Мөңгеде дириг (шимчээшкин)
| Мөңгеде дириг (шимчээшкин) | |
|---|---|
| Вечно живые | |
 | |
 | |
| Сорулгазы | төөгүлүг сактыышкынны кадагалаары, патриотчу кижизидилге |
| Административный центр | |
| Организацияның хевири | хөй-ниитиниң патриотчу шимчээшкини |
| Үндезилекчилери |
Фёдор Туркин Ирина Зимнева Исаак Штокбант Вячеслав Иванов Нина Креславская |
| Удуртукчулары | |
| Чөвүлел даргазы | Фёдор Туркин |
| Үндезилеттингени | |
| Дата основания | 2016 |
| 2016 | |
| Адыры | патриотизм[d] |
| Сайтызы | вечноживые.рф |
 |
|
«Мөңгеде дириг» (орус. Вечно живые) — 2016 чылда Санкт-Петербургка үндезилеттинген регионнар аразының хөй-ниитичи патриотчу шимчээшкин. Организацияның сорулгазы — төөгүлүг сактыышкынны кадагалап, аныяктарның патриотчу кижизидилгезин, националдар аразының чаңгыс демин быжыглаары.
Төөгүзү
2016 чылда бүзээлеткен хоорайның чурттакчыларының болгаш ооң камгалакчыларының Ада-чурттуң Улуг дайынының үезинде маадырлыг чоруктарының дугайында сактыышкынны арттырар сорулга-биле Санкт-Петербургка «Өлүм чок Ленинград» деп шимчээшкин тургустунган. Тургузарының эгелекчилериниң аразында Росстройинвест холдингиниң директорлар чөвүлелиниң даргазы Федор Туркин, РФ-тиң улустуң артизи Исаак Штокбант, блокадница Ирина Зимнева бар[1].
Шимчээшкинниң киржикчилери Россияның дыка хөй регионнарындан чагааларны ап эгелээн оларның авторлары шимчээшкинге каттыжар күзелин илереткен. Чыл эрткенде тургузукчулар организацияны «Мөңгеде дириг» деп эде адап ажылдың географиязын калбартыр деп шиитпирни хүлээп алган[1].
2024 чылда организацияның активинде 11 муң киржикчи, муң ажыг хемчеглер бар, шимчээшкинге 16 кады чурттаан хоорайлар каттыжып кирген[2].
Организацияның ажыл-чорудулгазын колдуунда Росстройинвест компания акшаландырар[1].
Төлевилелдери
Хөй-ниити шимчээшкини элээн каш угланыышкыннар-биле ажылды чорудуп турар.
Сактыышкынның болгаш Алдар-аттың марыжы
Чылдың-на сентябрь 8-те, Ленинградтың бүзээлээшкини эгелээн хүнүнде, «Мөңгеде дириг» шимчээшкин «Сактыышкынның болгаш Ат-алдарның марыжын» эрттирип турар. Чыскаалга хоочуннар, школачылар, кадеттер, аныяк армейжилер, бүдүрүлгелер ажылдакчылары, күүсекчи болгаш хоойлужудулга эрге-чагыргазының төлээлери, аңгы-аңгы шажын-чүдүлгелерниң лама-башкылары киржип турар. Чыскаалга киржири-биле Россияның өске хоорайларындан база даштыкыдан аалчылар келир[3].
Делегей чергелиг боолаар маргылдаа
Санкт-Петербургтуң губернаторунуң кубогу дээш практиктиг боолаашкын маргылдаазын албан хүлээлгезин күүседип тура чок болган РФ-тиң тускай кезектериниң дайынчыларынга тураскаадып эрттирип турар. Маргылдаага ФСИН, ФСО, ФСБ, Росгвардияның тускай кезектериниң ажылдакчылары, ИХЯ болгаш адыгжылар — Россияның аңгы-аңгы регионнарындан, а ол ышкаш Белоруссия, Абхазия болгаш Мурнуу Осетиядан спортчулар киржип турар. Маргылдааны Россия Федерациязының спорт яамызының болгаш Санкт-Петербургтуң чазааның деткимчези-биле эрттирип турар[4].
Өөредилге төвү «Невский»
Неваның эриинде Росстройинвест компанияның тутканы «Князь Александр Невский» деп чуртталга комплекизинде «Невский» төвү ажыттынган, ында янзы-бүрү культурлуг, спортчу болгаш өөредилге хемчеглерин эрттирип турар. Төптүң чанында халас уруглар секциялары ажылдап, бичии болгаш элээдилерге дайынчы алдарның черлеринче экскурсияларны, төөгүлүг лекцияларны, конференцияларны эрттирип турар. Төпте Россияда кара чаңгыс Александр Невскийниң музейи ажыттынган[5].
Шериг-патриотчу кижизидилге
Организацияның ажылдакчылары школаларга эрес-дидим чоруктуң кичээлдерин, дээди өөредилге черлериниң студентилеринге патриотчу ажылды доктаамал чорудуп турар[6]. Студентилерни Александр Невскийниң тураскаалдарының концепциязын ажылдап кылырынче, блокадага когарааннарга хаара тудуп турар. Чаа регионнарда шериг-патриотчу төптерни тургузуп, ооң баазазынга шериг албанныгларның өг-бүлелеринге дузаны чедирип турар[7].
Шуулганнар болгаш конференциялар
МОПД «Мөңгеде дириг» чаңчылчаан үнелиг чүүлдерни, Россияда националдар аразында чаңгыс эп-сеткил быжыглаарынга, аныяктарның сагыш-сеткил мөзү-шынар кижизидилгезиниң айтырыгларынга тураскааткан янзы-бүрү шуулганнарның конференцияларның төгерик столдарның эгелекчизи болгаш организакчызы болуп турар[8][9][10].
Диаспоралар-биле ажыл-чорудулгазы
Федор Туркинниң чугаазы-биле шимчээшкин Санкт-Петербургда диаспораларның төлээлери-биле янзы-бүрү акцияларны эрттирип турар:
Азербайджаннар-биле шериг-медицина академиязында балыглаткан дайынчыларга доктаамал барып турар бис. А Петербургтуң медицина талазы-биле дээди өөредилге черлеринде өөренип турар Таджикистандан кыстар эмнелгелерде волонтерлап ажылдап турарлар /…/ Аңгылажыышкынны болдурбас дээш, националдар аразында хамаарылгаларны шын тургузар ужурлуг бис[7].
Күш-ажылчы мигрантыларга орус дылды, культураны болгаш Россияның хоойлуларын өөренир төптерни ажыдып турар[7].
Демдеглелдер
- ↑ 1 2 3 История движения. Вечно живые. Хынаан ай-хүнү: 27 августуң 2025.
- ↑ Дмитрий Березов. Годы упорной работы: патриотическое движение «Вечно живые» отметило семилетие (2023-12-28). Хынаан 27 августуң 2025.
- ↑ Марш Памяти и Славы – в полуфинале Премии Мира (7 октября 2020). Хынаан 27 августуң 2025.
- ↑ Александр Беглов: Стартовавший в Петербурге турнир по практической стрельбе «Вечно живые» в память о погибших бойцах спецподразделений важен для воспитания молодежи в духе патриотизма (рус.). Администрация Санкт‑Петербурга (23.08. 2024). Хынаан ай-хүнү: 27 августуң 2025.
- ↑ Культурно-спортивно-образовательный центр «Невский». Вечно живые. Хынаан ай-хүнү: 27 августуң 2025.
- ↑ Соглашение с МОПД "Вечно живые". МВД России (27 январьның 2022). Хынаан ай-хүнү: 27 августуң 2025.
- ↑ 1 2 3 Марина Ледяева. Движение "Вечно живые" и СПбПУ представят проекты по укреплению традиционных ценностей и интеграции народов. Российская газета (3.04. 2024). Хынаан ай-хүнү: 27 августуң 2025.
- ↑ Общероссийский патриотический форум прошел в Петербурге. Аргументы Недели. Петербург (4 февральдың 2025). Хынаан ай-хүнү: 27 августуң 2025.
- ↑ НИУ МГСУ сотрудничает с патриотическим движением "Вечно живые". МГСУ (5 апрельдиң 2024). Хынаан ай-хүнү: 27 августуң 2025.
- ↑ В музее-панораме открылась конференция Всероссийского патриотического проекта «Земля героев». Сталинградская битва (1.11. 2023). Хынаан ай-хүнү: 27 августуң 2025.
Россияның патриотчу төлевилелдери | |
|---|---|
| РФ-тиң хамаатыларының патриотчу кижизидилгези | |
| Бот-тускайлаң төлевилелдер | |
