Маадырларның чурту
| Маадырларның чурту | |
|---|---|
 | |
| Специализация | литературлуг патриотчу төлевилел |
| Үнүп турары | ай санында |
| Дылы | орус |
| Кол редактору | Нина Владимировна Тонких |
| Чурт |
 |
| Үндүрүп турар чери | КХН «Земля Героев» |
| Тургустунган чылы | 2022 |
| Веб-сайт | землягероев.рус |
«Маадырларның чурту» (орус. Земля Героев) — Россияның чурттакчыларының ажыл-чорудулгазының хевиринден хамаарылга чокка аңгы-аңгы салгалдарның болгаш үелерниң маадырлыг чоруктарының дугайында уругларга болгаш элээдилерге ай санында үнүп турар литературлуг сеткүүл. Төлевилелдиң сорулгазы — төөгүлүг сактыышкынны кадагалап патриотчу чорукту кижизидери.
Иркутскиден энтузиаст Александр Тулугоев сеткүүлдү чогаадып кылган. Бирги үндүрүлгези 2022 чылда үнген.
Төөгүзү
Патриотчу сеткүүлдү үндүрериниң эгелекчизи Иркутск облазының Социал-багай болуушкуннарга удур хөделиишкин хөй-ниити организациязының даргазы Александр Тулугоев болган[1]. Ындыг төлевилелди тургузар дээн бодал дугайында ол мынчаар чугаалаан:
Мээң ажы-төлүмде ёзулуг чогааттынмаан маадырлыг чоруктарның чижектери чок деп чүүлдү эскерип сеткүүлдү тургузар бодал меңээ тыптып келген. Суперменнер болгаш Демир кижилерниң комикстеринге ажы-төлүм кижизидер хөңнүм чогун билдим. Ооң байлак төөгүзү-биле бистиң улуг чуртувуста деңнежип болгу дег боттуг маадырлары дыка хөй.
2022 чылдың январьда Тулугоев чаңгыс үзел-бодалдыг специалистерни дилеп эгелээн. Эге чадазында ол сеткүүлдү хуу акша-хөреңги-биле акшаландырып турган болза, сөөлзүредир аңаа деткикчилерни хаара туткан. Забайкалье крайның Агинск-Бурят округунуң чагыргазы төлевилелди деткээн[2].
Бирги үндүрүлгези 2022 чылдың июньда үнген. Баштайгы дээрезинде сеткүүлдү «АС биле Мен — Маадырларның чурту» дээр турган. «АС» кандыг-даа ажыл-чорудулга адырынга профессионал маадырны, а «Мен» маадырлар дугайында чугааларны номчуп олургаш, болуушкуннарга сагыш човап, бодунуң сагыш-сеткилин өттүр эрттирип тургаш номчаан соонда экижип орар номчукчуну айтып каан. Сөөлзүредир атты «Маадырларның чурту» деп эде адаан[1].
Сеткүүлдүң онзагайы регионнар деңнелинде информация чыылдазы. Үндүрүлгеде чүгле чурттуң хемчээлинде маадырлыг чоруктарны эвес, а тус черниң маадырларының дугайында чугаалап турар[3].
2024 чылдан эгелеп, сеткүүлче чагыдылганы «Почта России» болгаш ООО «УРАЛ-ПРЕСС Округ» таварыштыр кылып болур апарган. Сеткүүлдүң саазын азы электроннуг хевирин үндүрүлгениң сайтызындан садып ап болур. Сеткүүлдү библиотекалар школалар культура төптери онлайн-платформалар таварыштыр база тарадып турар[4].
2022 чылдан эгелеп, КХН «Маадырлар чурту» Президентиниң культурлуг эгелээшкиннер фондузунуң мөөрей бүрүзүнге чагыгларны киирип турар[5].
Сеткүүл 6 хардан өрү назылыг уруглар болгаш аныяктарга, а ол ышкаш оларның ада-иелеринге болгаш башкыларынга көрдүнген.
Сеткүүлдүң үндүрүлге бүрүзүнде маадырлар дугайында беш төөгү бар Оларны профессионал чогаалчылар уран болбаазырадылгада боттуг болуушкуннарга үндезилеп бижиир. Бирги үндүрүлгеге Самара, Ангарск, Воронеж, Севастополь, пгт «Агинское»-ден авторлар бижээн. Россияның аңгы-аңгы чурттакчылыг суурларының уруглар албан черлеринде чечен чугаалар темазынга уруглар чуруктарының конкурстарын эрттирип, оларның эң-не тергииннери-биле сеткүүлдү каастап турар.
Журналда чечен чугаалардан аңгыда ОБЖ кичээлдери, Россияның чоннарының дылдарында орус дылче очулгалыг шүлүктер, өөредилге-хөглээшкин блогунуң даалгалары кирип турар. Аныяк Маадырның Кодекизин хевирлээр талазы-биле номчукчуларның саналдарын сеткүүл хүлээп алыр[5].
Сеткүүлдүң хемчээли — 72 арын. Айда бир катап үнер.
Сорулгалары
• Национал демдектерни нептередири, маадырларның тураскаалын мөңгежидери.
• Ада-ие комитеттерин болгаш башкылар коллективтерин патриотчу болгаш сагыш-сеткил-мөзү-шынар ажыл-чорудулгазынче хаара тудары.
• Социал харыысалгалыг болгаш эп-чөп-биле сайзыраңгай кижини кижизидери.
• Националдар аразының чөпшээрежилгезин болгаш хамааты бот-тускайлаңын быжыглаары.
«АС биле Мен — Маадырларның чурту» сеткүүлдү үндүрери РФ-тиң президентизи Владимир Путинниң 2021 чылдың июль 2-де үнген «Россия Федерациязының национал айыыл чок чоруунуң стратегиязының дугайында» 400 дугаарлыг чарлыының күүселдезинге идиглиг болган. Россия Федерациязының чаңчылчаан сагыш-сеткил-мөзү-шынарның үнелиг чүүлдерин культуразын болгаш төөгүлүг сактыышкынын камгалаар, бүгү Россияның хамааты бот-тускайлаңынга үндезилээш, Россия Федерациязының чоннарының чаңгыс демин быжыглаар, социал хөгжүлдениң чиңгине ниити кижи принциптерин болгаш ниитилел ужур-дузалыг айтыышкыннарын кадагалаар сорулга-биле боттандырып турар[6].
Демдеглелдер
- ↑ 1 2 АСиЯ - Земля героев. Планета.ру. Хынаан ай-хүнү: 27 августуң 2025.
- ↑ АС и Я - Земля Героев. Ежемесячный журнал для детей и взрослых (июнь 2022). Хынаан ай-хүнү: 27 августуң 2025.
- ↑ Альманах «Земля Героев»: живая память поколений. Журнал "Подъём" (19 октябрьның 2022). Хынаан ай-хүнү: 27 августуң 2025.
- ↑ Подписка на периодический журнал о героях Отечества «АС и Я – Земля героев». Хынаан 27 августуң 2025.
- ↑ 1 2 Земля Героев. Фонд Президентских грантов. Хынаан ай-хүнү: 27 августуң 2025.
- ↑ «АС и Я - Земля героев». Культура СВАО (24 январьның 2024). Хынаан ай-хүнү: 27 августуң 2025.
Россияның патриотчу төлевилелдери | |
|---|---|
| РФ-тиң хамаатыларының патриотчу кижизидилгези | |
| Бот-тускайлаң төлевилелдер | |
