Сактыышкын сесерлии

Рувики деп сайттан
«Сактыышкын сесерлии» деп делегей чергелиг экология-патриотчу акция
Сад Памяти.jpg
Эгелээр ай-хүнү 2020
Сайт садпамяти.рф

«Сактыышкын сесерлии» (орус. «Сад па́мяти») — Ада-чурттуң Улуг дайынынга Тиилелгеге тураскааткан делегей чергелиг экология-патриотчу акция. Акция үезинде Россияда болгаш өске-даа чурттарда Ада-чурттуң Улуг дайынының чылдарында амы-тынындан чарылган кижи бүрүзүнүң тураскаалынга болгаш амгы камгалакчыларга деткимче кылдыр чылдың-на 27 млн ыяшты тарып турар.

Организаторлары

  • АНО «Сад памяти»
  • АНО «Сохраним лес»
  • Бүгү Россияның хөй-ниити шимчээшкини «Тиилелгениң эки турачылары»
  • Тиилелгениң полководчуларының сактыышкын фондузу (орус. Фонд памяти полководцев Победы).

Акцияны «Экология» национал төлевилел чорудуу-биле РФ-тиң бойдус курлавырлары болгаш экология яамызы  (орус) (тыв. биле Арга-арыг ажыл-агыйының федералдыг агентилелиниң деткимчези-биле эрттирип турар. Акция үезинде девискээрлерни ногаанчыдар экологтуг чаагайжыдар база углерод изин эвээжедир сорулга-биле хоорайларда болгаш парк зоналарында ыяштарны тарып олуртур.

Киржири

«Сактыышкын сесерлии» акцияга күзелдиг кижи бүрүзү киржип болур. Ону кылырда сад-памяти.рф сайтыга бүрүткедип, интерактивтиг картада көргүскен черлерден эптиг черни шилип алыр. Шупту херек дериг-херекселдерни база олуртур материалды организаторлар бээр. Оон аңгыда акцияга #Садпамятидома деп форматка киржип болур, ону кылырда, бодуңнуң участогуңга ыяшты олуртуп алгаш, бодуңарның турар чериңерни хемчегниң албан ёзузунуң сайтызынга картага немеп каар[1].

Сад памяти (акция).jpg

Төөгүзү

«Сактыышкын сесерлии» деп акция 2020 чылда эгелээн. Россияның президентизиниң чарлыы-биле ол чылды чуртта Тиилелгениң 75 чыл оюн таварыштыр сактыышкынның болгаш алдар-аттың чылы кылдыр чарлаан. Дыка хөй хемчеглер планнаттынган турган. Ада-чурттуң Улуг дайынынга амы-тынындан чарылганнарның дугайында тураскаал кылдыр 27 млн ыяшты олуртур идеяны «Тиилелгениң эки турачылары» де бүгү Россия чергелиг хөй-ниити шимчээшкининиң Белгородта салбырының координатору Анна Конорева Владимир Путинниң мурнунга киирген. Күрүне баштыңы саналды деткээн[2]:

« Кызыл шеригниң хоочуннарының болгаш дайынчыларывыстың күрүневисти камгалап арттырары-биле Төрээн чуртувустуң, ажы-төлүвүстүң, уйнуктарывыстың амыдыралын болгаш чечектелиишкинин хандырары-биле кылып каан маадырлыг чоруун келир салгалдарга кезээде сагындырар соруглгалыг хөй санныг ыяштарны тарып олуртуру - анаа кайгамчык идея-дыр »

Акция төөгүлүг сактыышкынны кадагалап, экологтуг байдалды экижидери деп ийи чугула сорулганы каттыштырып, чылдың кол болуушкуннарының бирээзи болган. Россия Федерациязының Президентизи В. В. Путинниң (№ Пр-1069 03.07.2020) даалгазы-биле акция чылдың болуп эртер апарган[3]. Россияга чылдың-на марттан июнь 22-ге чедир болуп эртип турар.

Акция чорудуу-биле 2021 чылдан эгелеп Башкортостан Республикада 11 харлыг экоблогер болгаш Иглино суурдан идепкейжи Матвей Анискинниң саналы-биле #Садпамятившколе форматка база эртип турар апарган. Санал-оналды 2021 чылдың мартта АНО «Россия — аргалар чурту»-нуң хайгаарал чөвүлелиниң хуралын эрттирип турда, видеохарылзаа-биле президентиге боду илереткен. Күрүне баштыңынга аныяк экоактивист мынча дээн[4]:

« Мээң саналым болза, школачы ажы-төл шупту «Сактыышкын сесерлии» акцияга киржип эгелээр кылдыр ыяштарны тарып олуртуру. Ол дээрге дыка чараш акция-дыр, бо бүгүнуң ачызында уруглар немец эжелекчилерден Ада-чурту хостаарынга көргүскен өгбелериниң маадырлыг чоруун билип алырынга улуг салдарлыг »

Идея бүгү чуртта Сөөлгү коңга  (орус) (тыв. байырлалының болуп турган хүннеринде 2021 чылдың майда боттанып, ооң соонда чыл санында болур кылдыр уламчылаан.

2021 чылдың апрельде Волгоградтан хөй ажы-төлдүг Зайченколарның өг-бүлези май байырлалдарында өг-бүлениң «Сактыышкын сесерлииниң» тевии-биле ыяш олуртурун чаңчыл болдурар деп эгелекчи саналды киирге[5]:

« Май бир шагдан тура частың болгаш күш-ажылдың хүнү кылдыр санаттынып турар. Бөгүн бо дээрге анаа-ла ээлчеглиг узун дыштаныр хонуктар апарган, ол чылыг аяс хүннерни ажыглап Россиянын хамаатылары дачаларынчже үнгеш, шашлык быжырып турар - деп Мария Зайченко демдеглээн. - Биске өөнүң ээзи база ажы-төлүвүс-биле май байырлалдарында улуг өг-бүлевис-биле чыглып алгаш, улуг чоргаарланып чоруур кижилеривистиң дугайында сактыышкыннар-биле үлежип, шуптувуска ыяшты кады олуртур эки үе-дир деп сагындырган. »

Бодалды деткээн, олуртуушкуннарны чурттакчылыг черлерге, а ол ышкаш хоорайдан дашкаар болгаш бодунуң бажыңынга боттандырып турар апарган, акцияның ол хевирин #СадПамятиДома деп адаан. 2021 чылда бо форматка 400 муң ажыг ыяштар олуртунган[6].

2022 чылда төөгүлүг барымдааларның меге хевирлери-биле демисел чорудар сорулга-биле Ада-чурттуң Улуг дайынының чылдарында аныяк кижилерниң төөгүлеринге болгаш салым-чолунга тураскааткан аныяктарның төөгү-өөредиглиг контентизин тургузары болгаш нептередири-биле #СадПамятиГордимся деп төлевилелди эгелээн[3].

2023 чылда «Сактыышкын сесерлии» деп акцияныӊ кол кезээ Донецк Улус Республиканыӊ, Луганск Улус Республиканыӊ болгаш Запорожье облазыныӊ хостаттынган девискээрлеринге болуп эрткен. Төрээн чериниң долгандыр хүрээлели болгаш экологиязы дээш сагыш човаашкын идеязын долгандыр кижилерни каттыштырарынга ол дузалаан[7].

2024 чылда акция март 18-те эгелээн (Ыраккы Чөөн чүктүң регионнарында хемчеглерниң кол кезиин 2024 чылдың майдан эгелеп боттандырып эгелээн)[8].

2022 чылдың июнь 22-де Москвада Поклонная горада "Сактыышкын сесерлии" деп акция үезинде

Түңнелдери

2020 чыл

Кол чүүл: Сактыышкын сесерлии (2020)  (орус) (тыв.

2021 чыл

Кол чүүл: Сактыышкын сесерлии (2021)  (орус) (тыв.

2022 чыл

Кол чүүл: Сактыышкын сесерлии (2022)  (орус) (тыв.

2023 чыл

Кол чүүл: Сактыышкын сесерлии (2023)  (орус) (тыв.

2024 чыл

38 376 144 ыяшты олурткан, «Сактыышкын сесерлии» деп акцияга делегейниң 40 чурттары каттышкан.

2025 год

Акцияның хүннеринде 15 005 367 ыяшты олурткан, 38 чурттар киржикчи болганнар[9].

Демдеглелдер

  1. ↑ Международная акция «Сад памяти». may9.ru. Хынаан ай-хүнү: 27 августуң 2025.
  2. ↑ Путин назвал "блестящей" идею высадить 27 млн деревьев в честь павших в ВОВ. tass.ru. ИТАР-ТАСС (5 июньнуң 2020). Хынаан ай-хүнү: 27 августуң 2025.
  3. ↑ 1 2 Международная акция Сад памяти. президентскиегранты.рф. Фонд президентских грантов. Хынаан ай-хүнү: 27 августуң 2025.
  4. ↑ Путин попросил поддержать идею об участии школьников в акции "Сад памяти". ria.ru. РИА "Новости" (26 марттың 2021). Хынаан ай-хүнү: 27 августуң 2025.
  5. ↑ Многодетная семья из Волгограда предложила новую традицию на праздники. vlg.aif.ru. «aif.ru» (26 апрельдиң 2021). Хынаан ай-хүнү: 27 августуң 2025.
  6. ↑ Международная акция «Сад памяти»: ИТОГИ. официальный сайт ВОД «Волонтёры Победы». ВОД «Волонтёры Победы» (1 июльдуң 2021). Хынаан ай-хүнү: 27 августуң 2025.
  7. ↑ Международная акция «Сад памяти». Добро.рф. Хынаан ай-хүнү: 27 августуң 2025.
  8. ↑ Всероссийская акция «Сад памяти». официальный сайт. Федеральное агентство лесного хозяйства (19 марттың 2024). Хынаан ай-хүнү: 27 августуң 2025.
  9. ↑ Итоги 2025. сад-памяти.рф. Хынаан ай-хүнү: 27 августуң 2025.
Дөзү – «https://tyv.ruwiki.ru/w/index.php?title=Сактыышкын_сесерлии&oldid=339976»