Чоргаарланыр мен
| Чоргаарланыр мен | |
|---|---|
| Я горжусь | |
 | |
| Организацияның хевири | каттыжылга[d] |
| Үндезилеттингени | |
| Дата основания | 2021 |
| Сайтызы | ягоржусь.рус |
«Чоргаарланыр мен» (орус. Я горжусь) — «Өөредилге» национал төлевилелдиң «РФ-тиң хамаатыларының патриотчу кижизидилгези» федералдыг төлевилел чорудуунуң аайы-биле 2021 чылда үндезилеттинген студент патриотчу клубтар каттыжылгазы.
Төөгүзү
2021 чылда Россияның өөредилге болгаш эртем яамызынга «Я горжусь» (тыв. Чоргаарланыр мен) деп Студентилерниң патриотчу клубтар каттыжылгазының бирги төлээлери-биле дугуржулгаларга ат салыр ёзулал болуп эрткен. Клубтарның ажылының үндезини кижизидилге ажылы болур: сургуулдарның патриотчу угаан-медерелин, төрээн чуртунга ынакшылын, чурттуң келир үези дээш хүлээлге болгаш харыысалга сагыш-сеткилин хевирлээри[1].
2021 чылда клубтар Россияның 20 дээди өөредилге черлеринге ажылдап эгелээн. 2024 чылда оларның саны 400 ашкан[2]. Клубтар идепкейжи хамааты туруштуг студентилерден тургустунган. Клубтарның баазазында янзы-бүрү хемчеглер эртип турар, оларның сорулгазы — чурттуң төөгүзүн өөренип, Ада-чуртунга бараан болурунуң идеалын кижизидери, российжи культураны болгаш ёзу-чаңчылдарны кадагалап, ону көвүдедири, чаңчылчаан сагыш-сеткил мөзү-шынаырның үнелиг чүүлдерин быжыглаары[3].
2024 чылда РФ-тиң өөредилге яамызының шиитпири-биле Каттыжылганың удуртукчузунга Россияның политологтар ниитилелиниң аныяктар салбырының президиум даргазы, «Дигория» эксперт клувунуң кежигүнү Никита Зинковту томуйлаан[4]. Ассоциацияның ажылын сайыттың оралакчызы Ольга Петрова удуртуп турар[5].
Эрткен чылда эң идепкейлиг болган клубтарның 300 удуртукчузу болгаш аныяктар-биле ажылды харыылап турар российжи политиктер киржип турган «Чоргаарланыр мен» каттыжылганың түңнел конгрези 2024 чылдың декабрьда эрткен. Конгресске киржикчилер арга-дуржулга солчуп, патриотчу ажыл-чорудулганың чаа форматтарын ажылдап кылган[6].
Ажыл-чорудулгазының үнелели
Студентилерниң эң-не идепкейлиг каттыжыышкыннарын илередип деткиири-биле клубтарның рейтингизин тургускан. Рейтингини квартал санында чаартып турар, ол бүдүн чыл дургузунда клубтарның ажылын хайгаараар арганы берип турар. Рейтингини беш критерий-биле үнелээр[7]:
• Эрттирген хемчеглериниң саны;
• Клубтуӊ киржикчилериниӊ саны болгаш киржилгезиниӊ өзүлдези;
• Эштежилге болгаш хоорай акцияларынга киришкени;
• Парлалгалар болгаш медиа талазы-биле идепкейжи болганы;
• Өске клубтар болгаш организациялар-биле кады ажылдажылганың деңнели.
Критерий бүрүзү дээш тодаргай санныг баллдарны санаар. Эң эки көргүзүглерлиг клубтар түңнел конгресске киржир.
Демдеглелдер
- ↑ В России создана Ассоциация студенческих патриотических клубов «Я горжусь». Минобрнауки России (30 августуң 2021). Хынаан ай-хүнү: 27 августуң 2025.
- ↑ Главная. Ассоциация студенческих патриотических клубов. Хынаан ай-хүнү: 27 августуң 2025.
- ↑ Патриотический клуб "Я Горжусь" (рус.). Дипломатическая академия МИД России. Хынаан ай-хүнү: 27 августуң 2025.
- ↑ В Москве обсудили работу студенческих патриотических клубов "Я горжусь". Хынаан 27 августуң 2025.
- ↑ Ассоциация студенческих клубов «Я горжусь» возобновит свою деятельность (2024-08-21). Хынаан 27 августуң 2025.
- ↑ 23 декабря в Подмосковье состоялось открытие Итогового конгресса Ассоциации студенческих патриотических клубов «Я горжусь». Ассоциация студенческих патриотических клубов. Хынаан ай-хүнү: 27 августуң 2025.
- ↑ Рейтинг "Я горжусь". Ассоциация студенческих патриотических клубов. Хынаан ай-хүнү: 27 августуң 2025.
Россияның патриотчу төлевилелдери | |
|---|---|
| РФ-тиң хамаатыларының патриотчу кижизидилгези | |
| Бот-тускайлаң төлевилелдер | |
