доктаамал чорудуп турар.

Демдеглелдер

  1. ↑ 1 2 3 4 5 6 7 Энциклопедия ТАСС, 2024. Решетников, Максим Геннадьевич. Министр экономического развития РФ. tass.ru. Хынаан ай-хүнү: 25 августуң 2025.
  2. ↑ На звёздах систему не построишь. Максим Решетников считает, что нужны профессионалы-ремесленники. Газета «Вечерняя Москва» (10 ноябрьның 2014). Хынаан ай-хүнү: 25 августуң 2025. Архивтээн дөзү оригинала 8 февральдың 2017 чылда.
  3. ↑ Научный руководитель нового губернатора Прикамья: «Я знаю его как патологического трудоголика». 59.ru (6 февральдың 2017). Хынаан ай-хүнү: 25 августуң 2025. Архивтээн 7 февральдың 2017 года.
  4. ↑ Многодетный отец, трудоголик, миллионер: что мы знаем о новом главе Прикамья. 59.ru (7 февральдың 2017). Хынаан ай-хүнү: 25 августуң 2025.
  5. ↑ Биография губернатора Пермского края Максима Решетникова. tass.ru. Хынаан ай-хүнү: 25 августуң 2025. Архивтээн 27 январьның 2019 года.
  6. ↑ Максим Геннадьевич Решетников Управление экономикой региона на основе финансовых потоков: принципы и модели: На примере Пермской области (орус). — 2003. Архивировано из первоисточника 27 январьның 2019.
  7. ↑ 1 2 3 4 5 6 Максим Решетников (рус.). www.business-class.su. Хынаан ай-хүнү: 25 августуң 2025. Архивтээн 5 сентябрьның 2019 года.
  8. ↑ 1 2 3 4 5 6 7 Решетников Максим Геннадьевич (рус.). economy.gov.ru. Министерство экономического развития Российской Федерации. Хынаан ай-хүнү: 25 августуң 2025. Архивтээн 17 марттың 2020 года.
  9. ↑ Чем известен Максим Решетников // Коммерсантъ. Архивировано из первоисточника 12 апрельдиң 2020.
  10. ↑ Дмитрий Медведев расспросил губернатора Пермского края о прямых эфирах в Instagram. Хынаан ай-хүнү: 25 августуң 2025. Архивтээн 6 февральдың 2017 года.
  11. ↑ Избирательная комиссия утвердила итоги голосования по выборам губернатора Пермского края. permkrai.izbirkom.ru. Хынаан ай-хүнү: 25 августуң 2025. Архивтээн дөзү оригинала 27 январьның 2019 чылда.
  12. ↑ Инаугурация Максима Решетникова. permnews.ru. Хынаан ай-хүнү: 25 августуң 2025. Архивтээн 27 январьның 2019 года.
  13. ↑ Губернатор Пермского края Максим Решетников вступил в Партию. permkrai.er.ru (22 декабрьның 2017). Хынаан ай-хүнү: 25 августуң 2025. Архивтээн 27 январьның 2019 года.
  14. ↑ Ротация в составе Высшего Совета «Единой России» составила 16%. er.ru (8 декабрьның 2018). Хынаан ай-хүнү: 25 августуң 2025. Архивтээн 27 марттың 2019 года.
  15. ↑ Распоряжение Президента Российской Федерации от 18.07.2018 г. № 192-рп «О президиуме Государственного совета Российской Федерации». Хынаан ай-хүнү: 25 августуң 2025. Архивтээн 25 марттың 2020 года.
  16. ↑ Распоряжение Президента Российской Федерации от 28.01.2019 г. № 23-рп «О президиуме Государственного совета Российской Федерации». Хынаан ай-хүнү: 25 августуң 2025. Архивтээн 11 августуң 2020 года.
  17. ↑ Подписаны указы о назначении министров Правительства Российской Федерации (рус.). kremlin.ru. Хынаан ай-хүнү: 25 августуң 2025. Архивтээн 30 январьның 2022 года.
  18. ↑ Решетников, Максим Геннадьевич. ТАСС. Хынаан ай-хүнү: 25 августуң 2025.
  19. ↑ Указ Президента Российской Федерации от 12.05.2020 № 320 «О специальном представителе Президента Российской Федерации по вопросам торгово-экономического сотрудничества с Японией». Хынаан ай-хүнү: 25 августуң 2025. Архивтээн 22 майның 2020 года.
  20. ↑ Госдума утвердила Решетникова министром экономического развития. РИА "Новости" (14 майның 2024). Хынаан ай-хүнү: 25 августуң 2025.
  21. ↑ Президент подписал указы о назначении членов Правительства Российской Федерации и директоров служб. kremlin.ru (14 майның 2024). Хынаан ай-хүнү: 25 августуң 2025.
  22. ↑ Указ Президента Российской Федерации от 20.09.2016 г. № 481 (рус.). kremlin.ru. Хынаан ай-хүнү: 25 августуң 2025. Архивтээн 22 январьның 2019 года.
  23. ↑ Елена Третьякова. И. о. губернатора Пермского края Максим Решетников вышел в свет с супругой (орус), «Комсомольская правда» (2017-03-09). Архивтээн 2017 майның 8. Хынаан 25 августуң 2025.

Шөлүлгелер

Дөзү – «https://tyv.ruwiki.ru/w/index.php?title=Решетников_Максим_Геннадьевич&oldid=339754»